ދ. މީދޫ ބަނދަރު މަޝްރޫއު: މިސަރުކާރު އައިއިރު ނުނިމި ހުރީ ހަމައެކަނި ބޭރު ތޮށިލުމުގެ މަސައްކަތް، ސަރުކާރަށް 3 އަހަރު ވާންދާއިރު އަދިވެސް މަސައްކަތް ނިންމާ ނުލެވޭ!
5 އޮކްޓޯބަރު 2026 | ހޯމަ 13:12ދ. މީދޫ ބަނދަރުގެ ބޭރުތޮށިލުމުގެ މަސައްކަތް ލަސްވަމުންދާތީ އެ ރަށު ކައުންސިލްގެ ކުރީގެ ރައީސް މުހައްމަދު ޝާހިދު ކަންބޮޑުވުން ފާޅުކުރައްވައިފި. މި މަޝްރޫއުގެ ބޮޑު ބައެއް ނިމިފައިވީ ނަމަވެސް، ބާކީ ހުރި މަސައްކަތްތައް ހުއްޓިފައިވާތީ މިއީ ތަރައްގީގެ ވިސްނުން ނެތް ސަރުކާރެއްގެ ގޮތުގައި އޭނާ ވަނީ ސިފަކުރައްވާފައި
ދ. މީދޫ ބަނދަރު މަޝްރޫއު: މިސަރުކާރު އައިއިރު ނުނިމި ހުރީ ހަމައެކަނި ބޭރު ތޮށިލުމުގެ މަސައްކަތް، ސަރުކާރަށް 3 އަހަރު ވާންދާއިރު އަދިވެސް މަސައްކަތް ނިންމާ ނުލެވޭ! | ރާއްޖެ އެމްވީ
ރައީސް އިބްރާހީމް މުހައްމަދު ސޯލިހުގެ ސަރުކާރުން ބޮޑު ބައެއް ނިންމާފައިވާ ދ. މީދޫ ބަނދަރު މަޝްރޫއުގެ ބޭރު ތޮށިލުމުގެ މަސައްކަތް އަދިވެސް މި ސަރުކާރަށް ނިންމާލެވިފައި ނުވާތީ އެ ރަށު ކައުންސިލްގެ ކުރީގެ ރައީސް މުހައްމަދު ޝާހިދު ކަންބޮޑުވުން ފާޅުކުރައްވައިފި އެވެ.
މިކަމުގެ ކަންބޮޑުވުން ފާޅުކުރައްވާ ޝާހިދު ރާއްޖެޓީވީއަށް ދެއްވި އިންޓަވިއުއެއްގައި ވިދާޅުވީ، މީދޫ ބަނދަރު މަޝްރޫއުއަކީ ރައީސް ސޯލިހުގެ ސަރުކާރުގައި ފަށާފައިވާ މަޝްރޫއެއް ކަމަށެވެ. އަދި އެ ސަރުކާރު ނިމުނުއިރު ނުނިމި ހުރީ ހަމައެކަނި ބަނދަރުގެ ބޭރު ތޮށިލުމުގެ މަސައްކަތްކަން ޝާހިދު ފާހަގަކުރެއްވި އެވެ.
ބޭރު ތޮށިލުމުގެ މަސައްކަތް ފަށާފައިވަނީ ކައުންސިލް އިންތިހާބުގެ ތެރޭގައި ކަމަށާއި، އަދިވެސް އެ މަސައްކަތް ނިމާލެވިފައިވާ ނުވާ ކަމަށް ޝާހިދު ވިދާޅުވި އެވެ.
އެހިސާބުން ދޭތެރެ ދޭތެރެއިން ބަޔަކު އަންނަ ކަމުގައި ވަންޏާ ނުވަތަ ވެރިކަމުގެ ފަރާތުން ބަޔަކު އަންނަ ކަމުގައި ވަންޏާ އެކްސްކަވޭޓަރު އަންނާނެ އައިސް ހިލަކޮޅެއް ބަހައްޓާފައި ދާނެ. އަނެއްކާ ވެސް އަޅުގަނޑަށް ހީވަނީ ތެޔޮ ހުސްވީ ހެން ނޫނީ ދިމާވެގެން އުޅޭ ކަމެއް އަޅުގަނޑުމެންނަކަށް ނޭނގޭ. ސުވާލަކީ ކީއްވެގެން ހެއްޔޭ ހުއްޓިފައި މިއޮތީމުހައްމަދު ޝާހިދު
މީގެ އިތުރުން، ޝާހިދު ވަނީ މި ސަރުކާރަކީ އެއްވެސް ވަރަކަށް ތަރައްގީގެ ވިސްނުން ގެންގުޅޭ ސަރުކާރެއް ނޫން ކަމަށާއި ބަޔަކު ކޮށްފައި ހުރި ކަމެއްގެ ތެރެއަށް އަތް ބޭނުން ނުވަތަ ކަމެއް ފަށާފައި ނިންމަން މިސަރުކާރަށް ނޭނގޭ ކަމަށް ވިދާޅުވެފަ އެވެ.
ދ. މީދޫ ބަނދަރު ހެދުމުގެ މަޝްރޫއުގެ ދަށުން ބަނދަރު ފުންކުރުމާއި 373 މީޓަރުގެ ބޭރުތޮށި ލުމާއި 35 މީޓަރުގެ ރިވެޓްމެންޓް ޖެހުމާއި 294 މީޓަރުގެ އެއްގަމުތޮށި ލުމާއި 11 މީޓަރު ދިގު 11 މީޓަރު ފުޅާ ރޭމްޕެއް ހެދުމާއި 1,470 އަކަ މީޓަރުގެ ސަރަހައްދެއްގައި ޕޭވްމަންޓް ހެދުމުގެ އިތުރުން ނެރުބައްތި އާއި ބަނދަރު ބައްތި ހަރުކުރުމުގެ މަސައްކަތް ހިމެނެ އެވެ.
މި މަޝްރޫއުގެ އަމަލީ މަސައްކަތް ފެށުމަށްޓަކައި ސައިޓް މޮބިލައިޒްކޮށްފައިވަނީ 27 އެޕްރީލް 2021 ގަ އެވެ.
