ރާއްޖެ އާއި ސައުދީގެ ޑިފެންސް މިނިސްޓަރުން ބައްދަލުކުރައްވައި ދިފާއީ ގުޅުން ވަރުގަދަކުރަން މަޝްވަރާކުރައްވައިފި
1 ޖުލައި 2026 | ބުދަ 08:14މި ބައްދަލުކުރެއްވުމުގައި ދެ ގައުމުގެ ދިފާއީ ގުޅުން އިތުރަށް ހަރުދަނާކުރުމާ ގުޅޭގޮތުންނާއި، ސަރަހައްދީ އަދި ބައިނަލްއަގުވާމީ މަސްރަހުގައި ހިނގަމުންދާ މުހިންމު ކަންކަމާ ބެހޭގޮތުން ދެ މިނިސްޓަރުން މަޝްވަރާކުރެއްވި. މީގެ އިތުރުން، ސަލާމަތީ ގޮންޖެހުންތަކުން އަރައިގަތުމަށާއި ސަރަހައްދީ ހަމަޖެހުން ގާއިމުކުރުމަށްޓަކައި އަސްކަރީ އެއްބާރުލުން އިތުރުކުރުމުގެ މުހިންމުކަން ދެ ބޭފުޅުން ފާހަގަކުރެއްވި.
ސައުދީ އަރަބިއްޔާގެ ޑިފެންސް މިނިސްޓަރު ޕްރިންސް ޚާލިދު ބިން ސަލްމާން، ދިވެހިރާއްޖޭގެ ޑިފެންސް މިނިސްޓަރު ހަސަން ރަޝީދު ޖިއްދާގައި ބައްދަލުކުރައްވަނީ. | އެސްޕީއޭ
ސައުދީ އަރަބިއްޔާގެ ޑިފެންސް މިނިސްޓަރު ޕްރިންސް ޚާލިދު ބިން ސަލްމާން ބިން އަބްދުލްއަޒީޒް، އެ ގައުމަށް މިހާރު ދަތުރުފުޅެއް ކުރައްވަމުން ގެންދަވާ ދިވެހިރާއްޖޭގެ ޑިފެންސް މިނިސްޓަރު ހަސަން ރަޝީދާ އަންގާރަ ދުވަހު ބައްދަލުކުރައްވައިފި އެވެ.
މި ބައްދަލުކުރެއްވުމުގައި ދެ ގައުމުގެ ދެމެދުގައި އޮތް ބައިލެޓަރަލް ނުވަތަ ދެފަރާތުގެ ގުޅުމާ ގުޅޭގޮތުންނާއި، ވަކިން ހާއްސަކޮށް ދިފާއީ ދާއިރާއިން މި ގުޅުން އިތުރަށް ހަރުދަނާކުރެވޭނެ ގޮތްތަކާ ބެހޭގޮތުން ދެ ބޭފުޅުން މަޝްވަރާ ކުރެއްވި އެވެ. މީގެ އިތުރުން، ސަރަހައްދީ އަދި ބައިނަލްއަގުވާމީ ފެންވަރުގައި ހިނގަމުންދާ އެންމެ ފަހުގެ ކަންތައްތަކާއި، ދެ ގައުމުން އިސްކަންދޭ މުހިންމު ކަންކަމާ ގުޅޭގޮތުންވެސް ދެ މިނިސްޓަރުން ވާހަކަފުޅު ދެއްކެވި އެވެ.
މި ބައްދަލުވުމުގައި، ސަލާމަތީ ގޮތުން ކުރިމަތިވާ ގޮންޖެހުންތަކަށް ހައްލު ހޯދުމަށާއި ސަރަހައްދީ ހަމަޖެހުން ގާއިމުކުރުމަށްޓަކައި ދެ ގައުމުގެ މެދުގައި ގުޅުން ބަދަހިކުރުމުގެ މުހިންމުކަމުގެ މައްޗަށް އަލިއަޅުވާލެއްވި އެވެ.
މަސްދަރު: އަރަބް ނިއުސް
