ޕްރިންސް ހެރީގެ ސަބަބުން، ރަސްގެފާނު ޗާލްސް ހުންނެވީ އުނދަގޫ ޙާލަތެއްގައި!
އެގޮތުން އާއިލާގެ ނާޒުކު ބައެއް ސިއްރުތައް ހެރީ ފަޅާ އަރުވާލި ކަމަށް އިންގްލިޝް ބުނި. އޭނާ ބުނީ ޝާހީ އާއިލާ އަށް އިތުބާރު ކުރެވޭ މީހުންގެ އަދަދު ވަރަށް މަދު ކަމަށާއި، އެއީ ކުޑަ "ބޮޅެއް" ކަމަށް. ނަމަވެސް، ހެރީ ވަނީ "މަރުތޭލަކުން" ޖަހާ އެ އިތުބާރު ފުނޑު ފުނޑު ކޮށްލާފައި ކަަމަށް އިންގްލިޝް ބުނި.
އިނގިރޭސިވިލާތުގެ ރަސްގެފާނު ޗާލްސް ތިން ވަނަ އަދި ޕްރިންސް ހެރީ. | ރޮއިޓާސް
ޕްރިންސް ހެރީގެ ސަބަބުން އޭނާގެ ބައްޕަ، ރަސްގެފާނު ޗާާލްސް ތިން ވަނަ ހުންނެވީ ވަރަށް އުނދަގޫ ޙާލަތެއްގައި ކަމަށް ރޯޔަލް އެކްސްޕާޓެއް ކަމަށްވާ ރެބެކާ އިންގްލިޝް ބުނެފި އެވެ.
އިންގްލިޝް ބުނެފައިވާ ގޮތުގައި ހެރީ ވަނީ ރަސްކަމުގެ އާއިލާގެ އިތުބާރު ގެއްލުވާލާފައި ކަމަށެވެ. މީގެ ކުރިން ޕްރިންސް ހެރީ އާއި މޭގަން ވަނީ ރަސްކަމުގެ ޒިންމާ ތަކުން ދުރަށް ޖެހިވަޑައިގެން، އެމެރިކާގައި މީގެ އަހަރު ތަކެއް ކުރިން ދިރިއުޅެން ފައްޓަވައިފަ އެވެ. އިންގްލިޝް މި ވާހަކަތައް ހިއްސާ ކޮށްފައި ވަނީ ޑެއިލީ މެއިލް ޕެލަސް ކޮންފިޑެންޝަލް ޕޮޑްކާސްޓުގެ ލައިވް ޕްރޮގްރާމެއްގައި އެވެ.
އިންގްލިޝް ބުނެފައި ވަނީ މިދިޔަ ސެޕްޓެމްބަރު މަހުގެ ތެރޭގައި ކްލެރެންސް ހައުސްގައި ޗާާލްސް އާއި ހެރީ ބައްދަލު ކުރިއިރު، ޗާލްސް އަށް އެ ބައްދަލުވުން ހީފުޅުވެފައި އޮތީ "މަޖުބޫރު" ބައްދަލުވުމެއްގެ ގޮތުގައި ކަމަށެވެ.
އެކަން ފާހަގަކޮށް އިންގްލިޝް ބުނީ ޗާލްސް އަކީ ފަރުވާ ކުޑަ، އަދި ގޯސް މީހެއް ނޫން ކަމަށެވެ. އަދި ޗާލްސް އަކީ އޭނާގެ ދަރިފުޅު، ހެރީ ދެކެ އިންތިހާ އަށް ލޯބިވާ މީހެއް ކަމަށް ވެސް އިންގްލިޝް ބުނެފައިވެ އެވެ. ނަމަވެސް، ހެރީ ވަނީ ވަރަށް ދަތި އަދި އުނދަގޫ ޙާލަތަކަށް ޗާލްސް ވައްޓާލައްވާފައި ކަމަށް އިންގްލިޝް ފާހަގަ ކޮށްފައިވެ އެވެ.
އެގޮތުން އާއިލާގެ ނާޒުކު ބައެއް ސިއްރުތައް ހެރީ ފަޅާ އަރުވާލި ކަމަށް އޭނާ ބުންޏެވެ. އޭނާ ބުނީ ޝާހީ އާއިލާ އަށް އިތުބާރު ކުރެވޭ މީހުން އަދަދު ވަރަށް މަދު ކަމަށާއި، އެއީ ކުޑަ "ބޮޅެއް" ކަމަށެވެ. ނަމަވެސް، ހެރީ ވަނީ "މަރުތޭލަކުން" ޖަހާ އެ އިތުބާރު ފުނޑު ފުނޑު ކޮށްލާފައި ކަަމަށް އިންގްލިޝް ބުންޏެވެ.
މީގެ ހުރިން ހެރީ ވަނީ 2023 ވަނަ އަހަރު އޭނާގެ އާއިލާގެ މެމްބަރުންނާ ދެކޮޅަށް ބޮޑެތި ތުހުމަތު ތަކެއް ކޮށްފައި އެވެ. ހެރީ ބުނެފައި ވަނީ އޭނާގެ ބޭބް ޕްރިންސް ވިލިއަމް އާއި ބޭބެގެ އަނބިކަނބަލުން ކޭޓް މިޑްލްޓަންއާ ދެމެދު ގުޅުން ގޯސްވެފައިވާ ކަމަށެވެ. އަދި އޭނާގެ މަންމަ ޕްރިންސެސް ޑަޔާނާ ނިޔާވި ދުވަހު އޭނާގެ ބައްޕަ ޗާލްސް، އޭނާގެ ގައިގައި ބައްދާ ވެސް ނުލި ކަމަށް ހެރީ ބުނެފައިވެ އެވެ.
މީގެ ކުރިން ޓީވީ ހޯސްޓް މާކް ޑޯލަން ބުނީ މި ދެމަފިރިން އިނގިރޭސިވިލާތަށް އަނބުރާ ދިއުމަށް ބޭނުންވާ ސަބަބުތަކާ ބެހޭ ގޮތުން ސުވާލު އުފެދޭ ކަމަށެވެ. ދަ ސަންގެ ރޯޔަލް އެކްސްކްލޫސިވް ޕްރޮގްރާމްގައި ޑޯލަން ބުނީ ހެރީ އާއި މޭގަން ރަސްކަމުގެ އާއިލާގެ ތެރެއަށް އަނބުރާ ވަންނަން ބޭނުންވާކަން ސާފުކޮށް ފެންނަން އެބަހުރި ކަމަށެވެ.
މަސްދަރު: ރިއަލިޓީޓީ
