ރައީސް މުއިއްޒުގެ ސިޓީފުޅާ އެކު، އިނގިރޭސިވިލާތުން ބުނީ ފޯޅަވަހީގެ މައްސަލަ އަކީ ރާއްޖެއާ ގުޅުން އޮތް ކަމެއް ނޫން ކަމަށް

ފޯޅަވަހީގެ މައްސަލައިގައި މަޝްވަރާތަކަށް ވަޑައިގެންނެވުމަށް އިނގިރޭސިވިލާތުގެ ބޮޑު ވަޒީރު އެންޑީ ބާންހަމް އަށް ރައީސް ޑރ. މުހައްމަދު މުއިއްޒު ސިޓީފުޅެއް ފޮނުއްވާފައި ވަނިކޮށް، އެއީ ރާއްޖެއާ ގުޅުން އޮތް މައްސަލައެއް ނޫން ކަމަށް އިނގިރޭސިވިލާތުން ބުނެފި އެވެ.

މި މައްސަލައިގައި ރައީސް އޮފީހުން އަންގާރަ ދުވަހު ވަނީ ރައީސް މުއިއްޒު، އިނގިރޭސިވިލާތުގެ ބޮޑު ވަޒީރު ބާންހަމް އަށް ސިޓީފުޅެއް ފޮނުއްވާފައިވާ ކަމަށް ހާމަކޮށްފަ އެވެ. 

Advertisement

ރައީސް މުއިއްޒު ފޮނުއްވި ސިޓީފުޅުގައި ފޯޅަވައްސަކީ ދިވެހިރާއްޖޭގެ ތަނެއް ކަމުގައި ތާރީހީ ގޮތުން ވެސް ފެންނަން އޮތްކަމާއި، އަދި ޖިއޮގްރަފީ ގޮތުން ވެސް ފޯޅަވައްސަކީ ދިވެހިރާއްޖެއާ މާގާތުގައި އޮތް ރަށެއްކަމަށް ވަނީ ފާހަގަކުރައްވައިފަ އެވެ. އަދި ފޯޅަވަހީގެ ސިޔާދަތީ ބާރުތައް މޮރިޝަސްއާ ހަވާލު ކުރެއްވުމަށް ކުރައްވާ މަސައްކަތްތައް ކުރިއަށް ގެންދަވާތީ އެކަމުގެ ކަންބޮޑުވުން ރައީސް މުއިއްޒު ވަނީ ފާޅުކުރައްވާފަ އެވެ.

މި ސިޓީފުޅުގައި ރައީސް މުއިއްޒު ވަނީ އިނގިރޭސިވިލާތާއި ރާއްޖެއާ ދެމެދު އޮންނަ ޒަމާނީ ގުޅުން އިތުރަށް ކުރިއަށް ގެންދެވޭނެ ކަމުގެ ފުރިހަމަ ޔަގީންކަން ދެއްވާފަ އެވެ. އަދި ދިވެހި ދައުލަތާއި ރައްޔިތުންގެ ހައްޤުތައް ރައްކާތެރިކުރެވޭނޭ ފަދައިން، ފޯޅަވަހީގެ މައްސަލައިގައި ދިވެހިރާއްޖެ އިން އިނގިރޭސި ސަރުކާރަށް އެއްބާރުލުން ދެއްވާނެ ކަމުގެ ޔަޤީންކަން ވެސް ރައީސް މުއިއްޒު ވަނީ ދެއްވާފަ އެވެ.

Raajje.mv

ފޯޅަވަހީގެ ސިޔާދަތީ މިލްކުވެރިކަމާބެހޭ މައްސަލައިގެ މަޝްވަރާއަށް ވަޑައިގަތުމަށް އިނގިރޭސި ބޮޑުވަޒީރަށް ރައީސް ދައުވަތު ދެއްވައިފި

ނަމަވެސް މިކަމާ ގުޅޭ ގޮތުން އިނގިރޭސިވިލާތުގެ ފޮރިން އޮފީހުގެ ތަރުޖަމާނަކު ވިދާޅުވެފައި ވަނީ، މި މައްސަލަ އަކީ އިނގިރޭސިވިލާތާއި މޮރިޝަސްއާ ދެމެދު އޮތް މައްސަލައެއް ކަމަށެވެ. އެއާ އެކު އޭނާ ވިދާޅުވީ، 2022 ވަނަ އަހަރު އޮތް އިނގިރޭސި ސަރުކާރުން ވެސް ރާއްޖެއާ އެކު މަޝްވަރާ ނުކޮށް، ހަމައެކަނި މޮރިޝަސްއާ މަޝްވަރާކޮށްގެން މި މައްސަލަ ކުރިއަށް ގެންދިޔައީ އެ ސަބަބާ ހުރެ ކަމަށެވެ. 

ރައީސް މުއިއްޒު ވެރިކަމަށް ވަޑައިގެންނެވީ ރާއްޖޭގެ ކަނޑުން ބައެއް ގެއްލިފައިވާ ކަަމަށް ވިދާޅުވެ، އެ ސަރަހައްދު އަލުން ހޯއްދަވާނެ ކަމުގެ ވައުދުފުޅާ އެކު އެވެ.