ތުރުކީވިލާތުން އިސްވެ އުފެއްދި އާ ދިފާޢީ އިއްތިހާދު: ދުނިޔޭގެ އަސްކަރީ ބާރުތައް ސިއްސުވާލެވޭނެތަ؟
22 އޮކްޓޯބަރު 2026 | ބުރާސްފަތި 09:24މި އެއްބަސްވުމުގެ މައިގަނޑު މަގުސަދަކީ އަސްކަރީ އުފެއްދުންތެރިކަމާއި، ފަންނީ ތަމްރީނުތަކާއި، ދިރާސާ އަދި ތަރައްގީގެ ދާއިރާއިން ގުޅުން ބަދަހިކޮށް ދިފާޢީ ގާބިލުކަން ވަރުގަދަކުރުން. މީގެ ސަބަބުން ބައިވެރިވާ ޤައުމުތަކުގެ މެދުގައި ޓެކްނޮލޮޖީ ހިއްސާކުރުމަށާއި، އަމިއްލަ އުފެއްދުންތެރިކަން އިތުރުކުރުމަށް އިސްތިރާޖީ ގޮތުން މަގުފަހިވެގެންދާނެ. މި އިސްނެގުމަކީ އެކުވެރި ޤައުމުތަކުގެ ސަލާމަތާއި ރައްކާތެރިކަން ކަށަވަރުކުރުމަށް އެޅުނު މުހިންމު ފިޔަވަޅެއް
ތުރުކީވިލާތް، ޤަތަރު، އިންޑޮނީޝިޔާ އަދި ޕާކިސްތާނުގެ އޮފިޝަލުން ދޯހާގައި ބޭއްވި ރަސްމިއްޔާތެއްގައި 'ބަދުރު' ފަހުމުނާމާގައި ސޮއިކުރައްވަނީ | އަލްޖަޒީރާ
ދިފާޢީ އެއްބާރުލުން އިތުރުކުރުމަށާއި ދިފާޢީ ގާބިލުކަން ވަރުގަދަކުރުމަށް ޓަކައި ތުރުކީވިލާތް، ޤަތަރު، ޕާކިސްތާން އަދި އިންޑޮނީޝިއާއިން ބުދަ ދުވަހު އެއްބަސްވުމެއްގައި ސޮއިކޮށްފައިވާ ކަމަށް ތުރުކީވިލާތުގެ ދިފާޢީ ވުޒާރާއިން ބުނެފި އެވެ. މި ޤައުމުތަކުގެ މެދުގައި އޮތް ގުޅުން އިތުރަށް ބަދަހިކޮށް، ގުޅުންތައް ބަދަހިކުރުމަށް އެދޭކަމުގެ ރަމްޒެއްގެ ގޮތުން ދޯހާގައި ސޮއިކުރި މި އެއްބަސްވުމަކީ 'ބަދުރު ފަހުމުނާމާ' ކަމަށް، އެ ވުޒާރާއިން ނެރުނު ބަޔާނެއްގައި ބުންޏެވެ.
"މި އެއްބަސްވުމަކީ އިގުތިސާދީ ގޮތުން ބޮޑު މުހިންމުކަމެއް އެކުލެވިގެންވާ އެއްބަސްވުމެއް،" ކަމަށް އެ ވުޒާރާއިން ބުންޏެވެ. އަސްކަރީ އުފެއްދުންތެރިކަމުގައި އެއްބާރުލުން ދިނުމާއި، އަސްކަރީ ގާބިލުކަން އިތުރުކުރުމުގެ އިތުރުން ފަންނީ އަސްކަރީ ތަމްރީނުތަކާއި ދިރާސާ އަދި ތަރައްގީގެ ދާއިރާއިން ގުޅުން ބަދަހިކުރުމަކީ މި އެއްބަސްވުމުގެ މައިގަނޑު މަގުސަދު ކަމަށް އެ ބަޔާނުގައި އިތުރަށް ފާހަގަކޮށްފައިވެ އެވެ.
"ކޮންމެ ޤައުމެއްގެ ވެސް އަސްކަރީ އުފެއްދުންތެރިކަމުގެ ޚާއްސަ ގާބިލުކަމުގެ ބޭނުން ހިފައިގެން، މި އިސްނެގުމުގެ ސަބަބުން އެއްބާރުލުމާއި އެކުލެވިގެން މަސައްކަތްކުރުމަށް މަގުފަހިވެ، ދިފާޢީ ސިނާއަތުގެ ގާބިލުކަން އިތުރުވެ، އަދި އިއްތިހާދުވެރި އަދި އެކުވެރި ޤައުމުތަކުގެ ބޭނުންތައް ފުއްދައިދިނުމަށް ފުރުސަތު ލިބިގެންދާނެ،" ކަމަށް ވެސް އެ ވުޒާރާއިން ބުންޏެވެ.
ނޭޓޯގެ ދެވަނައަށް އެންމެ ބޮޑު ސިފައިންގެ ލަޝްކަރާއި ވަރުގަދަ ދިފާޢީ ސިނާއަތެއް އޮންނަ ތުރުކީވިލާތުން އަންނަނީ، އީރާނު ހަނގުރާމައިގެ ތެރޭގައި ގަލްފުގެ ޤައުމުތަކުގެ ދިފާޢީ ކަންކަން ވަރުގަދަކުރުމަށް އެހީތެރިވަމުންނެވެ. މީގެ ތެރޭގައި ތުރުކީވިލާތުގެ އަސްކަރީ މަރުކަޒެއް ޤާއިމުކޮށްފައިވާ ޤަތަރު ވެސް ހިމެނެ އެވެ.
އޮގަސްޓު މަހުގެ ތެރޭގައި ތުރުކީވިލާތުން ވަނީ ނިއުކްލިޔަރ ބާރެއް ކަމަށްވާ ޕާކިސްތާނާއި ސައުދީ އަރަބިއްޔާއާއެކު ދެފަރާތުގެ ދިފާޢީ އެއްބަސްވުމެއްގައި ސޮއިކޮށްފަ އެވެ. މި އެއްބަސްވުމުގެ ދަށުން، އެއިން އެއްވެސް ޤައުމަކަށް ދެވޭ ހަމަލާއަކީ ހުރިހާ ފަރާތްތަކަށް ދެވޭ ހަމަލާއެއްގެ ގޮތުގައި ބެލެވެ އެވެ. މީގެ އިތުރުން، އަންކަރާއިން އިންޑޮނީޝިއާއާއެކު ވެސް، ޚާއްސަކޮށް ދިފާޢީ ސިނާއަތުގެ ދާއިރާއިން ގާތް ގުޅުމެއް ބާއްވަ އެވެ.
މި އެއްބަސްވުމުގެ ސަބަބުން ބައިވެރިވި ޤައުމުތަކުގެ ދިފާޢީ ސިނާއަތްތަކުގެ މެދުގައި އޮތް ގުޅުން ބަދަހިވެ، ސަލާމަތާއި ރައްކާތެރިކަން ކުރިއެރުވުމަށާއި ގުޅިފައިވާ ލަނޑުދަނޑިތައް ހާސިލުކުރުމަށް އެއްބާރުލުން އިތުރުވެގެންދާނެ ކަމަށް ތުރުކީވިލާތުގެ ދިފާޢީ ވުޒާރާއިން ބުންޏެވެ. މި އެއްބަސްވުމަކީ ގުޅިގެން އުފެއްދުންތައް އުފެއްދުމަށާއި ޓެކްނޮލޮޖީ ތަރައްގީކުރުމަށް ޓަކައި ގާއިމުކުރެވުނު "އިސްތިރާޖީ އެއްބާރުލުމެއްގެ" ބިންގާ ކަމަށް، ތުރުކީވިލާތުގެ ޑިފެންސް އިންޑަސްޓްރީ ޕްރެޒިޑެންސީގެ ޗެއާމަން ހަލޫކް ގަރްގަން ވިދާޅުވި އެވެ.
"ދެމެހެއްޓެނިވި ދިފާޢީ ސިނާއަތެއްގެ މައިގަނޑު އަސާސަކީ ޓެކްނޮލޮޖީ ހިއްސާކުރުމާއި، ގުޅިގެން ތަރައްގީކުރުމާއި، އަދި ޤައުމުގެ އެތެރޭގެ އުފެއްދުންތެރިކަމުގެ ގާބިލުކަން ވަރުގަދަކުރުން. ތުރުކީވިލާތުގެ ގޮތުގައި އަޅުގަނޑުމެން އަގުވަޒަންކުރަނީ، ބާޒާރުން ތަކެތި ގަތުމުގެ އާދައިގެ މޮޑެލްތަކަށް ވުރެ ފުޅާ، ޤައުމެއްގެ އަމިއްލަ އިންސާނީ ވަސީލަތްތަކާއި ސިނާއީ އޮނިގަނޑު ތަރައްޤީކުރުމަށް ބާރުއަޅާ ބައިވެރިވުންތައް،" އޭނާ ވިދާޅުވި އެވެ.
"ބަދުރު ފަހުމުނާމާގެ ސަބަބުން ޤަތަރު، ޕާކިސްތާން، އިންޑޮނީޝިއާ އަދި ތުރުކީވިލާތުގެ އެއް ފަރާތުން އަނެއް ފަރާތަށް ފުރިހަމަކޮށްދޭ ގާބިލުކަން ހަގީގީ މަޝްރޫއުތަކަކަށް ބަދަލުކުރުމަށް މަގުފަހިވެގެންދާނެ ކަމަށް އަޅުގަނޑުމެން ޤަބޫލުކުރަން،" ގަރްގަން ވިދާޅުވި އެވެ.
މަސްދަރު: ސީއެންއޭ
