ބަލިވުމަށް ވުރެ އެއްވަރުވުން ރަނގަޅު، ފަހު ވަގުތާ ޖެހެންދެން މަސައްކަތް ކުރާނަން: ގާޑިއޯލާ

މެޗަކުން ބަލިވުމަށް ވުރެ، އެ މެޗެއް އެއްވަރުވެގެން ނިމުމަކީ ރަނގަޅު ކަމެއް ކަމަށާއި، އެންމެ ފަހު ވަގުތާ ޖެހެންދެން މެންޗެސްޓަރ ސިޓީ އިން މަސައްކަތް ކުރާނެ ކަމަށް އެ ޓީމުގެ ކޯޗު ޕެޕް ގާޑިއޯލާ ބުނެފި އެވެ. 

ގާޑިއޯލާ މިހެން ބުނީ އިނގިރޭސި ޕްރިމިއާ ލީގުގައި އެވަޓަންއާ ދެކޮޅަށް ކުޅެ އެއްވަރުވި މެޗަށް ފަހު ވާހަކަ ދައްކަމުންނެވެ. އެ މެޗުން މޮޅުވެ، އާސެނަލްއާ ދެމެދު އޮތް ފަރަގު ކުޑަކޮށް، ފައިދާ ނެގުމުގެ ފުރުސަތު ސިޓީ އަށް އޮތެވެ. ނަމަވެސް މެޗު އެއްވަރުވުމުން، މިވަގުތު ފައިދާ އޮތީ އާސެނަލް އަށެވެ.

އެވަޓަން މެޗަށް ފަހު ވާހަކަ ދައްކަމުން ގާޑިއޯލާ ބުނީ، އަބަދު ވެސް މެޗަކުން ބަލިވުމަށް ވުރެ، އެއްވަރުވުމަކީ ވެސް ރަނގަޅެއް ކަމަށެވެ. ނަމަވެސް، ސިޓީ އިން އެވަޓަންއާ ދެކޮޅަށް ނިކުތީ މޮޅުވާން އަޒުމު ކަނޑައަޅައިގެން ކަމަށާއި، އަބަދު ވެސް ސިޓީގެ ވިސްނުމުގައި އޮންނާނީ މެޗު ތަކުން މޮޅުވުން ކަމަށް ގާޑިއޯލާ ބުންޏެވެ. އެވަޓަންއާ ދެކޮޅަށް ސިޓީ އިން ދައްކައި ދިނީ އެ ޓީމުގެ ފެންވަރު ކަމަށާއި، ސިޓީ އިން އެންމެ ފަހު ވަގުތާ ޖެހެންދެން ހިތްވަރު ކުރި ކަމަށް ގާޑިއޯލާ ބުންޏެވެ.

މީގެ އިތުރުން ގާޑިއޯލާ ބުނީ، ސިޓީ އިން ލަނޑު ޖަހަން ވަރަށް ގިނަ ފުރުސަތު ތަކެއް ހޯދި ކަމަށާއި، އެވަޓަން އަށް ވުރެ ރަނގަޅަށް ސިޓީ އަށް ކުޅެވުނު ކަމަށެވެ. އެވަޓަން މެޗަކީ ރަނގަޅެއް ގޮތުގައި ސިޓީ އިން ދެކޭނެ ކަމަށާއި، އެ މެޗުން ފިލާވަޅު ތަކެއް ހޯދާނެ ކަމަށް ވެސް ގާޑިއޯލާ ބުންޏެވެ. އެއާ އެކު ގާޑިއޯލާ ބުނީ، އެންމެ ފަހު ވަގުތާ ޖެހެންދެން ވެސް ސިޓީ އިން ގަދައަޅާ މަސައްކަތް ކުރާނެ ކަމަށާއި، ހިތްވަރު ދޫކޮށް ނުލާނެ ކަމަށެވެ. 

އެވަޓަންއާ އެއްވަރުވެ، ލީގުގެ ތާވަލްގެ ދެ ވަނައިގައި ސިޓީ އޮތީ 34 މެޗުން 71 ޕޮއިންޓާ އެކު އެވެ. ސިޓީ އަށް ވުރެ އެއް މެޗު އިތުރަށް ކުޅެގެން އާސެނަލް އެއް ވަަނައިގައި އޮތީ، 35 މެޗުން 76 ޕޮއިންޓާ އެކު އެވެ. މިހާރު ސިޓީ އިން މެޗުގެ އަދަދު ހަމަކުރާއިރު ވެސް، އާސެނަލް އަށް ދެ ޕޮއިންޓުގެ ލީޑެއް އޮންނާނެ އެވެ. ލީގުގައި ސިޓީ އަށް ބާކީ ހަތަރު މެޗު އޮތްއިރު، އާސެނަލް އަށް އޮތީ ތިން މެޗެވެ. 

ލީގުގައި ސިޓީ އަށް ދެން އޮތީ ބްރެންޓްފޯޑާ ދެކޮޅަށް ކުޅޭ މެޗުގެ އިތުރުން، ކްރިސްޓަލް ޕެލަސްއާ ދެކޮޅަށް ކުޅޭ މެޗާއި، ބޯންމައުތާ ދެކޮޅަށް ކުޅޭ މެޗު އަދި އެސްޓަން ވިލާއާ ދެކޮޅަށް ކުޅޭ މެޗެވެ.