ދޮންފަނު ބަނދަރުގައި އައު ނެރެއް ކަނޑައިދިނުމަށް ރައީސް މުއިއްޒު ވައުދުވެވަޑައިގެންނެވިތާ އަހަރެއް، އަދި ބޭއްވުނީ ބައްދަލުވުންތަކެއް!
19 ނޮވެމްބަރު 2026 | ބުރާސްފަތި 13:34ބ. ދޮންފަނު ބަނދަރުގައި އައު ނެރެއް ކަނޑަން އެމްޓީސީސީއާ ހަވާލުކޮށްފައިވީ ނަމަވެސް، އެ މަސައްކަތް ކުރިއަށް ނުދާތީ އެ ރަށު ކައުންސިލުން ވަނީ ކަންބޮޑުވުން ފާޅުކޮށްފަ. ފަޅު ގަދަވުމުގެ ސަބަބުން ދަތުރުފަތުރު ކުރުމަށް ބޮޑެތި ދަތިތަކެއް ކުރިމަތިވަމުންދާތީ، މި މަޝްރޫއު އަވަސްކޮށްދިނުމަކީ ރަށުގެ ރައްޔިތުންގެ ވަރަށް ބޮޑު އެދުމެއް

ދޮންފަނު ބަނދަރުގައި އައު ނެރެއް ކަނޑައިދިނުމަށް ރައީސް މުއިއްޒު ވައުދުވެވަޑައިގެންނެވިތާ އަހަރެއް، އަދި ބޭއްވުނީ ބައްދަލުވުންތަކެއް! | ރާއްޖެއެމްވީ
ބ. ދޮންފަނު ބަނދަރުގައި އައު ނެރު ކަނޑެމުގެ މަސައްކަތް އެއްވެސް ވަރަކަށް ކުރިއަށް ނުދާތީ އެރަށު ކައުންސިލުން ކަންބޮޑުވުން ފާޅުކޮށްފި އެވެ.
މިކަމުގެ ކަންބޮޑުވުން ފާޅުކުރައްވާ ދޮންފަނު ކައުންސިލް މެންބަރު އާމިނަތު ރަފާ ރާއްޖެޓީވީއަށް ދެއްވި އިންޓަވިއުއެއްގައި ވިދާޅުވީ ރައީސް ޑރ. މުހައްމަދު މުއިއްޒު 2025 ވަނަ އަހަރު ދޮންފަނަށް ވަޑައިގަންނަވާ އެރަށު ރައްޔިތުންގެ އެދުމުގެ މަތިން ބަނދަރުގައި އައު ނެރު ކަނޑުމަށް އެމްޓީސީސީއާ ހަވާލުކޮށްފައިވާ ކަމަށެވެ.
ނަމަވެސް އަމަލީ އެއްވެސް މަސައްކަތެއް ނުކުރާ ކަމަށާއި މަދު މަދުން މިކަމާއި ގުޅޭ ގޮތުން މީޓިންތައް ބާއްވަމުންދާ ކަމަށް ރަފާ ވިދާޅުވި އެވެ.
ހަމައެއާއެކު، ފަޅު ގަދަވުމުގެ ސަބަބުން ދަތިތަކާއި ކުރިމަތިލާން ޖެހޭތީ އައު ނެރެއް ކަނޑަން ރައްޔިތުން ބޭނުންވާ ކަމަށް ރަފާ މައުލޫމާތު ދެއްވި އެވެ.
ބ. ދޮންފަނު ބަނދަރަކީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގައި ތަރައްގީ ކޮށްދީފައިވާ ބަނދަރެކެވެ.






