ހޮރްމޫޒް ކަނޑު އޮޅީގައި ފްރާންސް އާއި އިނގިރޭސިވިލާތުން ކުރިއަށް ގެންދާ މިޝަންގައި އޮސްޓްރޭލިއާ ބައިވެރި ވަނީ

ހޮރްމޫޒް ކަނޑު އޮޅި ހިމާޔަތް ކުރުމަށް ފްރާންސް އާއި އިނގިރޭސިވިލާތުން ކުރިއަށް ގެންދާ މިޝަންގައި ބައިވެރިވުމަށް އިސްޓްރޭލިއާ އިން ނިންމައިފި އެވެ.

މިކަން އިއުލާން ކޮށްފައި ވަނީ އޮސްޓްރޭލިއާގެ ޑިފެންސް މިނިސްޓަރު ރިޗާޑް މާލްސް ދުވަހު ނެރުއްވި ބަޔާނެއްގަ އެވެ. 

މި މަސައްކަތުގައި އޮސްޓްރޭލިއާ އިން ބައިވެރި ވާނީ ވެޖްޓެއިލް އީ ސެވެން އޭ ނަމަކަށް ކިޔާ އުޅަނދެއް ފޮނުވައިގެންނެވެ. މި އުޅަނދަކީ އީރާންގެ އިން ޑްރޯން ހަމަލާ ތަކުން ރައްކާތެރި ކުރުމަށް، އެކުވެރި އަރަބި އިމާރާތް (ޔޫއޭއީ) އަށް އެހީތެރިވުމުގެ ގޮތުން ކުރިން ވެސް އެ ސަރަހައްދުގައި ޙަރަކާތްތެރި ވަަމުން އަންނަ އުޅަނދެވެ. 

ޤައުމު ތަކުގެ ބައިވެރިވުމާ އެކު ބޭއްވި ބައްދަލުވުމަށް ފަހު މާލްސް ވިދާޅުވީ، އޮސްޓްރޭލިއާ އިން މި މަސައްކަތުގައި ބައިވެރި ވާނީ މިޝަން އުފެއްދުމަށް ފަހު ކަމަށެވެ. މި ބައްދަލުވުމުގައި 40 އަށް ވުރެ ގިނަ ޤަައުމު ތަކުން ވަނީ ބައިވެރިވެފަ އެވެ. 

ޑިފެންސް މިނިސްޓަރު މާލްސް ނެރުއްވި ބަޔާނުގައި ވިދާޅުވީ، އޮސްޓްރޭލިއާ އިން އިނގިރޭސިވިލާތް އަދި ފްރާންސް ލީޑު ކުރުމުގެ ދަށުން ހިންގާ މިނިވަން އަދި މުޅިން ދިފާއީ ބައިނަލްއަޤުވާމީ ސިފައިންގެ މަސައްކަތަށް އެހީތެރިވެ ދިނުމަށް ތައްޔާރަށް ތިބި ކަމަށެވެ. 

ބައިނަލްއަޤުވާމީ ސިފައިންގެ މި މަސައްކަތަކީ ޑިޕްލޮމެޓި މަޝްވަރާ ތަކާއި، ޙާލަތު ހަމަޖެއްސުމުގެ މަސައްކަތް ތަކަށް އިތުރު ބާރެއް ލިބި ދިނުމަށް ރާވާފައިވާ ކަމެއް ކަމަށް މާލްސް ވިދާޅުވި އެވެ. އަދި މި މަސައްކަތުގެ ސަބަބުން ބައިނަލްއަޤުވާމީ ވިޔަފާރީގެ ރައްކާތެރި ކަމަށް ދެވިދާނެ އަހަންމިއްޔަތުކަން ދައްކައި ދެވޭނެ ކަމަށް ވެސް އޭނާ ވިދާޅުވި އެވެ. 

ހޮރްމޫޒް ކަނޑު އޮޅި ބައިނަލްއަޤުވާމީ ވިޔަފާރީގައި ވަރަށް މުހިންމު ދައުރެއް އަދާ ކުރެ އެވެ. ދުނިޔޭގެ ތެލުގެ ވިޔަފާރީގެ ބޮޑު ބައެއް މި ކަނޑު އޮޅިން ދަތުރު ކުރެ އެވެ. މި ސަރަހައްދުގައި ރައްކާތެރިކަން ކަށަވަރު ކުރުމަކީ، ބައިނަލްއަޤުވާމީ އިޤްތިޞާދަށް ވަރަށް މުހިންމު ކަމެކެވެ. 

މި މަސައްކަތުގައި އޮސްޓްރޭލިއާ ބައިވެރިވުމުގެ މައިގަނޑު މަޤުސަދަކީ، ބައިނަލްއަޤުވާމީ ވިޔަފާރީގެ މަގުތައް ރައްކާތެރިކޮށް، އަމާންކަން ކަށަވަރު ކުރުމެވެ. މި މަސައްކަތަކީ މުޅިން ދިފާއީ ބޭރުމުގައި ހިންގާ މަސައްކަތެއް ކަމަށް ވަނީ ބުނެފަ އެވެ.