ފުޅާދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި މަޝްހޫރު ވޮލީ ކުޅުންތެރިޔާ ފާޒިލް ހައްޔަރުކޮށްފި
22 އޯގަސްޓު 2026 | ހޮނިހިރު 06:12ފުޅާދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ވ. ކެޔޮދޫން ހައްޔަރުކުރި ގައުމީ ވޮލީ ކުޅުންތެރިޔާ އަހުމަދު ފާޒިލްގެ ބަންދަށް ކޯޓުން 10 ދުވަސް ޖަހައިފި. ފުލުހުން ހިންގި ޚާއްސަ އޮޕަރޭޝަނެއްގައި ދެ ގެޔެއް ބަލައި ފާސްކުރިއިރު، 265 ގުރާމަށްވުރެ ގިނަ މަސްތުވާތަކެތި ފެނިފައިވާތީ މި މައްސަލަ އިތުރަށް ދަނީ ތަހުގީގު ކުރަމުން
ފުޅާދާއިރާއެއްގައި މަސްތުވާތަކެތީގެ ވިޔަފާރިކުރާކަމަށް ތުހުމަތުގައި މަޝްހޫރު ވޮލީ ކުޅުންތެރިޔާ ފާޒިލް ހައްޔަރުކޮށްފި | ޕޮލިސް މީޑިޔާ
ފުޅާދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި މަޝްހޫރު ވޮލީ ކުޅުންތެރިޔާ ފާޒިލް ހައްޔަރުކޮށްފި އެވެ.
ހޮނިހިރު ދުވަހު ފުލުހުން ބުނީ، ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސާއި، ވ. އަތޮޅު ފުލުހުން ގުޅިގެން ހިންގި އޮޕަރޭޝަންގައި މި އޮގަސްޓު މަހުގެ 20 ވަނަ ދުވަހު ކްރިމިނަލް ކޯޓުގެ އަމުރެއްގެ ދަށުން މީހަކު ހައްޔަރުކޮށްފައިވާ ކަމަށެވެ. އެގޮތުން ހައްޔަރު ކޮށްފައިވަނީ އުމުރުން 31 އަހަރުގެ ދޭލިޔާގެ، ވ. ކެޔޮދޫ، އަހުމަދު ފާޒިލް އެވެ.
ފުލުހުން ކުރިއަށް ގެންދިޔަ އޮޕަރޭޝަންގައި، ކެޔޮދޫގައި އޭނާ މަސްތުވާތަކެތި ވިއްކައި ވިޔަފާރިކުރާކަމަށް ތުހުމަތުކުރެވޭ ދެ ގެއެއް ބަލައިފާސްކޮށްފައިވާ ކަމަށާއި އެ ބަލާ ފާސްކުރުމުގެ ތެރެއިން، މަސްތުވާތަކެތި ކަމަށް ބެލެވޭ 265.01 ގުރާމުގެ ތަކެތި ފެނިފައިވާ ކަމަށް ފުލުހުން ބުނެ އެވެ.
މި މައްސަލައާ ގުޅިގެން ފާޒިލްގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދުކުރުމަށް ވަނީ އަމުރުކޮށްފައި ކަމަށް ފުލުހުން ބުނެ އެވެ. އަދި މި މައްސަލަ ދަނީ އިތުރަށް ތަހުގީގު ކުރަމުންނެވެ.
ފާޒިލްއަކީ ގައުމީ ވޮލީބޯލް ޓީމާއި ރާއްޖޭގެ މަޝްހޫރު ވޮލީ ޓީމްތައް އަދި އަތޮޅު ވޮލީ މުބާރަތްތަކުގައި މޮޅު ކުޅެމެއް ދައްކާފައިވާ ކުޅުންތެރި އެކެވެ.
