ވަޒީފާއާއި ބެހޭ ޓްރައިބިއުނަލްގެ މެންބަރު ސައުސަން ނިޔާވެއްޖެ
3 އޮކްޓޯބަރު 2026 | ހޮނިހިރު 08:32ބަލިވެ އުޅުއްވުމަށްފަހު އިންޑިއާގައި ފަރުވާ ހޯއްދަވަމުން ގެންދަވަނިކޮށް ނިޔާވި ސައުސަންއަކީ 2024 ވަނަ އަހަރުގެ އޮކްޓޫބަރު މަހު ވަޒީފާއާ ބެހޭ ޓްރައިބިއުނަލަށް އައްޔަނުކުރެއްވި މެންބަރެއް. ގާނޫނީ ދާއިރާގައި ގިނަ ދުވަސްތަކެއް ވަންދެން ޚިދުމަތް ކުރެއްވި ސައުސަންގެ ކުއްލި ވަކިވުމަކީ އެ ދާއިރާއަށް ލިބުނު ބޮޑު ހުސްކަމެއްގެ ގޮތުގައި ގިނަ ބަޔަކު ފާހަގަކުރޭ
ވަޒީފާއާ ބެހޭ ޓްރައިބިއުނަލްގެ މެންބަރު ފާތިމަތު ސައުސަން. އޭނާ ނިޔާވީ ހޮނިހިރު ދުވަހުގެ ފަތިހުގެ ވަގުތެއްގައި | ވަޒީފާ އާއި ބެހޭ ޓްރައިބިއުނަލް
ވަޒީފާއާއި ބެހޭ ޓްރައިބިއުނަލްގެ މެންބަރު ފާތިމަތު ސައުސަން ނިޔާވެއްޖެ އެވެ.
ސައުސަން ނިޔާވެފައިވަނީ ހޮނިހިރު ދުވަހުގެ ފަތިހުގެ ވަގުތެއްގައި އިންޑިއާގަ އެވެ.
މައުލޫމާތު ލިބޭ ގޮތުގައި، އޭނާ ގެންދެވީ ބަލިވެގެން އިންޑިއާގައި ބޭސްފަރުވާ ހޯއްދަވަމުންނެވެ.
ވަޒީފާއާ ބެހޭ ޓްރައިބިއުނަލަށް މެންބަރު ކަމަށް ސައުސަން އައްޔަނުކުރައްވާފައިވަނީ 2 އޮކްޓޫބަރު 2024 ގަ އެވެ. އޭނާ އެ މަގާމަށް އައްޔަނުކުރެއްވީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަނަށް ޚާއްސަކޮށްގެންނެވެ.
ގާނޫނީ ދާއިރާގައި ގިނަ ދުވަސްތަކެއް ވަންދެން ޚިދުމަތް ކުރެއްވި ސައުސަން ވަނީ ގާނޫނީ ވަކީލެއްގެ ގޮތުންނާއި މެންބަރެއްގެ ގޮތުން ގައުމަށް އަގުހުރި ގިނަ ޚިދުމަތްތަކެއް ކޮށްދެއްވާފަ އެވެ. އޭނާގެ ކުއްލި ވަކިވުމަކީ ދާއިރާއަށް ލިބުނު ވަރަށް ބޮޑު ހުސްކަމެއްގެ ގޮތުގައި ގިނަ ބަޔަކު ދަނީ ސިފަ ކުރަމުންނެވެ.
