ފަހު ވަގުތު ބެލްޖިއަމް ބަލިކޮށް، ސްޕެއިން ސެމީ ފައިނަލް އަށް

މިހާރު ކުރިއަށްދާ ފީފާ ވޯލްޑް ކަޕްގެ ކުއާޓާ ފައިނަލްގައި ބެލްޖިއަމްއާ ދެކޮޅަށް ކުޅުނު މެޗުން މޮޅުވެ، ސްޕެއިން އިން މުބާރާތުގެ ސެމީ ފައިނަލް އިން ޖާގަ ހޯދައިފި އެވެ.

ހުކުރު ދުވަހުގެ ރޭ ދަންވަރު ކުޅުނު މެޗު ސްޕެއިން އިން ކާމިޔާބު ކުރީ 2-1 އިންނެވެ. މެޗުގައި ސްޕެއިން އިން ލަނޑު ޖަހައި ލީޑު ނަގާފައި ވަނިކޮށް، ބެލްޖިއަމް އިން ނަތީޖާ ހަމަހަމަ ވެސް ކުރި އެވެ. ނަމަވެސް، ފަހު ވަގުތު ލަނޑު ޖަހައިގެން ސްޕެއިން ވަނީ މެޗުން މޮޅުވެފައި އެވެ. 

މެޗު ފަށައިގެން 30 ވަނަ މިނެޓުގައި ސްޕެއިން އަށް ލީޑު ނަގައިދިނީ ފަބިއަން ރުއިޒް އެވެ. ނަމަވެސް، އޭގެ އެގާރަ މިނެޓު ފަހުން ޗާލްސް ޑި ކެޓަލައެރާ ވަނީ ލަނޑު ޖަހައި ބެލްޖިއަމް އަށް ނަތީޖާ ހަމަހަމަ ކޮށްދީފައި އެވެ. 

މެޗުގެ ދެ ވަނަ ހާފުގައި ދެ ޓީމުން ވެސް ލަނޑު ޖަހަން މަސައްކަތް ކުރިއިރު، މެޗުގެ 88 ވަނަ މިނެޓުގައި ސްޕެއިން އިން ވަނީ ދެ ވަނަ ލަނޑެއް ޖަހައިފަ އެވެ. އެ ލަނޑު ސްޕެއިން އަށް ޖަހައިދިނީ މިކޭލް މެރީނޯ އެވެ.

މޮޅާ އެކު ސްޕެއިން އިން މުބާރާތުގެ ސެމީ ފައިނަލް އިން ޖާގަ ހޯދިއިރު، ސެމީ ފައިނަލްގައި ނިކުންނާނީ ފްރާންސްއާ ދެކޮޅަށެވެ.