ފްރާންސް ބަލި ކުރުމުގެ ޤާބިލުކަން ސްޕެއިންގައި އެބަ އޮތް: ފުއެންޓޭ
ސްޕެއިންގެ ޓީމާ މެދު ނުހަނު އުންމީދުގައި ހުރެ ފުއެންޓޭ ބުނީ، އެންމެ ފަހުން ފްރާންސް ކުޅުނު ދެ ސެމީ ފައިނަލްގައި ވެސް ސްޕެއިން އިން އެ ޓީމު ބަލި ކޮށްފައިވާ ކަމަށް. އެގޮތުން 2024 ވަނަ އަހަރުގެ ޔޫރޯ ސެމީ ފައިނަލްގައި ސްޕެއިން އިން ފްރާންސް ބަލި ކުރިއިރު، މިދިޔަ އަހަރުގެ ނޭޝަންްސް ލީގުގެ ސެމީ ފައިނަލްގައި ވެސް ސްޕެއިން އިން ވަނީ ފްރާންސް ބަލި ކޮށްފައި.
ސްޕެއިންގެ ކޯޗު ލުއިސް ޑެ ލާ ފުއެންޓޭ. | ގެޓީ އިމޭޖަސް
ސްޕެއިން އަކީ ފްރާންސް ބަލި ކުރުމުގެ ޤާބިލުކަން ހުރި ޓީމެއް ކަމަށް، އެ ޓީމުގެ ކޯޗު ލުއިސް ޑެ ލާ ފުއެންޓޭ ބުނެފި އެވެ.
ފުއެންޓޭ މިހެން ބުނެފައި ވަނީ ފީފާ ވޯލްޑް ކަޕްގެ ކުއާޓާ ފައިނަލްގައި ބެލްޖިއަމް ބަލިކޮށް، ސްޕެއިން އިން މުބާރާތުގެ ސެމީ ފައިނަލް އިން ޖާގަ ހޯދި މެޗަށް ފަހު ނޫސްވެރިންނާ ވާހަކަ ދައްކަމުންނެވެ. މުބާރާތުގެ ސެމީ ފައިނަލްގައި ސްޕެއިން ނިކުންނާނީ ފްރާންސްއާ ދެކޮޅަށެވެ.
ފުއެންޓޭ ބުނީ ސްޕެއިން އާއި ފްރާންސް އަކީ ވެސް ފައިނަލް އަށް ދާނެ ފެންވަރު ހުރި ދެ ޓީމުގެ ގޮތުގައި ބެލެވިދާނެ ކަމަށެވެ. އަދި ފްރާންސްގައި ވަރަށް ވަރުގަދަ ޓީމެއް އޮތް ކަމަށާއި، އެ ޓީމަށް ފުރުސަތު ތަކެއް އޮތް ކަމަށް ވެސް އޭނާ ބުންޏެވެ. ހަމަ އެއާ އެކު، ސްޕެއިން އަށް ވެސް އެފަދަ ފުރުސަތު ތަކެއް އޮތް ކަމަށް އޭނާ ޤަބޫލު ކުރެ އެވެ.
ސްޕެއިންގެ ޓީމާ މެދު ނުހަނު އުންމީދުގައި ހުރެ ފުއެންޓޭ ބުނީ، އެންމެ ފަހުން ފްރާންސް ކުޅުނު ދެ ސެމީ ފައިނަލްގައި ވެސް ސްޕެއިން އިން އެ ޓީމު ބަލި ކޮށްފައިވާ ކަމަށެވެ. އެގޮތުން 2024 ވަނަ އަހަރުގެ ޔޫރޯ ސެމީ ފައިނަލްގައި ސްޕެއިން އިން ފްރާންސް ބަލި ކުރިއިރު، މިދިޔަ އަހަރުގެ ނޭޝަންްސް ލީގުގެ ސެމީ ފައިނަލްގައި ވެސް ސްޕެއިން އިން ވަނީ ފްރާންސް ބަލި ކޮށްފައި އެވެ.
ފުއެންޓޭ ބުނީ ސެމީ ފައިނަލް މެޗު ކާމިޔާބު ކުރުމަށް ސްޕެއިން އަށް ރަނގަޅު ފުރުސަތު ތަކެއް އޮތް ކަމަށާއި، ޓީމުން އެކަމަށް ފުރިހަމަ އަށް ތައްޔާރު ވާނެ ކަމަށެވެ. އަދި އެ މެޗުގައި ސްޕެއިން އިން ދައްކަން ޖެހޭނީ އެންމެ ރަނގަޅު ކުޅުން ކަމަށާއި، އެއީ މިހާރަށް ވުރެ ވެސް ރަނގަޅު ކުޅުމަކަށް ވާން ޖެހޭނެ ކަމަށް އޭނާ ބުންޏެވެ.
މީގެ އިތުރުން ފުއެންޓޭ ބުނީ ސްޕެއިން ޓީމުގައި ހުނަރުވެރި އެތައް ކުޅުންތެރިން ތަކެއް ތިބިއިރު، އެއީ އޭނާ އަށް އޮންނަ އެންމެ ބޮޑު ހިތްހަމަ ޖެހުން ކަމަށެވެ. އެހެންކަމުން ސްޕެއިން އިން ސެމީ ފައިނަލްގެ މެޗަށް ތައްޔާރު ވާނީ ފުރިހަމަ އަށް ކަމަށާއި، އެ ޓީމުން ހުރިހާ ޙާލަތަކަށް ތައްޔާރު ވާނެ ކަމަށް ފުއެންޓޭ ބުންޏެވެ. އޭނާ ބުނީ ފްރާންސްއާ ދެކޮޅަށް ކުޅޭ މެޗަކީ، ސްޕެއިން އަށް ރަނގަޅު ޓެސްޓަކަށް ވާނެ ކަމަށެވެ.
މުބާރާތުގެ ސެމީ ފައިނަލްގެ ފުރަތަމަ މެޗުގައި ސްޕެއިން އާއި ފްރާންސް ބައްދަލު ކުރާނީ އަންގާރަ ދުވަހުގެ ރޭ ދަންވަރު 12 ޖަހާއިރު އެވެ.
