ޕްރިމިއާ ލީގުގެ ތާރީޚީ މެޗުގައި ނިއު ރޭޑިއަންޓް އިން ގައްދޫ ބަލިކޮށްްފި
13 ސެޕްޓެމްބަރު 2026 | އާދީއްތަ 03:11ގައްދޫގައި ކުޅުނު މި މެޗަކީ ޕްރިމިއާ ލީގުގެ ތާރީޚުގައި އަތޮޅު ތެރޭގެ ރަށެއްގައި ކުޅުނު ފުރަތަމަ މެޗު. މިފަހަރުގެ ޕްރިމިއާ ލީގު ކުރިއަށް ގެންދަނީ ހޯމް އެންޑް އަވޭ އުސޫލުން
މެޗުގައި ލަނޑު ޖެހުމަށް ފަހު ނިއު ރޭޑިއަންޓުގެ ކުޅުންތެރިން އުފާ ފާޅުކުރަނީ | އެފްއޭއެމް
ދިވެހި ޕްރިމިއާ ލީގުގެ ތާރީޚީ މެޗުގައި ނިއު ރޭޑިއަންޓް ސްޕޯޓްސް ކުލަބުން ގައްދޫ ފުޓުބޯޅަ ޓީމުގެ މައްޗަށް ކުރި ހޯދައިފި އެވެ.
ގައްދޫގައި ކުޅުނު މި މެޗަކީ ޕްރިމިއާ ލީގުގެ ތާރީޚުގައި އަތޮޅު ތެރޭގެ ރަށެއްގައި ކުޅުނު ފުރަތަމަ މެޗެވެ. މިފަހަރުގެ ޕްރިމިއާ ލީގު ކުރިއަށް ގެންދަނީ ހޯމް އެންޑް އަވޭ އުސޫލުންނެވެ.
ގައްދޫއާ ދެކޮޅަށް ކުޅުނު މެޗު ނިއު ރޭޑިއަންޓް އިން ކާމިޔާބު ކުރީ 2-0 އިންނެވެ. މެޗުގައި ނިއު ރޭޑިއަންޓް އިން އެ ޓީމުގެ ދެ ލަަނޑު ވެސް ޖެހީ މެޗުގެ ފުރަތަމަ ހާފުގަ އެވެ.
މެޗު ފަށައިގެން އަށް ވަނަ މިނެޓުގައި ނިއު ރޭޑިއަންޓް އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު އެ ޓީމަށް ޖަހައިދިނީ ބްރެޒިލްގެ ޑޮރިއެލްޓަން ގޯމޭސް (ޑޯރީ) އެވެ. އެއޯ ގޯމޭސް ޑަ ސިލްވާ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. އޭގެ ފަހުން މެޗުގެ ފުރަތަމަ ހާފުގެ އިތުރު ވަގުތުގައި ޑޯރީ ވަނީ ނިއު ރޭޑިއަންޓުގެ ދެ ވަނަ ލަނޑު ޖަހައި ލީޑު ފުޅާކޮށްފަ އެވެ.
މި މެޗު އެންމެ ފުރަތަމަ ކުޅެން ތާވަލުކޮށްފައި އޮތީ ހުކުރު ދުވަހުގެ ހަވީރު އެވެ. އެހެން ނަމަވެސް، މިހާރު ރާއްޖެ އަށް ކުރަމުން އަންނަ ވިއްސާރައިގެން ސަބަބުން، ދަނޑުގައި ފެން ހެދި، މެޗު ކުރިއަށް ގެންދެވޭ ގޮތް ނުވުމުން މެޗު ވަނީ ހޮނިހިރު ދުވަހަށް ފަސްކޮށްފަ އެވެ.
