ދ. މާއެނބޫދޫ ވޭސްޓް މެނޭޖްމަންޓް ސެންޓަރު މަސައްކަތް ހުއްޓި، މުޅި ސަރަހައްދުގައި ގަސް ފަޅައި ޖަންގަޔަކަށް ވެފައި!
28 އޯގަސްޓު 2026 | ހުކުރު 13:19ދ. މާއެނބޫދޫގައި އިމާރާތްކުރާ ވޭސްޓް މެނޭޖްމަންޓް ސެންޓަރުގެ މަސައްކަތް ހުއްޓި، އެ ސަރަހައްދު ވީރާނާވަމުންދާތީ އެ ރަށު ކައުންސިލުން ކަންބޮޑުވުން ފާޅުކޮށްފި. އެޕޯލޯ ކުންފުންޏާ ހަވާލުކޮށްގެން ކުރިއަށްގެންދާ މި މަޝްރޫއު ހުއްޓިފައިވާ ސަބަބު ސާފުނުވާތީ، މި މަޝްރޫއާ ގުޅޭ ރިޕޯޓެއް އެންވަޔަރަމަންޓް މިނިސްޓްރީއަށް ހުށަހެޅުމަށް ކައުންސިލުން ދަނީ ތައްޔާރުވަމުން
ދ. މާއެނބޫދޫ ވޭސްޓް މެނޭޖްމްންޓް ސެންޓަރު މަސައްކަތް ހުއްޓި، މުޅި ސަރަހައްދުގައި ގަސް ފަޅައި ޖަންގަޔަކަށް ވެއްޖެ | ރާއްޖެ އެމްވީ
ދ. މާއެނބޫދޫ ވޭސްޓް މެނޭޖްމަންޓް ސެންޓަރު މަސައްކަތް ހުއްޓި، ޕްރޮޖެކްޓް ކުރިއަށްދާ ސަރަހައްދުގައި ބޯކޮށް ގަސްފަޅައި މުޅިތަން ހާލަކުވާ ހާލަތަށް ގޮސްފައިވުމުން އެކަމުގެ ކަންބޮޑުވުން މާއެނބޫދޫ ކައުންސިލުން ފާޅުކޮށްފި އެވެ.
މާއެނބޫދޫ ކައުންސިލްގެ ރައީސް ނޫމާ މުހައްމަދު ރާއްޖެޓީވީ އަށް ދެއްވި އިންޓަވިއުގައި ވިދާޅުވީ އެ މަސައްކަތަކީ 2024 ވަނަ އަހަރުގެ އޮކްޓޫބަރު 7 ވަނަ ދުވަހު އެވޯޑް ކުރެވުނު މަސައްކަތެއް ކަމަށެވެ. އަދި އެ މަސައްކަތް ހަވާލުކުރެވިފައި ވަނީ އެޕޯލޯ ކުންފުންޏާ ކަމަށެވެ.
މި މަސައްކަތް 2025 ވަނަ އަހަރުގެ އޮގަސްޓު 25 ގައި ހުއްޓުނު ގޮތަށް އަދި އެއްވެސް މަސައްކަތެއް ކުރިއަށް ނުދާ ކަމަށް ނޫމާ ވިދާޅުވި އެވެ.
މިހާރު ފެނިވަޑައިގަންނަވާނެ ދެތަނުން ދޭތެރެއިން ނިކަގަސް އެއްޗިސް ފަޅައި، ނާސަރީއަކަށް ބަދަލުވަމުން މި އަންނަނީ. ދެން އަޅުގަނޑުމެން މިހާރު އެންވަޔަރަމަންޓް މިނިސްޓްރީއާ މަޝްވަރާ ކުރެވެމުން މިދަނީ މިކަމާއި ގުޅޭ ރިޕޯޓް ވެސް ތައްޔާރު ކުރެވި، އިރާދަކުރެވިއްޔާ މިފެށޭ ހަފްތާގައި އެންވަޔަރަމަންޓް މިނިސްޓްރީއަށް ކަމާބެހޭ ރިޕޯޓު ހިއްސާ ކުރެވޭނެނޫމާ މުހައްމަދު
މި މަސައްކަތް ކުރިއަށް ނުދަނީ ކީއްވެގެން ކަމެއް ކައުންސިލަށް ނޭނގޭ ކަމަށާއި މިނިސްޓްރީގެ ފަރާތުން ވެސް މައުލޫމާތު ލިބިފައި ނުވާ ކަމަށް ނޫމާ ވިދާޅުވި އެވެ.
ކުނި މެނޭޖުކުރެވޭނެ ގޮތެެއް މާއެނބޫދޫގައި ނެތުމުގެ ސަބަބުން ދަތިތަކާއި ކުރިމަތިލާން ޖެހޭ ކަމަށާއި މިހާރު ކުނި އަޅަމުން ދަނީ އޯޕަން އޭރިއާއަކަށް ކަމަށް ނޫމާ ވިދާޅުވި އެވެ.
އޯޕަން އޭރިއާއަކަށް ކުނިތައް އަޅަމުން މިދަނީ ދެން ކޮންމެވެސް މިންވަރަކަށް ކުނިތައް ވަކި ކުރުމުގެ މަސައްކަތް ކުރެވޭ ނަމަވެެސް އެގޮތަށް ކުނި މެނޭޖުކުރަންދާ ދިޔުމުގެ ސަބަބުން ރައްޔިތުން އަސްލު އެކަމަކަށް ތަރުހީބެއް ނުދެއްވާ އެކަށީގެންވާ މިންވަރަކަށް، ކުނި އަދިވެސް މިކްސްކޮށް ގެންގުޅޭކަން އަޅުގަނޑަށް ފާހަގަކުރެވުނީ ދެން މިފަދަ ޒަމާނެއްގައި ކުރިއަރަމުން އަންނަ ދުވަސްވަރެއްގައި ވިޔަފާރިތަކަށް ޓޫރިޒަމަށް ބެލިކަމުގައި ވީޔަސް ވެސް އަޅުގަނޑު ގަބޫލު ކުރަނީ އެއީ ވަރަށް ނާތަހުޒީބު ގޮތެއް ކަމަށްނޫމާ މުހައްމަދު
މި މަޝްރޫއު ހިންގުމަށް ބިން ކަނޑައަޅައި، ސަރުކާރަށް ދީފައިވާނެ ކަމަށާއި، ކައުންސިލްގެ ފަރާތުން އެއްވެސް ހުރަހެއް އަޅާފައި ނުވާނެކަމަށް ނޫމާ ފާހަގަކުރެއްވި އެވެ.
