ސަރަހައްދީ ހަމަޖެހުމަށް އީރާން އާއި އެމެރިކާ ގުޅިގެން މަސައްކަތް ކުރާނެ: އެމެރިކާާގެ ނައިބު ރައީސް ވޭންސް

ސަރަހައްދީ ހަމަޖެހުމާއި ތަނަވަސްކަން ޤާއިމު ކުރުމަށްޓަކައި އެމެރިކާ އާއި އީރާން އިން ގުޅިގެން މަސައްކަތް ކުރާނެ ކަމަށް އެމެރިކާގެ ނައިބު ރައީސް ޖޭޑީ ވެންސް ވިދާޅުވެއްޖެ އެވެ.

އެމެރިކާގެ ނައިބު ރައީސް ވޭންސް މިހެން ވިދާޅުވީ ދެ ގައުމުގެ ދެމެދުގައި އުފެދިފައިވާ ނުތަނަވަސް ކަމަށް ސުލްހަވެރި ހައްލެއް ހޯދުމަށް ބޭއްވި މުހިންމު ބައްދަލުވުމަކަށް ފަހު ނޫސްވެރިންނާ ވާހަކަ ދައްކަވަމުންނެވެ.

މި ބައްދަލުވުމުގައި ވާހަކަ ދައްކަވަމުން ވޭންސް ވަނީ، އީރާން އަކީ މެދުއިރުމަތީގެ ހަމަ ނުޖެހުމަށް ބާރު ދޭ މައިގަނޑު އެއް ގައުމުގެ ގޮތުގައި ސިފަ ކުރައްވައި އެ ގައުމަށް ފާޑު ވިދާޅުވެފައި އެވެ. ނަމަވެސް، ވޭތުވެ ދިޔަ މަދު ގަޑި އިރުތަކުގެ ތެރޭގައި ދެ ގައުމުގެ ދެމެދުގައި ކުރެވުނު މަޝްވަރާ ތަކުން ވަރަށް ބޮޑު ކުރި އެރުމެއް ލިބިފައިވާ ކަމަށް ވޭންސް ވިދާޅުވި އެވެ. 

މީގެ އިތުރުން ވޭންސް ވިދާޅުވީ، އެމެރިކާ އާއި އީރާންއާ ދެމެދު މިހާރު އޮތް ގުޅުން އައު މިސްރާބަކަށް ބަދަލުކޮށް، އީރާާންގެ ރައްޔިތުންނާ އެކު އޮންނަ ގުޅުން އައު ފެށުމަކުން ފަށަން އެމެރިކާގެ ރައީސް ޑޮނަލްޑް ޓްރަމްޕް އެދިވަޑައި ގަންނަވާ ކަމަށެވެ. މިއީ ދެ ޤައުމުގެ ދެ މެދުގައި އޮތް ޒަމާންވީ ހީނަރުކަން ނައްތާލައި، އައު ގުޅުމެއް ބިނާ ކުރުމަށް ޓްރަމްޕް ގެންގުޅުއްވާ ސިޔާސަތު ތަކެއް ކަމަށް ވެސް ވޭންސް ފާހަގަ ކުރެއްވި އެވެ. 

ހަމަ އެހެންމެ، އެމެރިކާާ އާއި އީރާންއާ ދެމެދު ކުރިއަށް އޮތް ތަނުގައި އޮންނާނީ ދެ ޤައުމުން ގުޅިގެން މަސައްކަތް ކުރާނެ މުސްތަޤުބަލެއް ކަމަށް ވޭންސް ވިދާޅުވި އެވެ. އަދި މި ގުޅުމުގެ ސަބަބުން މުޅި ސަރަހައްދުގެ ސުލްހަ މަސަލަސް ކަމާއި، ތަނަވަސްކަން ކުރިއެރުވުމަށް މަގު ފަހި ވެގެން ދާނެ ކަމަށް ވޭންސް ވަނީ ވިދާޅުވެފައި އެވެ. 

މި ބައްދަލުވުމަކީ ދެ ގައުމުގެ ދެމެދުގައި އޮތް ނުތަނަވަސްކަން ކުޑަކޮށް، ޑިޕްލޮމެޓިކް ހައްލެއް ހޯދުމަށް އެޅުނު މުހިންމު ފިޔަވަޅެއްގެ ގޮތުގައި މަސްރަހު ދިރާސާ ކުރާ ފަރާތް ތަކުން ދެކެ އެވެ. އެމެރިކާގެ ސަރުކާރުން މިހާރު އަމާޒު ހިފާފައި ވަނީ އީރާން އާއެކު އޮތް ގުޅުން މުޅިން އައު އުސޫލު ތަކެއްގެ މައްޗަށް ބިނާކޮށް، ސަރަހައްދީ ހަމަޖެހުން ގާއިމު ކުރުމަށެވެ.