80 މިނެޓަށް ފަހު، ކުއްލި ގޮތަކަށް އެމެރިކާ އާއި އީރާންގެ މަޝްވަރާ ތަކުގެ ފުރަތަމަ ބުރު ނިމިއްޖެ

އެމެރިކާ އާއި އީރާންއާ ދެމެދު ކުރިއަށް ގެންދިޔަ މަޝްވަރާ ތަކުގެ ފުރަތަމަ ބުރު ނިމިފައިވާ ކަމަށް ރިޕޯޓުތައް ބުނެފި އެވެ.

ސްވިޒަލެންޑުގައި ކުރިއަށް ގެންދިޔަ މަޝްވަރާ ތަކުގެ ފުރަތަމަ ބުރު ނިމިފައިވާ ކަމަށް ރިޕޯޓު ތަކުގައި ބުނެފައިވާއިރު، މި މަޝްވަރާ ތަކުގައި އެމެރިކާ އާއި އީރާންގެ އިސްވެރިން ވަނީ ބައިވެރިވެ ވަޑައިގެންފައި އެވެ. އޭގެ އިތުރުން މައްްސަލައިގައި މެދުވެރިއެއްގެ ދައުރު އަދާ ކުރަމުން އަންނަ ޕާކިސްތާން އިން ވެސް ވަނީ މަޝްވަރާ ތަކުގައި ބައިވެރިވެފައި އެވެ. 

މަޝްވަރާ ތަކުގެ ފުރަތަމަ ބުރު ނިމިފައިވާ ކަމަށް ރިޕޯޓު ކޮށްފައި ވީ ނަމަވެސް، މަޝްވަރާ ކުރެވުނު ކަންކަމުގެ ތަފްސީލާއި، އެއްބަސްވުމަކަށް އާދެވިފައިވޭތޯ ނުވަަތަ ނޫންތޯ ރަސްމީ އެއްވެސް ފަރާތަކުން ހާމަ ކޮށްފައި ނުވެ އެވެ. 

އީރާނުގެ ފާސް ނިއުސް އެޖެންސީ އިން ރިޕޯޓު ކޮށްފައިވާ ގޮތުގައި، ސްވިޒަލެންޑުގައި ކުރިއަށް ދިޔަ މި ބައްދަލުވުން ނިންމާލާފައި ވަނީ ގާތްގަނޑަކަށް 80 މިނެޓަށް މަޝްވަރާތައް ކުރިއަށް ގެންދިއުމަށް ފަހު އެވެ. މި ބައްދަލުވުން މެދު ކަނޑާލީ ބައިވެރިވާ ފަރާތް ތަކުން އެ ޤައުމު ތަކުގެ އެތެރޭގެ ފެންވަރުގައި އިތުރަށް މަޝްވަރާކޮށް، ގޮތް ތަކެއް ނިންމުމަށް ކަމަށް އެ އެޖެންސީ އިން ބުނެފައިވެ އެވެ.

މި މަޝްވަރާ ތަކަކީ ބައިނަލްއަގުވާމީ މުހިންމު މައްސަލަ ތަކަކާ ގުޅޭ ގޮތުން ކުރިއަށް ދިޔަ ބައްދަލުވުން ތަކެއް ކަމަށް ވާއިރު، ބައްދަލުވުން ކުއްލި ގޮތަކަށް މެދު ކަނޑާލުމުން އެކަމާ ގުޅޭ ގޮތުން އެކި ފަރާތް ތަކުން އަންނަނީ ޚިޔާލު ފާޅު ކުރަމުންނެވެ. ނަމަވެސް މި މަޝްވަރާ ތަކުގައި ދެން އަމަލު ކުރާނެ ގޮތެއް ނުވަތަ އަލުން ބައްދަލުވުންތައް ފަށާނެ ތާރީޚެއް މިހާތަނަށް ރަސްމީކޮށް ހާމަ ކޮށްފައި ނުވެ އެވެ.

އެމެރިކާ އާއި އީރާންއާ ދެމެދު އޮތް ގުޅުން ގޯސްވެފައިވާ ދަނޑިވަޅެއްގައި، ސްވިޒަލެންޑުގައި ކުރިއަށް ގެންދިޔަ މި މަޝްވަރާ ތަކަކީ ކުރިމަގަށް ލިބުނު އުންމީދެއްގެ ގޮތުގައި ގިނަ ފަރާތް ތަކުން އަންނަނީ ފާހަގަ ކުރަމުންނެވެ. މި ބައްދަލުވުމުގައި ވާހަކަ ދެކެވުނު ބައެއް ކަންކަމަށް ބަލާއިރު، އީރާންގެ ނިއުކްލިއާ މައްސަލަ އާއި، އެމެރިކާ އިން އަޅާފައިވާ ދަތި ކުރުމުގެ ފިޔަވަޅުތައް ހިމެނޭ ކަމަށް ރިޕޯޓު ތަކުގައި ބުނެފައިވެ އެވެ. 

ސްވިޒަލެންޑަކީ އެމެރިކާ އާއި އީރާންއާ ދެމެދު އާންމު ގޮތެއްގައި މެދުވެރިއެއްގެ ދައުރު އަދާ ކުރާ ޤައުމެކެވެ. އެމެރިކާ އާއި އީރާންއާ ދެމެދު ސިޔާސީ ގުޅުން ޤާއިމު ވެފައި ނެތުމުގެ ސަބަބުން، ގިނަ މުއާމަލާތް ތަކެއް މީގެ ކުރިން ވެސް ހިނގާފައި ވަނީ ސްވިޒަލެންޑު މެދުވެރިކޮށެވެ. 

މި މަޝްވަރާ ތަކުގެ ފުރަތަމަ ބުރު ނިމިފައިވާއިރު، ކުރިއަށް އޮތް ތަނުގައި އިތުރު ބުރުތަކެއް ބޭއްވުމަށް ހަމަޖެހިފައިވޭތޯ ބެލުމަށް ދުނިޔޭގެ މީޑިއާ ތަކުން ދަނީ ފާރަވެރި ވަމުންނެވެ.