ސަރަހައްދުގައި ހުރި ދުޝްމަނުންގެ ބޭސް ތަކަށް ހަމަލާ ދީފައިވާ ކަމަށް އީރާން އިން ބުނެފި
އައިއާރްޖީސީ އިން ނެރުނު ބަޔާނެއްގައި ބުނެފައި ވަނީ މި ހަމަލާތައް ދިނީ އެމެރިކާގެ ސިފައިންގެ ފަރާތުން އީރާންގެ ސިރިކް ސިޓީ އަށާއި، ހޮރްމޫޒް ކަނޑު އޮޅީގައި އޮތް ގެޝްމް ރަށަށް ދިން ހަނގުރާމަވެރި އަމަލު ތަކަށް ރައްދު ދިނުމުގެ ގޮތުން ކަމަށް.
އީރާންގެ އައިއާރުޖީސީ އިން މީގެ ކުރިން ފޮނުވާލަން ތައްޔާރު ކޮށްފައިވާ މިސައިލް ތަކެއް ފެންނަ މަންޒަރު. | ރޮއިޓާސް
ސަރަހައްދުގައި ހުރި ދުޝްމަނުންގެ ބޭސް ތަކަށް އެއަރޯސްޕޭސް މިސައިލް ބޭނުން ކޮށްގެން ހަމަލާ ދީފައިވާ ކަމަށް، އީރާންގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރްޖީސީ) އިން ބުނެފި އެވެ.
އައިއާރްޖީސީ އިން ނެރުނު ބަޔާނެއްގައި ބުނެފައި ވަނީ މި ހަމަލާތައް ދިނީ އެމެރިކާގެ ސިފައިންގެ ފަރާތުން އީރާންގެ ސިރިކް ސިޓީ އަށާއި، ހޮރްމޫޒް ކަނޑު އޮޅީގައި އޮތް ގެޝްމް ރަށަށް ދިން ހަނގުރާމަވެރި އަމަލު ތަކަށް ރައްދު ދިނުމުގެ ގޮތުން ކަމަށެވެ. އެމެރިކާގެ ފަރާތުން އީރާންގެ މި ދެ ސަރަހައްދަށް ދިން ހަމަލާ ތަކަކީ އީރާންގެ ސިޔާދަތަށް ދިން ހަމަލާއެއް ކަމަށް އައިއާރްޖީސީ އިން ވަނީ ސިފަ ކޮށްފަ އެވެ.
ހޮރްމޫޒް ކަނޑުއޮޅި އަކީ ދުނިޔޭގެ ތެލުގެ ވިޔަފާރީގައި ވަރަށް މުހިންމު ދަތުރު ފަތުރުގެ މަގެކެވެ. ގެޝްމް ރަށަކީ އެ ކަނޑު އޮޅީގައި އޮތް އީރާންގެ ވަރަށް މުހިންމު ރަށެކެވެ. އެހެންކަމުން މި ސަރަހައްދަށް ދިން ހަމަލާ ތަކަކީ އީރާން އަށް ވަރަށް ބޮޑު ކަންބޮޑު ވުމަކަށް ވަނީ ވެފަެި އެވެ.
އައިއާރްޖީސީ އިން ބުނެފައި ވަނީ މި ހަމަލާ ތަކުގައި އެއަރޯސްޕޭސް މިސައިލް ބޭނުން ކޮށްގެން ސަރަހައްދުގައި ހުރި ދުޝްމަނުންގެ ބޭސް ތަކަށް ވަރުގަދަ ހަމަލާ ތަކެއް ދީފައިވާ ކަމަށެވެ. ނަމަވެސް މި ހަމަލާތައް އަމާޒު ކޮށްފައި ވަނީ ކޮން ބޭސް ތަކަކަށް ކަމެއް އަދި ބޭނުން ކޮށްފައި ވަނީ ކިތައް މިސައިލް ކަމެއް އައިއާރްޖީސީ އިން ބުނެފައި ނުވެ އެވެ.
މި ހަމަލާތައް ދިނުމުން މެދުއިރުމަތީ ސަރަހައްދުގައި އިތުރަށް ހަމަނުޖެހުން އިތުރު ވެދާނެ ކަމަށް ބައެއް ތަޖުރިބާކާރުން ބުނެފައިވެ އެވެ. އީރާން އާއި އެމެރިކާއާ ދެމެދު މިހާރު ވެސް ގުޅުން ގޯސްވެފައިވާއިރު، މިފަދަ ހަމަލާ ތަކުގެ ސަބަބުން ގުޅުން އިތުރަށް ގޯސްވެ، މަސްރަހު އިތުރަށް ނުތަނަވަސް ވާނެ ކަމަށް ބައެއް ފަރާތް ތަކުން ދެކެ އެވެ.
މަސްދަރު: އަލް ޖަޒީރާ
