އިތުބާރު ކެމްޕެއިން ސިޓީ ދަތުރުގެ ތިންވަނަ މަންޒިލް އައްޑޫ ސިޓީއަށް ރައީސް ސޯލިހު ވަޑައިގަންނަވައިފި
12 ޖޫން 2026 ގަ ބޭއްވުމަށް ހަމަޖެހިފައިވާ އެމްޑީޕީގެ ޗެއަރޕާސަން އިންތިހާބުގައި މީކާއިލްގެ އިތުރުން ދެން ވާދަކުރައްވަނީ ކުރީގެ ރައީސް މުހައްމަދު ނަޝީދު.
އައްޑޫގައި އިތުބާރު ކެންޕޭން ޓީމުން ނަގާފައިވާ ފޮޓޯ އެއް | އެމްޑީޕީ
ކުރީގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، އިތުބާރު ކެމްޕެއިން ސިޓީ ދަތުރުގެ ތިންވަނަ މަންޒިލް ކަމަށްވާ އައްޑޫ ސިޓީއަށް ވަޑައިގަންނަަވައިފި އެވެ.
މި ދަތުރުފުޅަކީ އެމްޑީޕީގެ ޗެއަރޕަރސަންގެ އިންތިޚާބުގައި ވާދަކުރައްވާ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް އަށް ތާއީދު ހޯއްދެވުމަށް އިތުބާރު ކެމްޕެއިން ޓީމުން ކުރިއަސް ގެންދާ "ސިޓީ ދަތުރު"ގެ ތެރެއިން ކުރައްވާ ދަތުރުފުޅެކެވެ.
އެ މަނިކުފާނާއި އިތުބާރު ކެމްޕެއިން ޓީމް އައްޑޫ ސިޓީ އަށް ވަޑައިގަންނަވާފައި ވަނީ އާދިއްތަ ދުވަހު އެވެ. އަދި އެ ދުވަހުގެ ހަވީރު ސ. އަތޮޅުގެ ހުޅުދޫ މީދޫ އަށް ވަނީ ވަޑައިގަންނަވާފަ އެވެ. ރައީސް ސޯލިހު އައްޑޫ ސިޓީއަށް ވަޑައިގަތުމުން އެ މަނިކުފާނަށް ވަރަށް ހޫނު މަރުޙަބާއެއް އާއްމުން ވަނީ ކިޔާފަ އެވެ.
12 ޖޫން 2026 ގަ ބޭއްވުމަށް ހަމަޖެހިފައިވާ އެމްޑީޕީގެ ޗެއަރޕާސަން އިންތިހާބުގައި މީކާއިލްގެ އިތުރުން ދެން ވާދަކުރައްވަނީ ކުރީގެ ރައީސް މުހައްމަދު ނަޝީދެވެ.
