އެމެރިކާއިން އީރާނުގެ ސަބްމެރިނާއި ބޯޓު މަރާމާތު ކުރާ މަރުކަޒަކަށް ހަމަލާ ދޭ މަންޒަރު ދައްކާލައިފި
13 ޖުލައި 2026 | ހޯމަ 15:53އެމެރިކާގެ އަސްކަރިއްޔާއިން ފުރަތަމަ ފަހަރަށް ކަނޑުގައި ބޭނުންކުރާ ޑްރޯން ބޭނުންކޮށްގެން އީރާނުގެ ބަންދަރު އައްބާސް ކަނޑުގެ މަރުކަޒަށް ވަރުގަދަ ހަމަލާތަކެއް ދީފިއެވެ. މި ހަމަލާތަކުގެ ސަބަބުން އީރާނުގެ އަސްކަރީ ގާބިލުކަން ބަލިކަށިވެ، ވިޔަފާރި އުޅަނދުފަހަރަށް އަމާޒުކޮށް އެ ގައުމުން ދެމުންދާ ހަމަލާތަކަށް ބޮޑު ހުރަހެއް އެޅޭނެ ކަމަށް އެމެރިކާގެ ސެންޓްރަލް ކޮމާންޑުން ބުނެއެވެ.
އީރާނުގައި ހުންނަ ސަބްމެރިންނާއި އުޅަނދުފަހަރު މަރާމާތުކުރާ މަރުކަޒަކަށް، އެމެރިކާގެ ސެންޓްރަލް ކޮމާންޑް (ސެންޓްކޮމް) ގެ ފައުޖުތަކުން ހަމަލާދޭ މަންޒަރު | ސްކްރީން އިމޭޖް
އީރާނުގެ ސަބްމެރިންނާއި އުޅަނދުފަހަރު މަރާމާތުކުރާ މަރުކަޒަކަށް އެމެރިކާގެ އަސްކަރިއްޔާއިން އާދީއްތަ ދުވަހު ހަމަލާދީފައިވާ ކަމަށް ބުނެފި އެވެ.
އެމެރިކާގެ ސެންޓްރަލް ކޮމާންޑް (ސެންޓްކޮމް) އިން އިއްޔެ މި ހަމަލާ ދީފައިވަނީ އެއްކޮޅަށް ދަތުރުކުރާ ގޮވާތަކެތި ހަރުކޮށްފައިވާ ގިނަ އަދަދެއްގެ ޑްރޯން އުޅަނދުތައް ބޭނުންކޮށްގެންނެވެ.
ހަމަލާދިން މަންޒަރުތައް ސެންޓްކޮމް އިން އާންމު ކޮށްފައިވާއިރު، "ކޯސެއާ" މަރުކާގެ އިންސާނަކާ ނުލައި ދަތުރުކުރާ ތިން އުޅަނދަކުން ބަންދަރު އައްބާސް ކަނޑުގެ ސަރަހައްދީ މަރުކަޒަށް ހަމަލާދީފައިވާ ކަމަށް ވަނީ ބުނެފަ އެވެ. މިއީ އެމެރިކާގެ އަސްކަރިއްޔާއިން ހަނގުރާމަވެރި އޮޕަރޭޝަނެއްގައި ކަނޑުގައި ބޭނުންކުރާ ޑްރޯން ބޭނުންކުރި ފުރަތަމަ ފަހަރު ކަމަށް ސެންޓްކޮމް އިން ބުނެފައިވެ އެވެ.
ރޭ ދިން މި ހަމަލާތަކުގެ ސަބަބުން، ވިޔަފާރި އުޅަނދުފަހަރަށް އަމާޒުކޮށް އީރާނުން ދެމުންދާ ހަމަލާތައް ކުރިއަށް ގެންދިއުމަށް އިރާނުގެ އަސްކަރީ ގާބިލުކަން އިތުރަށް ބަލިކަށިވެފައިވާނޭ ކަމަށްވެސް ބުނެފައިވެ އެވެ.
މަސްދަރު: ސެންޓްކޮމް
