އީރާންގައި ބާކީ ހުރީ 22 އިންސައްތަ މިސައިލް: ޓްރަމްޕް
މި އަދަދަކީ މިއަހަރުގެ މެއި މަހު ޓްރަމްޕް ދެއްވި އަދަދަށް ވުރެ ބޮޑު އަދަދެއް. އެ ދުވަސްވަރު ޓްރަމްޕް ވިދާޅުވީ އީރާންގެ މިސައިލު ހަތިޔާރުގެ 18 އިންސައްތަ ހުރި ކަމަށް. އީރާންގެ ހަނގުރާމަ ކުރުމުގެ ބާރު ފުރިހަމަ އަށް ނައްތާލާފައިވާ ކަމަށް ޓްރަމްޕް ވަނީ މީގެ ކުިން އެކި ފަހަރު މަތިން ވިދާޅުވެފައިވޭ.
އެމެރިކާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
އީރާންގެ މިސައިލް ހަތިޔާރުގެ ބާކީ ހުރީ 21 އިންސައްތަ ނުވަތަ 22 އިންސައްތަ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް މިހެން ވިދާޅުވެފައި ވަނީ، އެމެރިކާ އިން ދިން ހަމަލާ ތަކުގެ ރައްދުގައި މިދިޔަ ދުވަސް ތަކުގައި އީރާން އިން މިސައިލް ހަމަލާ ތަކެއް ދީފައި ވަނިކޮށެވެ.
މި އަދަދަކީ މިއަހަރުގެ މެއި މަހު ޓްރަމްޕް ދެއްވި އަދަދަށް ވުރެ ބޮޑު އަދަދެކެވެ. އެ ދުވަސްވަރު ޓްރަމްޕް ވިދާޅުވީ އީރާންގެ މިސައިލު ހަތިޔާރުގެ 18 އިންސައްތަ ހުރި ކަމަށެވެ. އީރާންގެ ހަނގުރާމަ ކުރުމުގެ ބާރު ފުރިހަމަ އަށް ނައްތާލާފައިވާ ކަމަށް ޓްރަމްޕް ވަނީ މީގެ ކުރިން އެކި ފަހަރު މަތިން ވިދާޅުވެފައި އެވެ.
އީރާންގެ ސިފައިން ހުކުރު ދުވަހު ބުނީ ގަލްފް އޮފް އޮމާންގައި އެމެރިކާގެ ދެ އަމާޒަކަށް އިންޒާރުގެ މިސައިލު ތަކުން ހަމަލާ ފޮނުވާފައިވާ ކަމަށެވެ. ނަމަވެސް، އެމެރިކާގެ ސިފައިން ވަނީ އީރާންގެ އެ ވާހަކަތައް ދޮގު ކޮށްފަ އެވެ.
މީގެ ކުރިން ކުވެއިތުން ބުނެފައި ވަނީ، އީރާން އިން ފޮނުވާލި މިސައިލް ހަމަލާ ތަކުގެ ތެރެއިން 30 ބެލިސްޓިކް މިސައިލް ހުއްޓުވާފައިވާ ކަމަށެވެ. މިއީ ސަރަހައްދުގައި ހުރި އެމެރިކާގެ ބޭސް ތަކަށް، ނުވަތަ އަމާޒު ތަކަށް ހަމަލާ ދިނުމުގެ ތެރެއިން އީރާން އިން ފޮނުވާލި މިސައިލް ތަކެކެވެ.
މި ހަފްތާގައި އީރާން އިން ސަރަހައްދަށް ދިން ހަމަލާ ތަކުގެ ތެރޭގައި މިސައިލު ހަމަލާތައް ހިމެނޭ އިރު، މިއީ ހަނގުރާމަ އަށްހުއްޓުމެއް ގެނައުމަށް މަސައްކަތް ކުރަމުންދާ ދަނޑިވަޅެއްގައި ހިނގާފައިވާ ކަމެކެވެ. އީރާންގެ މިފަދަ އަމަލު ތަކުން ސަރަހައްދުގެ ސުލްހަ އަމާން ކަމަށް ބޮޑެތި ނުރައްކާ ތަކެއް ކުރިމަތިވާ ކަމަށް ބައެއް ފަރާތް ތަކުން ބުނެ އެވެ.
މަސްދަރު: އޭއެފްޕީ
