ފްރާންސްގައި ތިއްބެވި އީރާންގެ ދެ ޑިޕްލޮމެޓަކު އެ ޤައުމުން ބޭރުކޮށްލަނީ

ފްރާންސްގައި ތިއްބެވި އީރާންގެ ދެ ޑިޕްލޮމެޓަކު ކުރިއަށް އޮތް ދުވަސްތަކުގެ ތެރޭގައި އެ ޤައުމުން ބޭރުކޮށްލަން ނިންމައިފި އެވެ. 

މި ނިންމުން ނިންމީ ޑިޕްލޮމެޓިކް ގޮތުން ދެ ޤައުމުގެ ދެމެދުގައި އުފެދިފައިވާ ޚިޔާލު ތަފާތުވުމެއްގެ ތެރެއިން ކަމަށް، ފްރާންސްގެ ފޮރިން މިނިސްޓަރު ޖީން ނޮއެލް ބަރޮޓް ވިދާޅުވެފައިވެ އެވެ. 

ފްރާންސްގެ ފޮރިން މިނިސްޓަރު ބަރޮޓް ވިދާޅުވީ، ފްރާާންސް އެމްބަސީގައި މަސައްކަތް ކުރާ ދެ މުވައްޒަފަކު މީގެ ދުވަސް ކޮޅެއް ކުރިން އީރާން އަށް އެނބުރި ދިޔުމުން، މި ފިޔަވަޅު އަޅަން ނިންމީ ކަމަށެވެ. ފްރާންސް އެމްބަސީގެ މުވައްޒަފުންނާ ދެކޮޅަށް އީރާން އިން އަޅާފައިވާ ފިޔަވަޅު ޤަބޫލު ނުކުރެވޭނެ ކަމަށާއި، އެހެންވެ އެއާ ދެކޮޅަށް ފްރާންސް އިން ވެސް ފިޔަވަޅު އަޅަން މަޖުބޫރުވެފައިވާ ކަމަށް ބަރޮޓް ވިދާޅުވި އެވެ. 

ފްރާންސްގެ ފޮރިން މިނިސްޓަރު ބަރޮޓް ވިދާޅުވީ، އީރާންގެ ދެ ޑިޕްލޮމެޓުން ކުރިއަށް އޮތް ދުވަސްތަކުގައި ފްރާންސް އިން ބޭރު ކުރާނެ ކަމަށާއި، މިއީ ދެ ޤައުމުގެ ދެމެދުގައި އޮންނަ ޑިޕްލޮމެޓިކް ގުޅުން ބަދަހިކުރުމަށް ނަގާ ފިޔަވަޅެއް ނޫން ކަމަށެވެ. ފްރާންސްގެ މި ނިންމުމުގެ ސަބަބުން، ދެ ޤައުމުގެ ދެ މެދުގައި އޮތް ގުޅުމަށް ވަރަށް ބޮޑު އަސަރެއް ކުރާނެ ކަމަށް ބެލެވެ އެވެ. 

ބައިނަލްއަޤުވާމީ ގޮތުން ދެ ޤައުމުގެ ދެމެދުގައި ޑިޕްލޮމެޓިކް ޚިޔާލު ތަފާތުވުންތައް އުފެދުމަކީ އާދައިގެ ކަމެއް ކަމަށާއި، ނަމަވެސް މިފަދަ ކަންކަން ހައްލު ކުރަން ޖެހެނީ މަޝްވަރާ ކޮށްގެން ކަމަށް ބައިނަލްއަޤުވާމީ ޑިޕްލޮމެޓިކް މާހިރުން ބުނެ އެވެ. މީޑިއާތަކުގައި ބުނެފައިވާ ގޮތުން، ފްރާންސް އާއި އީރާންއާ ދެމެދު ޖެހިފައިވާ މައްސަލަ ހައްލު ކުރުމަށް ދެ ޤައުމުން ވެސް އަންނަނީ މަޝްވަރާ ކުރަމުންނެވެ.