ފައިނަލް މެޗު ބައްލަވަން ވަޑައިގެން، ވޯލްޑް ކަޕްގެ ޗެމްޕިއަން ޓީމަށް ތަށި ހަވާލު ކުރައްވާނީ ޓްރަމްޕް: އިންފަންޓީނޯ
24 ޖޫން 2026 | ބުދަ 05:03މިއަހަރުގެ ވޯލްޑް ކަޕްގެ ފައިނަލް އޮތީ ޖުލައި މަހުގެ 19 ވާ އާދީއްތަ ދުވަހުގެ ރޭ ދެންވަރު އެވެ. ފައިނަލް މެޗު އޮޮތީ އެމެރިކާގެ ނިއު ޖާސީގެ އީސްޓް ރަދަފޯޑްގައި. އެކަމާ ގުޅޭ ގޮތުން އިންފަންޓީނޯ ވިދާޅުވީ، އެ ރަސްމިއްޔާތުގައި ދެ ބޭފުޅުން ވެސް ބައިވެރިވެ ވަޑައިގަންނަވާނެ ކަމަށާއި، ދެ ބޭފުޅުން އަބަދު ވެސް އެކުގައި މަސައްކަތް ކުރައްވާ ކަމަށް.
އެމެރިކާގެ ރައީސް ޑޮނަލްޑް ޓްރަމްޕް އާއި، ފީފާގެ ރައީސް ޖިއާނީ އިންފަންޓީނޯ. | ގެޓީ އިމޭޖަސް
މިހާރު ކުރިއަށްދާ ފީފާ ވޯލްޑް ކަޕްގެ ޗެމްޕިއަންކަން ހޯދާ ޓީމަކަށް، މުބާރާތުގެ ތަށި ހަވާލު ކޮށްދެއްވާނީ އެމެރިކާާގެ ރައީސް ޑޮނަލްޑް ޓްރަމްޕް ކަމަށް ފީފާގެ ރައީސް ޖިއާނީ އިންފަންޓީނޯ ވިދާޅުވެއްޖެ އެވެ.
އިންފަންޓީނޯ މިހެން ވިދާޅުވެފައި ވަނީ، އަންގާރަ ދުވަހު ފޮކްސް ނިއުސް އަށް ދެއްވި އިންޓަވިޔުއެއްގައި އެވެ. އެ އިންޓަވިޔުގައި އިންފަންޓިނޯ ވިދާޅުވެފައި ވަނީ މުބާރާތުގެ ފައިނަލް މެޗު ބައްލަވަން ޓްރަމްޕް ވަޑައިގަންނަވާނެ ކަމަށެވެ. އަދި މުބާރާތް ކާމިޔާބު ކުރާ ޓީމަށް ތަށި ހަވާލު ކުރައްވާނީ ޓްރަމްޕް ކަމަށާއި، އަރިހުގައި ހުންނަވާނެ ކަމަށް ވެސް އިންފަންޓީނޯ ވިދާޅުވި އެވެ.
މިއަހަރުގެ ވޯލްޑް ކަޕްގެ ފައިނަލް އޮތީ ޖުލައި މަހުގެ 19 ވާ އާދީއްތަ ދުވަހުގެ ރޭ ދެންވަރު އެވެ. ފައިނަލް މެޗު އޮޮތީ އެމެރިކާގެ ނިއު ޖާސީގެ އީސްޓް ރަދަފޯޑްގައި އެވެ. އެކަމާ ގުޅޭ ގޮތުން އިންފަންޓީނޯ ވިދާޅުވީ، އެ ރަސްމިއްޔާތުގައި ދެ ބޭފުޅުން ވެސް ބައިވެރިވެ ވަޑައިގަންނަވާނެ ކަމަށާއި، ދެ ބޭފުޅުން އަބަދު ވެސް އެކުގައި މަސައްކަތް ކުރައްވާ ކަމަށެވެ.
މިދިޔަ އަހަރުގެ ފީފާ ކުލަބު ވޯލްޑް ކަޕް ވެސް ބާއްވާފައި ވަނީ މި ދަނޑުގައި އެވެ. ފްރާންސްގެ ޕެރިސް ސެއިންޓް ޖާމަން (ޕީއެސްޖީ) އާއި ޗެލްސީ ބައްދަލު ކުރި އެ މެޗު ބައްލަވަން ވެސް ޓްރަމްޕް ވަޑައިގެންނެވި އެވެ. ޕީއެސްޖީ ބަލިކޮށް ޗެލްސީ އިން ކުލަބު ވޯލްޑް ކަޕް ކާމިޔާބު ކުރިއިރު، ޗެލްސީ އަށް ތަށި ހަވާލު ކޮށްދެއްވީ ވެސް ޓްރަމްޕް އެވެ.
ތައްޓާ ހަވާލުވުމަށް ފަހު، ޗެލްސީ އިން އުފާ ފާޅު ކުރަމުން ދިޔައިރު ވެސް ޓްރަމްޕް ހުންނެވީ ސްޓޭޖުގައި އެވެ. އޭގެ ފަހުން އެމެެރިކާގެ ރިޔާސީ ގަނޑުވަރު ވައިޓް ހައުސްގެ އޯވަލް އޮފީހުން އެ ތަށި ފެނިފައިވާއިރު، ބައެއް މީޑިއާ ތަކުގައި ބުނެފައި ވަނީ ޗެލްސީ އަށް ދީފައި ވަނީ ރެޕްލިކާ ތައްޓެއް ކަމަށެވެ.
