އިޒްރޭލުން ލުބުނާނަށް ދެމުންދާ ހަމަލާތަކަށް އެއްވެސް ހުރަހެއް ނެތް: އިޒްރޭލުގެ ޑިފެންސް މިނިސްޓަރ
ލުބުނާނާއި އިޒްރޭލާ ދެމެދު ހަމަލާ ބަދަލުކުރުން ހުއްޓާލުމުގެ އެއްބަސްވުމެއް ގާއިމުކުރިތާ 24 ގަޑިއިރު ވެސް ނުވަނީސް، އިޒްރޭލުން ލުބުނާނަށް ވަރުގަދަ ހަމަލާތަކެއް ދީފި. މި ހަމަލާތަކުގައި މަދުވެގެން 20 މީހުން މަރުވެފައިވާ ކަމަށް ލުބުނާނުގެ ރަސްމީ ނިއުސް އެޖެންސީން ވަނީ ރިޕޯޓްކޮށްފައި. މި ހަމަލާތަކާ ގުޅިގެން، ދެ ގައުމުގެ ދެމެދުގައި ގާއިމުކުރި ސުލްހައިގެ އެއްބަސްވުމަށް ވަނީ ބޮޑެތި ގޮންޖެހުންތަކެއް ކުރިމަތިވެފައި.
އިސްރާއީލުގެ ޑިފެންސް މިނިސްޓަރު، އިސްރާއީލް ކަޓްޒް | ގެޓީ އިމޭޖަސް
ލުބުނާނުގައި ހުރި ނުރައްކާތައް ނައްތާލުމަށް އިޒްރޭލު ސިފައިން ހިންގާ އޮޕަރޭޝަންތަކަށް އެއްވެސް ހުރަހެއް ނެތް ކަމަށާއި، ސަލާމަތީ ސަރަހައްދުތަކުގައި އިޒްރޭލުގެ ސިފައިން އަދިވެސް ދެމިތިބޭނެ ކަމަށް އެ ގައުމުގެ ޑިފެންސް މިނިސްޓަރު އިޒްރޭލް ކާޓްޒް އާދިއްތަ ދުވަހު ނެރުއްވި ބަޔާނެއްގައި ވިދާޅުވެއްޖެއެވެ.
އީރާނުގެ މަދަދުލިބޭ ހިޒްބުالله ޖަމާއަތާއި އިޒްރޭލާ ދެމެދު ހިނގަމުންދިޔަ ކުރިމަތިލުންތައް ހުއްޓާލުމަށް އެއްބަސްވުމެއް ގާއިމުކޮށް، އެ އެއްބަސްވުމަށް އަމަލުކުރަން ފެށިތާ 24 ގަޑިއިރު ވެސް ނުވަނީސް، ހޮނިހިރު ދުވަހު އިޒްރޭލުން ލުބުނާނަށް ދިން ހަމަލާތަކުގައި މަދުވެގެން 20 މީހުން މަރުވެފައިވާ ކަމަށް ލުބުނާނުގެ ރަސްމީ ނިއުސް އެޖެންސީ (އެން.އެން.އޭ) އިން ވަނީ ރިޕޯޓްކޮށްފައެވެ.
މަސްދަރު: ރޮއިޓާސް
