ދިމިޝްގުގައި ސަލާމަތީ އޮފިޝަލުން ދަތުރު ކުރަމުން ދިޔަ ބަހެއްގައި ބޮމެއް ގޮއްވާލައިފި

ސީރިއާގެ ވެރިރަށް ދިމިޝްގު ކައިރީގައި ސިކިއުރިޓީ ބާރުތަކުގެ މުވައްޒަފުން ދަތުރުކުރި ބަހެއްގައި ބޮމެއް ގޮއްވާލައި، ގިނަ ބަޔަކު ޒަޚަމުވެފައިވާ ކަމަށް ސަރުކާރުގެ މީޑިއާ އިން ރިޕޯޓުކޮށްފި އެވެ.  

ސީރިއާގެ ސަރުކާރު ނޫސް އެޖެންސީ ސަނާ އިން ބުނީ، ދިމިޝްގު ކައުންޓްރީސައިޑްގައި މާރޫނާ-އަލް ތާލް ރޯޑުގައި އިންޓާނަލް ސިކިއުރިޓީ ފޯސްގެ މުވައްޒަފުން ދަތުރުކުރި ބަހަކަށް ބޮމުގެ ހަމަލާއެއް އަމާޒުވެ، އެތައް ބަޔަކަށް އަނިޔާވެފައިވާ ކަމަށެވެ. 

ސީރިއާގެ ނޫސް އެޖެންސީ އިން އިތުރަށް ބުނީ، މި ހަމަލާއާ ގުޅިގެން ބާރުތަކުން ތަހުގީގު ކުރަމުންދާ ކަމަށާއި، މި ހަމަލާގައި ބައިވެރިވި ފަރާތްތައް ދެނެގަތުމަށް މަސައްކަތް ކުރަމުންދާކަމަށެވެ. އެހެން ނަމަވެސް މި ހާދިސާއާ ގުޅޭ އިތުރު ތަފްސީލެއް ވަގުތުން ހާމަކޮށްފައި ނުވެ އެވެ. 

ސަނާ އިން އާމްމުކުރި ފޮޓޯތަކުން ފެންނަނީ މަގުގެ ދެ ފަރާތުގައި ވަރަށް ބޮޑަށް ހަލާކުވެފައިވާ ދެ ބަސް އޮންނަ މަންޒަރެވެ. ބަހުގެ ކުޑަދޮރުތަކާއި ދޮރުތަކުގެ ތެރެއިން އެއް ދޮރު ވަނީ ގޮއްވާލާފައި އެވެ. ކުރީ ސީޓުތަކުގައި ކުޑަދޮރުތަކުގެ ބިލޫރިތައް ހުރި މަންޒަރު ވެސް ފެނެ އެވެ.

ސީރިއާގެ ބާރުތަކަށް ސަލާމަތީ ގޮތުން ބޮޑެތި ގޮންޖެހުންތަކާ ކުރިމަތިލާން ޖެހިފައިވަނީ 2024 ވަނަ އަހަރުގެ ފަހުކޮޅު ދިގު މުއްދަތަކަށް ވެރިކަން ކުރި ބަޝާރު އަލް އަސަދު ވެރިކަމުން ވައްޓާލުމަށްފަހު އެވެ. ދިމިޝްގު އާއި އެ ސަރަހައްދުގެ ކައިރި ސަރަހައްދުތަކުގައި އެތައް ހަމަލާއެއް ހިންގާފައިވެ އެވެ.

އޯގަސްޓް މަހު ދިމިޝްގު ކައިރީގައި ހުންނަ ޖަރަމާނާ ސިޓީގައި ބަހަކަށް ދިން ބޮމުގެ ހަމަލާއެއްގައި 14 މީހުން ޒަޚަމުވެފައިވެ އެވެ.

ޖުލައި މަހު ފްރާންސްގެ ރައީސް އިމަނުއެލް މެކްރޮން ސީރިއާ އަށް ކުރެއްވި ދަތުރުފުޅުގައި ދިމިޝްގަށް ވަޑައިގެން ހުންނެވި ހޮޓާ ކައިރީގައި ދެ ބޮމެއް ގޮއްވާލި އެވެ. އެހެން ނަމަވެސް، އެ ވަގުތު މެކްރޮން ހުންނެވީ ހޮޓަލުން ބޭރުގައި އެވެ.  

މި ހަމަލާތަކުން ސީރިއާގައި ސަލާމަތާއި ރައްކާތެރިކަން ދެމެހެއްޓުމަށް ބާރުތަކަށް ކުރިމަތިވެފައިވާ ގޮންޖެހުންތަކުގެ އަސަރު ހާމަވެ އެވެ.