ވައިގެމަގުން ރާއްޖެ އެތެރެކުރަން އުޅުނު 560 ގްރާމުގެ މަސްތުވާތަކެތި ކަސްޓަމްސްއިން އަތުލައިގެންފި
19 ނޮވެމްބަރު 2026 | ބުރާސްފަތި 14:52ބަންގްލަދޭޝްއިން ރާއްޖެއައި 32 އަހަރުގެ ފިރިހެނެއްގެ ލަގެޖުން 560 ގްރާމްގެ އެމްފެޓަމައިން ކަސްޓަމްސްއިން އަތުލައިގެންފި. މިދިޔަ ހޯމަ ދުވަހު އަތުލައިގަތް މި ތަކެތި ފެނިފައިވަނީ އެ މީހާގެ އަމަލުތައް ހުރިގޮތުން ޝައްކުކުރެވިގެން ބަލައިފާސްކުރުމުގެ ތެރެއިން. ބޯޑަރުތައް ބެލެހެއްޓުމާއި މަސްތުވާތަކެތީގެ ވަގުފާރި ހުއްޓުވުމަށް ކަސްޓަމްސްއިން އަންނަނީ އިންޓެލިޖެންސްގެ އެހީގައި ހާއްސަ މަސައްކަތްތަކެއް ކުރަމުން


ވައިގެމަގުން ރާއްޖެ އެތެރެ ކުރަން އުޅުނު 560 ގްރާމުގެ މަސްތުވާތަކެތި ކަސްޓަމްސްއިން އަތުލައިގެންފި | މޯލްޑިވްސް ޕޮލިސް ސާރވިސް
ވައިގެމަގުން ރާއްޖެ އެތެރެކުރަން އުޅުނު މަސްތުވާތަކެތި ކަސްޓަމްސްއިން އަތުލައިގެންފި އެވެ.
މިކަން ހާމަކޮށްފައިވަނީ ބުރާސްފަތި ދުވަހުގެރޭ މޯލްޑިވްސް ކަސްޓަމްސް ސަރވިސް އިން "އެކްސް" ގައި ކުރި ޕޯސްޓެއްގަ އެވެ. އެގޮތުން އަތުލާގަނެފައި ވަނީ އެމްފެޓަމައިން ބާވަތުގެ 560 ގްރާމް މަސްތުވާތަކެތި ކަމަށް ކަސްޓަމްސް އިން ބުނެ އެވެ.
މިތަކެތި އަތުލައިގަނެފައިވަނީ 2026 ނޮވެންބަރު 11 ވަނަ ދުވަހު ކަމަށް ކަސްޓަމްސް އިން މައުލޫމާތުދެ އެވެ.
އަދި މި ތަކެތި އަތުލައިގަނެފައި ވަނީ ބަންގްލަދޭޝްއިން ރާއްޖެ އައި 32 އަހަރުގެ ބަންގްލަދޭޝް ފިރިހެން ފަސިންޖަރެއްގެ ލަގެޖްގައި މަސްތުވާތަކެތި ރައްކާކޮށްގެން ގެނެސްފައިވާކަމަށް ޝައްކުކުރެވިގެން، އެ ފަސިންޖަރުގެ ލަގެޖް ބަލައި ފާސްކުރުމުގެ ތެރޭގައި ކަމަށް ކަސްޓަމްސް އިން މައުލޫމާތުދެ އެވެ.
ވައިގެމަގުންނާއި ކަނޑުމަގުން ރާއްޖެއަށް އެތެރެކުރަން އުޅޭ މަސްތުވާތަކެތި އަތުލައިގަތުމަށް ކަސްޓަމްސްއިން އަންނަނީ ހާއްސަ އޮޕަރޭޝަންތަކެއް ހިންގަމުންނެވެ. މިގޮތުން ފަހަކަށް އައިސް ރާއްޖެއަށް އެތެރެކުރަން އުޅޭ ގިނަ އަދަދެއްގެ މަސްތުވާތަކެތި ކަސްޓަމްސްއިން ވަނީ އަތުލައިގެންފަ އެވެ.
މަސްތުވާތަކެތީގެ ވިޔަފާރި ހުއްޓުވުމަށް ކަމާބެހޭ އިދާރާތަކުން ގުޅިގެން ގިނަ މަސައްކަތްތަކެއް ކުރަމުންދާއިރު، ރާއްޖޭގެ ބޯޑަރުތައް ބެލެހެއްޓުމުގައި ކަސްޓަމްސްއިން ގިނަ މަސައްކަތްތަކެއް ކުރަމުންދާ ކަމަށާއި، މަސްތުވާތަކެތީގެ ވަގުފާރި ކުރާ ފަރާތްތަކުން ގެންގުޅޭ އުކުޅުތައް ދެނެގަނެ، އެފަދަ ކަންކަން ހުއްޓުވުމަށް އިންޓެލިޖެންސްގެ އެހީގައި ގިނަ މަސައްކަތްތަކެއް ކުރަމުންދާކަން އެ އިދާރާއިން ފާހަގަކުރެ އެވެ.










