ވޭޕްގެ ވިޔަފާރިކޮށް މަނިލޯންޑަރ ކުރާ ކަމުގެ ތުހުމަތުގައި ހިންގި އޮޕަރޭޝަނެއްގައި ވޭޕް ކާޓްރިޖްތަކެއް ހޯދާ ފުލުހުންގެ ބެލުމުގެ ދަށަށް ގެންގޮސްފި
22 ސެޕްޓެމްބަރު 2026 | އަންގާރަ 09:40ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި، 156 ވޭޕް ކާޓްރިޖާއި ކުށްކޮށްގެން ހޯދާފައިވާ ކަމަށް ބެލެވޭ ފައިސާތަކެއް އަތުލައިގަނެފި. މި މައްސަލައިގައި ދެ ދިވެހިން ހުއްޓުވައި އެޕާޓްމަންޓެއް ބަލައި ފާސްކޮށްފައިވާއިރު، ވޭޕް އެތެރެކޮށް އޭގެ ވިޔަފާރިކޮށް މަނީލޯންޑަރ ކުރާކަމުގެ ތުހުމަތުގައި ފުލުހުން ދަނީ މި މައްސަލަ ތަހުގީގު ކުރަމުން
ފުލުހުން އަތުލައިގަތް ތަކެތި | ޕޮލިސް މީޑިޔާ
ރާއްޖެއަށް ވޭޕް އެތެރެކޮށް، އޭގެ ވިޔަފާރިކޮށް އަދި މަނީލޯންޑަރކުރާ ކަމަށް ތުހުމަތުކުރެވޭ މައްސަލައާ ގުޅިގެން ހިންގި އޮޕަރޭޝަންގައި ވޭޕް ކާޓްރިޖްތަކެއް ހޯދައި ފުލުހުންގެ ބެލުމުގެދަށަށް ގެންގޮސްފި އެވެ.
އަންގާރަ ދުވަހު ދިވެހި ފުލުހުންގެ ހިދުމަތުން ބުނީ، މިތަކެތި އަތުލައިގަތީ ސެޕްޓެމްބަރު 21 ވަނަ ދުވަހު ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ކަމަށެވެ.
އެގޮތުން މި އޮޕަރޭޝަންގައި، މަގުމަތިން ދިވެހި ދެ ފިރިހެނުން ހުއްޓުވައި ސުވާލުކޮށް، އެ މީހުން ދުއްވި ސައިކަލާއި އެ މީހުންނާ ގުޅުންހުރިކަމަށް ބެލެވޭ އަމާން އުދަރެސް އެޕާޓްމަންޓެއް ބަލައި ފާސްކޮށްފައިވާ ކަމަށް ފުލުހުން ބުނެފައިވެ އެވެ.
އަދި އެ އެޕާޓްމަންޓް ބަލައި ފާސްކުރުމުގެ ތެރެއިން 156 ވޭޕް ކާޓްރިޖްއާއި ނެނޯ ސްޓިކްގެ އިތުރުން، ކުށްކޮށްގެން ހޯދާފައިވާ ކަމަށް ބެލެވޭ 6000 އަށްވުރެ ގިނަ ދިވެހި ރުފިޔާ ފެނިފައިވާ ކަމަށް ފުލުހުން މައުލޫމާތު ދީފައިވެ އެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
