ތެލުގެ އަގު 9 އިންސައްތަ މައްޗަށް ހިނގައްޖެ
14 ޖުލައި 2026 | އަންގާރަ 05:12ދުނިޔޭގެ ބާޒާރުގައި ތެލުގެ އަގު 9 އިންސައްތަ މައްޗަށް ގޮސް، ބްރެންޓް ކުރޫޑް ފީފާއެއްގެ އަގު 82.90 ޑޮލަރަށް އަދި ޑަބްލިއު.ޓީ.އައި ފީފާއެއްގެ އަގު 77.87 ޑޮލަރަށް ވަނީ އުފުލިފައެވެ. ތެލުގެ އަގަށް މި ބޮޑު ބަދަލު އައީ ތެޔޮ އުފުލުމުގައި މުހިންމު މަގަކަށްވާ ހުރްމުޒް ކަނޑުއޮޅީގެ ކޮންޓްރޯލް ހޯދުމަށް އެމެރިކާއާއި އީރާނާ ދެމެދު ހިނގަމުންދާ ކުރިމަތިލުންތައް ހޫނުވުމާ ގުޅިގެންނެވެ.
ތެޔޮ ތާނގީތަކެއް | ގެޓީ އިމޭޖަސް
އީރާނުގެ ބަނދަރުތައް ބަންދުކުރުމަށް އެމެރިކާގެ ކަނޑުގެ ސިފައިން ފޮނުއްވާނެކަން ރައީސް ޑޮނަލްޑް ޓްރަމްޕް އިޢުލާނުކުރެއްވުމާއި، ދެ ގައުމުގެ މެދުގައި ހަމަލާތައް ބަދަލުކުރަން ފެށުމާ ގުޅިގެން، ހޯމަ ދުވަހު ދުނިޔޭގެ ބާޒާރުގައި ތެލުގެ އަގު ގާތްގަނޑަކަށް 9 އިންސައްތަ މައްޗަށް ގޮސްފި އެވެ.
ގްރިނިޗް މީން ޓައިމުން (ޖީ.އެމް.ޓީ) 18:20 ހާއިރު، ބްރެންޓް ކުރޫޑް ތެލުގެ އަގު 9.1 އިންސައްތަ މައްޗަށް ގޮސް، ފީފާއެއްގެ އަގު ވަނީ 82.90 ޑޮލަރަށް އަރާފަ އެވެ.
މީގެ އިތުރުން އެމެރިކާގެ ވެސްޓް ޓެކްސަސް އިންޓަރމީޑިއޭޓް (ޑަބްލިއު.ޓީ.އައި) ގެ އަގުވެސް ވަނީ 9.1 އިންސައްތަ މައްޗަށް ގޮސް، ފީފާއެއްގެ އަގު 77.87 ޑޮލަރަށް އުފުލިފަ އެވެ. ތެލުގެ އަގަށް މި ބޮޑު ބަދަލު އައީ، ތެޔޮ އުފުލުމުގައި މުހިންމު މަގަކަށްވާ ހުރްމުޒް ކަނޑުއޮޅީގެ ކޮންޓްރޯލް ހޯދުމަށް އެމެރިކާއާއި އީރާނާ ދެމެދު ހިނގަމުންދާ ކުރިމަތިލުންތައް ހޫނުވަމުންދާ ދަނޑިވަޅެއްގަ އެވެ.
މަސްދަރު: އޭއެފްޕީ
