ރައީސް ސޯލިހު ފުވައްމުލައް ސިޓީ އަށް ވަޑައިގެންފި
އެމްޑީޕީގެ އެތެރޭގެ އިންތިޚާބުގައި ޗެއަރޕާސަން ކަމަށް ވާދަކުރައްވާ މީކާއިލް އަހުމަދު ނަސީމަށް ތާއީދު ހޯއްދެވުމަށް، ކުރީގެ ރައީސް އިބްރާހިމް މުހައްމަދު ސޯލިހާއި އެމްޑީޕީގެ އިސް ވަފުދެއް ފުވައްމުލައް ސިޓީއަށް ވަޑައިގެންފި. "އިތުބާރު" ކެމްޕެއިންގެ ދަށުން ކުރިއަށްގެންދާ މި ދަތުރުފުޅުގައި އެ ސިޓީގައި ޚާއްޞަ ޖަލްސާއެއް ބޭއްވުމަށް ވަނީ ހަމަޖެހިފަ. އަންނަ ހުކުރު ދުވަހު ބާއްވާ މި އިންތިޚާބުގައި މީކާއިލްއާ ވާދަކުރައްވަނީ ކުރީގެ ރައީސް މުހައްމަދު ނަޝީދު.
ފުވައްމުލައް ސިޓީ އިން ރައީސް ސޯލިހަށް ވަނީ ވަރަށް ހޫނު މަރުހަބާ އެއް ދަންނަވާފަ. | އެމްޑީޕީ ސެކްރިޓޭރިއެޓް
ކުރީގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، ފުވައްމުލައް ސިޓީއަށް ވަޑައިގެންފި އެވެ.
ރައީސް ސޯލިހު ފުވައްމުލައް ސިޓީއަށް ވަޑައިގަތީ ހުކުރު ދުވަހުގެ ހަވީރުގެ ވަގުތެއްގަ އެވެ. އެމަނިކުފާނު އެ ސިޓީއަށް ވަޑައިގަތުމުން ފުވައްމުލަކު އެއާޕޯޓުން އެ ސިޓީގެ ގިނަ އަދަދެއްގެ ރައްޔިތުން ވަނީ ވަރަށް ހޫނު މަރުޙަބާއެއް ދަންނަވާފަ އެވެ.
މި ދަތުރުފުޅުގައި ރައީސް ސޯލިހުގެ އަރިހުގައި އެމްޑީޕީގެ ބައެއް އިސް ބޭފުޅުން ބައިވެވަޑައިގަންނަވަ އެވެ. އޭގެ ތެރޭގައި އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ނާޒިލްގެ އިތުރުން، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު މީކާއިލް އަހްމަދު ނަސީމް ހިމެނިވަޑައިގަންނަވަ އެވެ.
ރައީސް ސޯލިހު ފުވައްމުލައް ސިޓީއަށް ކުރައްވާ މި ދަތުރުފުޅަކީ ކުރިއަށް އޮތް އެމްޑީޕީގެ އެތެރޭގެ އިންތިހާބުގައި އެ ޕާޓީގެ ޗެއަރޕާސަން ކަމަށް ވާދަކުރައްވާ މީކާއިލް އަހުމަދު ނަސީމަށް ތާއީދު ހޯއްދެވުމަށް ކުރައްވާ ދަތުރުފުޅެކެވެ. މި ކެމްޕެއިން ދަތުރުފުޅުގެ ތެރެއިން "އިތުބާރު" ކެމްޕެއިން ޓީމުގެ ފަރާތުން ފުވައްމުލައް ސިޓީގައި ބޮޑު ޖަލްސާ އެއް ބޭއްވުމަށް ވަނީ ހަމަޖެހިފައެ ވެ.
12 ޖޫން 2026 ގަ ބޭއްވުމަށް ހަމަޖެހިފައިވާ އެމްޑީޕީގެ ޗެއަރޕާސަން އިންތިހާބުގައި މީކާއިލްގެ އިތުރުން ދެން ވާދަކުރައްވަނީ ކުރީގެ ރައީސް މުހައްމަދު ނަޝީދެވެ. މި އިންތިހާބުގެ ފޯރި ގަދަވެފައިވާއިރު، ޕާޓީގެ އިސް ބޭފުޅުން ގެންދަވަނީ އެކި ރަށްރަށަށް ދަތުރުކުރައްވައި ކެމްޕެއިން ހަރަކާތްތައް ބާއްވަމުންނެވެ.
