އިތުބާރު ކެމްޕެއިން: "ސިޓީ ދަތުރު" ގެ 4 ވަނަ މަންޒިލް، ކުޅުދުއްފުށި ސިޓީއަށް ރައީސް ސޯލިހު ވަޑައިގަންނަވައިފި
އެމްޑީޕީގެ ޗެއަރޕާސަން އިންތިޚާބުގައި ވާދަކުރައްވާ މީކާއިލް އަހުމަދު ނަސީމަށް ތާއީދު ހޯއްދެވުމަށް ކުރިއަށްގެންދާ "ސިޓީ ދަތުރު" ގެ ތެރެއިން ކުރީގެ ރައީސް އިބްރާހިމް މުހައްމަދު ސޯލިހު ކުޅުދުއްފުށި ސިޓީއަށް ވަޑައިގެންފި. މި ދަތުރުފުޅުގައި އެމަނިކުފާނު ވަނީ މީގެ ކުރިން ފުވައްމުލަކު، ތިނަދޫ އަދި އައްޑޫ ސިޓީއަށް ޒިޔާރަތްކުރައްވައި ކެމްޕެއިން ހަރަކާތްތައް ކުރިއަށް ގެންދަވާފަ. މި އިންތިޚާބުގައި މީކާއިލްގެ އިތުރުން ކުރީގެ ރައީސް މުހައްމަދު ނަޝީދު ވާދަކުރައްވާއިރު، ޕާޓީގެ އިސް ބޭފުޅުން ގެންދަވަނީ ފޯރިއާއެކު ކެމްޕެއިން ކުރައްވަމުން.
ކުރީގެ ރައީސް އިބްރާހިމް މުހައްމަދު ސޯލިހު ކުޅުދުއްފުށި ސިޓީ އަށް: އެ ސިޓީ އިން ވަނީ އެމަނިކުފާނަށް ހޫނު މަރުހަބާއެއް ކިޔާފަ | އަހުމަދު މައިމޫން މުހައްމަދު
ކުރީގެ ރައީސް އިބްރާހިމް މުހައްމަދު ސޯލިހު، ކުޅުދުއްފުށި ސިޓީ އަށް ވަޑައިގަތުމުން އެ ސިޓީ އިން އެމަނިކުފާނަށް ހޫނު މަރުހަބާއެއް ކިޔައިފި އެވެ.
ރައީސް ސޯލިހު ކުޅުދުއްފުށި ސިޓީ އަށް ވަޑައިގަތީ އަންގާރަ ދުވަހުގެ ހެނދުނުގެ ވަގުތެއްގަ އެވެ.
އެ މަނިކުފާނުގެ މި ދަތުރުފުޅަކީ އެމްޑީޕީގެ ޗެއަރޕަރސަންގެ އިންތިޚާބުގައި ވާދަކުރައްވާ، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް އަށް ތާއީދު ހޯއްދެވުމަށް އިތުބާރު ކެމްޕެއިން ޓީމުން ކުރިއަސް ގެންދާ "ސިޓީ ދަތުރު" ގެ ތެރެއިން ކުރައްވާ ދަތުރުފުޅެކެވެ.
މި ދަތުރުފުޅުތަކުގެ ތެރެއިން އެމަނިކުފާނު ވަނީ މީގެ ކުރިން، ފުވައްމުލަކު ސިޓީ، ތިނަދޫ ސިޓީ އަދި އައްޑޫ ސިޓީ އަށް ވަޑައިގެންފަ އެވެ. އެ ތިން ސިޓީ އިން ވެސް އެމަނިކުފާނާ، އެމަނިކުފާނުގެ ޓީމަށް ރައްޔިތުން ވަނީ ހޫނު މަރުހަބާ އެއް ކިޔާފަ އެވެ.
12 ޖޫން 2026 ގަ ބޭއްވުމަށް ހަމަޖެހިފައިވާ އެމްޑީޕީގެ ޗެއަރޕާސަން އިންތިޚާބު ގައި މީކާއިލްގެ އިތުރުން ދެން ވާދަކުރައްވަނީ ކުރީގެ ރައީސް މުހައްމަދު ނަޝީދެވެ. މި އިންތިހާބުގެ ފޯރި ގަދަވެފައިވާއިރު، ޕާޓީގެ އިސް ބޭފުޅުން ގެންދަވަނީ އެކި ރަށްރަށަށް ދަތުރުކުރައްވައި ކެމްޕެއިން ހަރަކާތްތައް ބާއްވަމުންނެވެ.
