ދެ ދުވަސް ކުރިން ދަތުރު ކުރުމުގެ ހުއްދަޔާ އެކު، އެމެރިކާ އިން އިން އީރާން އަށް ލުއި ތަކެއް ދީފި
މިކަމާ ގުޅޭ ގޮތުން އެމެރިކާގެ ރިޔާސީ ގަނޑުވަރު، ވައިޓް ހައުސްގެ ޓާސްކު ފޯހުގެ އިސްވެރިޔާ އެންޑްރޫ ޖިއުލިއާނީ މީޑިއާ ތަކަށް ވިދާޅުވެފައި ވަނީ މިއީ އެމެރިކާ އިން ކުރިން ވެސް ރާވާފައި އޮތް ގޮތް ކަމަށް. އެގޮތުން ފުރަތަމަ ދެ މެޗުގެ ދަތުރުތައް ރަނގަޅަށް ދާ ނަމަ، ދަތުރު ކުރުމުގައި އިތުރު ވަގުތު ދިނުމަށް ނިންމާފައި އޮތް ކަމަށް އޭނާ ވިދާޅުވި.
މީގެ ކުރިން ކުރި ދަތުރެއްގައި އީރާންގެ ކުޅުންތެރިން ފްލައިޓުން ފައިބަނީ. | ރޮއިޓާސް
ފީފާ ވޯލްޑް ކަޕްގައި ވާދަ ކުރަމުން އަންނަ އީރާންގެ ޓީމާ ދެކޮޅަށް އެމެރިކާ އިން އަޅާފައިވާ ހަރުކަށި ފިޔަވަޅު ތަަކެއް ލުއި ދިނުމަށް އެމެރިކާ އިން ނިންމައިފި އެވެ.
އެމެރިކާގެ ހޯމްލޭންޑް ސެކިއުރިޓީ ޑިޕާޓްމަންޓް އިން އަންގާރަ ދުވަހު ބުނެފައި ވަނީ، މީގެ ކުރިން އީރާންގެ ޓީމަށް އަޅާފައިވާ ހުރަސްތައް ލުއި ކޮށްފައިވާ ކަމަށެވެ. އެގޮތުން ކުރިއަށް އޮތް މެޗުގެ ދެ ދުވަސް ކުރިން އެމެރިކާ އަށް ދަތުރު ކުރުމުގެ ހުއްދަ އީރާން އަށް ވަނީ ދީފައި އެވެ.
މިއާ އެކު، ހުކުރު ދުވަހު އެމެރިކާގެ ސިއެޓަލްގައި ކުޅޭ މެޗަށް ބުދަ ދުވަހު އީރާންގެ ޓީމު މެކްސިކޯ އިން ފުރާނެ ކަމަށް ވަނީ ބުނެފައި އެވެ. އެމެރިކާގެ ހޯމްލޭންޑް ސެކިއުރިޓީ ޑިޕާޓްމަންޓުގެ ތަރުޖަމާނަކު ވިދާޅުވީ، ހުކުރު ދުވަހު މިޞްރާ ދެކޮަޅަށް ކުޅޭ މެޗު ނިމުމާ އެކު، އީރާންގެ ޓީމު އެމެރިކާ އިން ފައިބަން ޖެހޭނެ ކަމަށެވެ.
މިކަމާ ގުޅޭ ގޮތުން އެމެރިކާގެ ރިޔާސީ ގަނޑުވަރު، ވައިޓް ހައުސްގެ ޓާސްކު ފޯހުގެ އިސްވެރިޔާ އެންޑްރޫ ޖިއުލިއާނީ މީޑިއާ ތަކަށް ވިދާޅުވެފައި ވަނީ މިއީ އެމެރިކާ އިން ކުރިން ވެސް ރާވާފައި އޮތް ގޮތް ކަމަށެވެ. އެގޮތުން ފުރަތަމަ ދެ މެޗުގެ ދަތުރުތައް ރަނގަޅަށް ދާ ނަމަ، ދަތުރު ކުރުމުގައި އިތުރު ވަގުތު ދިނުމަށް ނިންމާފައި އޮތް ކަމަށް އޭނާ ވިދާޅުވި އެވެ.
އީރާންގެ ޓީމާ ދެކޮޅަށް އެމެރިކާ އިން އަޅާފައިވާ ފިޔަވަޅުގެ ސަބަބުން، މުބާރާތުގެ ފުރަތަމަ ދެ މެޗަށް ދަތުރު ކުރުމުގައި އީރާން އަށް ގިނަ ގޮންޖެހުން ތަކެއް ކުރިމަތިވި އެވެ. އެގޮތުން އީރާާން އަށް އެމެރިކާ އަށް ދަތުރު ކުރުމުގެ ހުއްދަ ދީފައި ވަނީ މެޗުގެ 24 ގަޑިއިރު ކުރިންނެވެ. އެކަމާ ގުޅިގެން އީރާންގެ ޓީމުން ވަނީ ކަންބޮޑުވުން ފާޅުކޮށް، ފީފާ އަށް ޝަކުވާ ވެސް ހުށަހަޅައިފަ އެވެ.
