މިރޭގެ މެޗާއި ގުޅިގެން އަމާންކަން ގެއްލިދާނެ އެއްވެސް ކަމެއް ނުކުރުމަށް ފުލުހުން އިލްތިމާސްކޮށްފި
އާޖެންޓީނާ އާއި އިންގްލެންޑް ބައްދަލުކުރާ މެޗުގެ ފޯރީގައި އުފާފާޅުކުރާއިރު، ދަންވަރުގެ ވަގުތުތަކުގައި އަޑުގަދަކުރުމާއި ބަރުގޮނު އެޅުން ފަދަ އާންމުންނަށް އުނދަގޫވާނޭ ކަންކަމުން ދުރުހެލިވުމަށް ފުލުހުން ވަނީ އިލްތިމާސްކޮށްފައި. އަދި މަގުތަކުގައި ސްކްރީން ބަހައްޓައިގެން މެޗު ބަލާއިރު ދަތުރުފަތުރަށް ހުރަސްނޭޅުމަށާއި، މެޗަށްފަހު ސައިކަލު ބުރުޖެހުން ފަދަ އަމާންކަން ގެއްލޭނޭ އަމަލުތައް ނުހިންގުމަށް ވެސް ފުލުހުން ހަނދާކޮށްދީފައިވޭ.
އަރޓިފިޝިއަލް ބީޗު ސަރަހައްދަގައި ފުލުހުން ހަރަކާތްތެރިވަނީ. | ސަން އޮންލައިން
ބުދަ ދުވަހުގެ ރޭގެ މެޗާއި ގުޅިގެން އަމާންކަން ގެއްލިދާނެ އެއްވެސް ކަމެއް ނުކުރުމަށް ދިވެހި ފުލުހުންގެ ޚިދުމަތުން އިލްތިމާސް ކޮށްފި އެވެ.
ފުލުހުން ބުނީ، ބުދަ ދުވަހުގެ ރޭ އާޖެންޓީނާ އާއި އިންގްލެންޑް ބައްދަލުކުރާ ފޯރިގަދަ ފުޓުބޯޅަ މެޗު ބަލަން ސަޕޯޓަރުން ތައްޔާރުވަމުންދާއިރު، އުފާފާޅުކުރުމުގައި އެހެން މީހުންގެ ހައްގުތަކަށް އިހުތިރާމް ކުރަންޖެހޭ ކަމަށާއި، އަމާންކަން ގެއްލިދާނެ އެއްވެސް ކަމެއް ނުކުރުމަށް އެދޭ ކަމަށެވެ.
ދަންވަރުގެ ވަގުތުތަކަކީ ގިނަ ރައްޔިތުން އަރާމުކުރާ ވަގުތުތަކަކަށް ވުމާއެކު، އާންމު މަގުތަކާއި މީހުން ދިރިއުޅޭ ސަރަހައްދުތަކުގައި އަޑުގަދަކުރުމާއި، ބާރަށް ލަވަޖެހުމާއި، އުޅަނދުފަހަރުގެ ބަރުގޮނު އެޅުން ފަދަ، އެހެންމީހުންނަށް އުނދަގޫވާނޭ ކަންކަމުން ދުރުހެލިވުމަށް ވެސް ފުލުހުން ވަނީ ހަނދާން ކޮށްދީފަ އެވެ.
މީގެ އިތުރުން ފުލުހުން ބުނީ، އާންމު ސަރަހައްދުތަކުގައި ބަހައްޓާފައިވާ ސްކްރީންތަކުން މެޗު ބަލާއިރު، މަގު ބޭނުންކުރާ އެހެނިހެން ފަރާތްތަކަށް ދަތިވާނެހެން ސައިކަލުތައް މަޑުކޮށްގެން ނުތިބުމަށާއި، މެޗު ނިމުމަށްފަހު ބައިބަޔަށް އެއްވުމާއި، ސައިކަލު ބުރު ޖެހުން ފަދަ ކަންކަން ނުކުރުމަށް އެދޭ ކަމަށެވެ.
މިފަދަ ހަރަކާތްތަކުގެ ސަބަބުން އަވަށްޓެރިންނަށް އުނދަގޫވެ، މަގު ބޭނުންކުރާ އެހެންމީހުންނަށް ދަތިތަކާ ކުރިމަތިވެދާނެ ކަމަށް ފުލުހުން ބުނެ އެވެ.
އެހެންކަމުން، މެޗުގެ ފޯރީގައި ބައިވެރިވާއިރު، ކުޑަކުދިންނާއި، އުމުރުން ދުވަސްވީ މީހުންނާއި އަވައްޓެރިންގެ ހައްގުތަކަށް އިސްކަން ދިނުމަށް ފުލުހުން ވަނީ އިލްތިމާސްކޮށްފަ އެވެ.
ފީފާ ވޯލްޑް ކަޕްގެ ސެމީ ފައިނަލްގައި އިންގްލެންޑް އާއި އާޖެންޓީނާ ބައްދަލު ކުރާ މެޗާ ދިމާކޮށް، އެމެރިކާގެ އެޓްލަންޓާގެ ސަލާމަތީ ފިޔަވަޅުތައް ވަރަށް ބޮޑަށް ވަރުގަދަ ކޮށްފި އެވެ. އެޓްލަންޓާގެ ޕޮލިސް ޑިޕާޓްމަންޓް އިން ނެރުނު ބަޔާނުގައި ބުނެފައި ވަނީ ވޯލްޑް ކަޕްގެ ސެމީ ފައިނަލް އަށް އެ ސިޓީ ތައްޔާރު ވަމުން އަންނައިރު، ގިނަ އަދަދެއްގެ މީހުން ޒިޔާރަތް ކުރާނެތީ މުޅި ސިޓީގެ ސަލާމަތީ ކަންކަން ވަރުގަދަ ކޮށްފައިވާ ކަމަށެވެ. މެޗު ކުޅޭ ސްޓޭޑިއަމް އާއި، މުނިފޫހި ފިލުވުމުގެ ސަރަހައްދު ތަކުގެ އިތުރުން، މީހުން ގިނައިން އެއްވާ ތަންތަނުގައި އިތުރު ފުލުހުންނާއި ވަސީލަތްތައް ޤާއިމު ކޮށްފައިވާ ކަމަށް ވެސް އެ އިދާާރާ އިން ބުނެފައިވެ އެވެ.
