ސައިކަލަކާއި ލޮރީއެއް ޖެހި މީހަކު ނިޔާވެއްޖެ
12 ޖުލައި 2026 | އާދީއްތަ 12:36އެކްސިޑެންޓުގައި ސައިކަލު ދުއްވަން އިން މީހާ އައިޖީއެމް ހޮސްޕިޓަލް އަށް ގެންދިޔައިރު ވެސް ނިޔާވެފައިވާ ކަމަށް ފުލުހުން ބުނޭ. މި ހާދިސާގައި ނިޔާވެފައި ވަނީ ފިރިހެނެއް.
ޝައިހާން ޒަރީރް | 12 ޖުލައި 2026 | އާދީއްތަ 12:36
މާލޭ މަގު މަތިން ސައިކަލެއް ދުއްވާފައި ދަނިކޮށް ފެންނަ މަންޒަރެއް. (ފައިލް ފޮޓޯ.) | ސޯޝަލް މީޑިއާ
މާލޭގައި ސައިކަލަކާއި ލޮރީއެއް ޖެހި ހިނގި އެކްސިޑެންޓުގައި މީހަކު ނިޔާވެއްޖެ އެވެ.
ފުލުހުން މީޑިއާ ތަކަށް ފޮނުވި މެސެޖުގައި ބުނެފައި ވަނީ މާލޭ ބޮޑުތަކުރުފާނު މަގުގައި އެކްސިޑެންޓެއްވި ކަމުގެ ރިޕޯޓު އާދީއްތަ ދުވަހުގެ 15:57 ހާއިރު ލިބިފައިވާ ކަމަށެވެ.
އެކްސިޑެންޓުގައި ސައިކަލު ދުއްވަން އިން މީހާ އައިޖީއެމް ހޮސްޕިޓަލް އަށް ގެންދިޔައިރު ވެސް ނިޔާވެފައިވާ ކަމަށް ފުލުހުން ބުނެ އެވެ. މި ހާދިސާގައި ނިޔާވެފައި ވަނީ ފިރިހެނެކެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.
