މާލޭގައި މަސްތުވާތަކެތި ވިއްކާ ވިޔަފާރިކުރާކަމުގެ ތުހުމަތުގައި ބަންގްލަދޭޝް ބަޔަކު ހައްޔަރުކޮށްފި
4 ސެޕްޓެމްބަރު 2026 | ހުކުރު 09:58މާލޭގެ ގެސްޓްހައުސްއެއްގައި މަސްތުވާތަކެތީގެ ވިޔަފާރި ކުރަމުންދިޔަ ބަންގްލަދޭޝްގެ ނުވަ މީހަކު ފުލުހުން ހިންގި ޚާއްސަ އޮޕަރޭޝަނެއްގައި ހައްޔަރުކޮށްފި. މި މައްސަލައިގައި ހައްޔަރުކުރި މީހުންގެ އަތުން މަސްތުވާތަކެތި ފެނިފައިވާއިރު، އިޖުރާއަތްތައް ފުރިހަމަކުރުމަށްފަހު ފުލުހުން މިހާރު ވަނީ އެ އެންމެން އިމިގްރޭޝަނާ ހަވާލުކޮށްފައި
މަސްތުވާތަކެތި ވިއްކައި ވިޔަފާރިކުރާކަމުގެ ތުހުމަތުގައި ބަންގްލަދޭޝް ބަޔަކު ހައްޔަރުކޮށްފި | ޕޮލިސް މީޑިޔާ
މާލޭގައި މަސްތުވާތަކެތި ވިއްކައި ވިޔަފާރިކުރާކަމުގެ ތުހުމަތުގައި ބަންގްލަދޭޝް އަށް ނިސްބަތްވާ ނުވަ މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެެވެ.
އެ މީހުން ހައްޔަރުކޮށްފައިވަނީ ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް ގުޅިގެން ހިންގި އޮޕަރޭޝަންގައި މި ސެޕްޓެމްބަރު މަހުގެ 1 ވަނަ ދުވަހު މާލޭގެ ގެސްޓުހައުސްއެއް ބަަލައި ފާސްކުރުމުގެ ތެރޭގައި ކަމަށް ފުލުހުން ބުނެ އެވެ. އަދި ގެސްޓުހައުސް ބަލައި ފާސްކުރިއިރު މަސްތުވާތަކެތިކަމަށް ބެލެވޭ ތަކެތި ފެނިފައިވާ ކަމަށް ވެސް ފުލުހުން ބުނެ އެވެ.
މި މައްސަލައާ ގުޅިގެން ހައްޔަރުކޮށްފައިވަނީ ތޯހިދުލް އިސްލާމް (35އ) އާއި މޮނީރް ބެޕާރީ (37) އާއި ޖަކިރް މުންޝި (46އ) އާއި އެމް.ޑީ އަބު ޒަބެރް ޕްރަމަނިކު (37އ) އާއި އެމް.ޑީ އުސްމާން (23އ) އާއި މޮހައްމަދު ބަބްލޫ އަލީ (34އ) އާއި އެމް.ޑީ ރައިހާން (32އ) އާއި އަފްރަނުލް ހޮގް އާޝިކު (34އ) އަދި މުހައްމަދު ރަކިބް ހޮސެއިން (30އ) އެވެ. މި އެންމެންނަކީ ވެސް ބަންގްލަދޭޝްއަށް ނިސްބަތްވާ މީހުން ކަމަށް ފުލުހުން ބުނެ އެވެ.
މައްސަލައިގެ އިޖުރާއަތްތައް ފުރިހަމަކުރުމަށްފަހު އެންމެން ވެސް މިހާރު ވަނީ މޯލްޑިވްސް އިމިގްރޭޝަނާ ހަވާލުކޮށްފައި ކަމަށް ފުލުހުން މައުލޫމާތުދެ އެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
