ޕާޓީން ހަދާ އެއްބަސްވުންތަކާ ގުޅިގެން ސޮއިކުރަން ހުންނަންޖެހޭނީ އިތުބާރު އޮތް މީހެއް، އެއީ މީކާއީލް: ސޯލިޙު
ކޯލިޝަން އެއްބަސްވުމާ އެއްގޮތަށް ވެރިކަން ކުރެއްވުމުގައި ކުރިމަތިވި ފާޑުކިޔުންތަކަށް ރައްދުދެއްވަމުން، ޕާޓީގެ މުހިއްމު ލިޔުންތަކުގައި ސޮއިކުރަންޖެހޭނީ އިތުބާރު ހުރި ބޭފުޅެއްކަމަށް ކުރީގެ ރައީސް އިބްރާހިމް މުޙައްމަދު ސޯލިޙު ވިދާޅުވެއްޖެ. އެމަނިކުފާނު ވިދާޅުވީ މީކާއީލް އަހުމަދު ނަސީމަކީ އެފަދަ އިތުބާރު އޮތް ބޭފުޅެއް ކަމަށާއި، އޭނާގެ މެނިފެސްޓޯގައި ޕާޓީ ހިންގުމަށް ބޭނުންވާ މުހިއްމު ކަންތައްތަކެއް ހިމެނިފައިވާތީ މީކާއީލަށް ފުރިހަމައަށް ތާއީދުކުރައްވާ ކަމަށް.
ހިންނަވަރުގައި ބޭއްވި އިތުބާރު ކެމްޕެއިން ޖަލްސާގައި މީކާއިލް ނަސީމް އަދި ކުރީގެ ރައީސް އިބްރާޙިމް މުހައްމަދު ސޯލިހު އާއި އިތުރު ބައެއް ބޭފުޅުން | ރާއްޖެ އެމްވީ
ޕާޓީގެ ފަރާތުން ހަދާ އެއްބަސްވުންތަކާ ގުޅޭ ލިއުންތަކުގައި ސޮއިކުރަންޖެހޭނީ އިތުބާރު އޮންނަ ބޭފުޅެއް ކަމަށާއި އެއީ މީކާއީލް އަހުމަދު ނަސީމްކަމަށް ކުރީގެ ރައީސް އިބްރާހިމް މުޙައްމަދު ސޯލިޙު ވިދާޅުވެއްޖެއެވެ.
އެމަނިކުފާނު އެހެން ވިދާޅުވީ އިތުބާރު ކެމްޕޭނު ޓީމުގެ ޖަލްސާއެއްގައި ހޮނިހިރު ދުވަހުގެރޭ ވާހަކަ ދައްކަވަމުންނެވެ.
2018 ވަނަ އަހަރު ވެރިކަމަށް ވަޑައިގެން ކޯލިޝަނަކާއެކު މަސައްކަތް ކުރެއްވުމުން އެކަމަށް އަމާޒުވާ ފާޑުކިޔުންތަކަށް ރައްދު ދެއްވައި ކުރީގެ ރައީސް އިބްރާހީމް މުހައްމަދު ސޯލިހު ވިދާޅުވެފައިވަނީ އެ ވެރިކަމަށް އައީ ސޮއިކުރެވިފައިވާ ކޯލިޝަން އެއްބަސްވުމެއްގެ ދަށުން ކަމަށާއި އެ އެއްބަސްވުމުގައި އެމަނިކުފާނުވެސް ސޮއިކުރައްވާފައިވާނެ ކަމަށެވެ.
ރައީސް ސޯލިހު ވިދާޅުވީ ވެރިކަން ކުރައްވާފައިވާނީ އޭރު ސޮއިކުރެވި އެއްބަސްވެގެން ދިޔަ ގޮތަށް ކަންކަން ގެންދިއުމަށް ކަމަށެވެ. އެމަނިކުފާނު ވިދާޅުވީ ކޯލިޝަން އެއްބަސްވުމުގައި ހިމެނޭ ކަންތައްތައް ތަންފީޒު ކުރެއްވުމަށް އެމަނިކުފާނު މަސައްކަތް ކުރެއްވި ކަމަށެވެ.
މިކަމާ ގުޅިގެން ވާހަކަ ދައްކަވަމުން ރައީސް ސޯލިހު އިތުރަށް ވިދާޅުވީ، މިއަދުވެސް ޕާޓީގެ ފަރާތުން ހަދާ އެފަދަ ލިއުންތަކުގައި ސޮއިކުރަންޖެހޭނީވެސް އިތުބާރު އޮންނަ ބޭފުޅެއް ކަމަށާއި އެއީ މީކާއީލް ކަމަށެވެ. މީކާއީލް ވަޑައިގަންނަވަނީ މެނިފެސްޓޯއަކާއެކުގައި ކަމަށާއި، އެ މެނިފެސްޓޯގައި ޕާޓީ ހިންގުމަށް ބޭނުންވާ މުހިއްމު ގިނަ ކަންތައްތަކެއް ހިމެނިފައިވާ ކަމަށް ރައީސް ސޯލިހު ވިދާޅުވިއެވެ.
އެމަނިކުފާނު ވިދާޅުވީ މީކާއީލްގެ މެނިފެސްޓޯގައި ޕާޓީ ހިންގުމަށް ބޭނުންވާ މުހިއްމު ކަންތައްތައް ހިމެނިފައިވާތީ އެއީ މީކާއީލްއަށް ތާއީދު ކުރާ އެއް ސަބަބު ކަމަށެވެ. އެކަމާ ރައްޔިތުންވެސް ފުންކޮށް ވިސްނުމަށް ރައީސް ސޯލިހު ވަނީ އެދިވަޑައިގެންފައެވެ.
ރައީސް ސޯލިހު މިފަދައިން ވިދާޅުވެފައިވަނީ ކޯލިޝަން ސަރުކާރެއް ހިންގެވުމާ ގުޅިގެން އެމަނިކުފާނަށް އަމާޒުވި ފާޑުކިޔުންތަކަށް ރައްދު ދެއްވަމުންނެވެ. 2018 ވަނަ އަހަރު ރައީސް ސޯލިހު ވެރިކަމަށް ވަޑައިގެންނެވީ ގިނަ ޕާޓީތަކެއް ހިމެނޭ ކޯލިޝަނަކާއެކުގައެވެ.
ރައީސް ސޯލިހުގެ މި ވާހަކަތަކުން ދައްކުވައިދެނީ ކޯލިޝަން އެއްބަސްވުމުގައި ސޮއިކުރައްވައި އެއްބަސްވުމުގެ ދަށުން ވެރިކަން ކުރެއްވި ކަމަށާއި އެކަން ކުރެއްވީ ފުރިހަމަ އިތުބާރާއެކު ކަމަށެވެ. އަދި މިއަދުވެސް އެފަދަ މުހިއްމު ލިއުންތަކުގައި ސޮއިކުރަންޖެހޭނީ އިތުބާރު ހުރި ބޭފުޅަކު ކަމަށާއި އެއީ މީކާއީލް ކަމަށް ވިދާޅުވެ ރައީސް ސޯލިހު ވަނީ މީކާއީލްއަށް ތާއީދު ކުރައްވާފައެވެ.
