މީގެ ދެހަފްތާއެއްހާ ދުވަސްކުރިން ޕުއަޓަ ރީކޯ އަށް އެރި ތޫފާނާ ގުޅިގެން އެގައުމުގެ ހާލަތު ބެއްލެވުމަށް އެމެރިކާގެ ރައީސް ޑޮނަލްޑް ޓްރަމްޕް އަންގާރަ ދުވަހު އެގައުމަށް ވަޑައިގަންނަވަން ހަމަޖެހިއްޖެއެވެ.

އެމެރިކާގެ ސަރުކާރުގެ ދަށުގައި އޮންނަ ކެރިބީިއަންގެ ގައުމެއް ކަަމަށްވާ ޕުއަޓަ ރީކޯ އަށް ތޫފާން މާރިޔާ އެރުމަށް ފަހު އެމެރިކާ އިން އެހީދިނުމުގެ ކަންކަން ކުރިއަށް ގެންދިޔަ ގޮތާ ބެހޭ ބެހޭ ގޮތުން ފާޑުކިޔުން އަމާޒުވެފައިވާއިރު ރަައީސް ޓްރަމްޕް ވަނީ އެ ފާޑުކިޔުންތައް ގަބޫލު ނުކުރައްވާ ކަމަށް ވިދާޅުވެފައެވެ. 

ޕުއަޓަ ރީކޯގެ ގަވަނާ ރިކާޑޯ ރޮސެއްލޯ ވިދާޅުވީ ރައީސް ޓްރަމްޕްގެ ދަތުރުފުޅާ ދިމާކޮށް އެމެރިކާގެ ފެޑެރަލް ސަރުކާރުގެ ފެޑެރަލް އެހީ ލިބިފައިވާ ކަމަށެވެ. އަދި ގައުމުގެ ދެބައިކުޅަ އެއްބަޔަށް މިހާރު ފެނުގެ ޚިދުމަތް ލިބިފައިވާ ކަމަށް ވެސް ރޮސެއްލޯ ވަނީ ވިދާޅުވެފައެވެ. 

ޕުއަޓަ ރީކޯގެ 3.4 މިލިޔަންގެ އާބާދީއަށް ތޫފާންގެ ސަބަބުން ލިބުނު ގެއްލުމަށް އެހީތެރިވުމަށް 10،000 ރިލީފް ވާރކަރުން ހަރަކާތްތެރިވަމުންދާއިރު މިއީ އެގައުމަށް 90 އަހަރު ތެރޭ އެރި އެންމެ ގެއްލުންބޮޑު ތޫފާނެވެ. ފަހުގެ ރިޕޯޓުތައް ބުނާ ގޮތުން ތޫފާންގެ ސަބަބުން ވަގުތީ ހިޔާތަކުގައި 8،000 މީހުން އަދިވެސް އެބަތިއްބެވެ.