ވަކި މަންފާއެއް ހޯދުމަށް އީރާން އިން ލުބުނާން ބޭނުން ނުކުރާ ކަމަށް ވިދާޅުވެ، އަރާގްޗީ ރައްދު ދެއްވައިފި

އެމެރިކާ އާއެކު އީރާން އިން ކުރިއަށް ގެންދާ މަޝްވަރާ ތަކުގައި ވަކި މަންފާއެއް ހޯދުމަށް ލުބުނާން ބޭނުން ނުކުރާ ކަމަށް ވިދާޅުވެ، އީރާންގެ ފޮރިން މިނިސްޓަރު އައްބާސް އަރާގްޗީ ރައްދު ދެއްވައިފި އެވެ. 

މި މައްސަލަ ފެންމަތިވެފައި ވަނީ، އެމެރިކާ އާއެކު އީރާން އިން ބާއްވާ ގުޅުން ތަކުގެ ތެރެއިން އަމިއްލަ ފައިދާއަށްޓަކައި ލުބުނާންގެ މަސްލަހަތުތައް ގުރުބާން ކުރަމުންދާ ކަމަށް އެ ޤައުމުގެ ރައީސް ރައީސް ޖޯސެފް އައުން ތުހުމަތު ކުރެއްވުމާ ގުޅިގެންނެވެ. މި ތުހުމަތު ތަކަކީ އެއްވެސް އަސާސެއް ނެތް ވާހަކަ ތަކެއްގެ ގޮތުގައި އީރާން އިން ވަނީ ސިފަ ކޮށްފަ އެވެ.

އީރާންގެ ފޮރިން މިނިސްޓަރު އަރާގްޗީ ވިދާޅުވީ، އީރާންގެ ޚާރިޖީ ސިޔާސަތު ބިނާވެފައި ވަނީ ސަރަހައްދީ ގައުމު ތަކުގެ މިނިވަންކަމާއި އިސްތިގުލާލަށް އިހުތިރާމް ކުރުމުގެ މައްޗަށް ކަމަށެވެ. އަދި ލުބުނާންގެ ދާޚިލީ ކަންކަމުގެ ތެރެއަށް އީރާން އިން ނުފޫޒު ފޯރުވަން މަސައްކަތް ކުރާ ކަމަށް ދެކެވޭ ވާހަކަ ތަކަކީ ހަގީގަތާ ޚިލާފު ވާހަކަ ތަކެއް ކަމަށް ވެސް އޭނާ ފާހަގަ ކުރެއްވި އެވެ.

މީގެ އިތުރުން، އީރާން އިން އަބަދުވެސް މަސައްކަތް ކުރަނީ ލުބުނާންގެ ހަމަޖެހުމާއި ސަލާމަތަށް ކަމަށާއި، އެ ގައުމުގެ ރައްޔިތުންގެ ނިންމުން ތަކަށް އީރާން އިން ފުރިހަމަ އަށް އިހުތިރާމް ކުރާނެ ކަމުގެ ޔަގީންކަން އަރާގްޗީ ވަނީ ދެއްވައިފަ އެވެ. މި މައްސަލައާ ގުޅިގެން ދެ ގައުމުގެ ދެމެދުގައި އޮތް ސިޔާސީ ގުޅުމަށް ބުރޫ އަރާފާނެ ކަމަށް މަސްރަހު ދިރާސާ ކުރާ ފަރާތް ތަކުން ބުނަމުންދާ އިރު، އީރާން އިން ދަނީ އެ ގައުމުގެ ސިޔާސަތު ތަކަކީ ސަރަހައްދީ ސުލްހަ އަށް އަމާޒުކޮށް ފައިވާ ސިޔާސަތު ތަކެއްކަން ހާމަކުރުމުންނެވެ. 

މި ދަނޑިވަޅަކީ މެދު އިރުމަތީގެ މަސްރަހު ނުތަނަވަސް ވެފައިވާ ވަގުތެއް ކަމުން، ސަރަހައްދީ ބާރު ތަކުގެ މެދުގައި ބަދަލު ކުރެވޭ މިފަދަ ބަހުގެ ހަމަލާ ތަކަކީ ސިޔާސީ ގޮތުން ނުހަނު ނާޒުކު ކަންކަމުގެ ގޮތުގައި ވަނީ ބެލެވިފައި އެވެ. އީރާން އާއި އެމެރިކާއާ ދެމެދު އޮންނަ ނުތަނަވަސް ގުޅުމުގެ ތެރެއަށް ލުބުނާން ފަދަ ގައުމު ތަކުގެ ނަން އައުމަކީ އާންމުކޮށް ހިނގާ ކަމެއް ނަމަވެސް، ސީދާ ގައުމެއްގެ އިސްވެރިއަކު މިފަދަ ތުހުމަތެއް ކުރެއްވުމުން އީރާން އިން ވަނީ އެކަމަށް ވަގުތުން ރައްދު ދީފައި އެވެ.