ޣައްޒާގެ ހަނގުރާމަ އަށް ފަހު ފަލަސްޠީނުގެ ފުރަތަމަ އިންތިޚާބުގެ ވޯޓުލުން ކުރިއަށް
ރާމަﷲ ގައި ހުންނަ ފަލަސްޠީނުގެ ސެންޓްރަލް އިލެކްޝަންސް ކޮމިޝަން އިން ހާމަ ކޮށްފައިވާ ގޮތުގައި، އިޒްރޭލް އިން ހިފާފައިވާ ހުޅަނގު އައްސޭރީގައި 1.5 މިލިއަނާ ގާތް ކުރާ އަދަދަށް މީހުން ވޯޓުލުމަށް ރަޖިސްޓްރީ ކޮށްފައިވޭ. މީގެ އިތުރުން ޣައްޒާގެ މެދު ތެރޭގައި އޮންނަ ދީރު އަލް ބަލާޙު ސަރަހައްދުން 70،000 އެއްހާ މީހުން ވޯޓުލުމަށް ވަނީ ރަޖިސްޓްރީ ކޮށްފައި.
އިޒްރޭލް އިން ހިފާފައިވާ ހުޅަނގު އައްސޭރީގެ ޖެނީން ސިޓީގައި ބޭއްވި މުނިސިޕަލް އިންތިޚާބުގައި ފަލަސްޠީނުގެ ރައްޔިތަކު ވޯޓުލަނީ. | ރޮއިޓާސް
ޣައްޒާގެ ހަނގުރާމަ އަށް ފަހު ފަލަސްޠީނުގައި ބާއްވާ ފުރަތަމަ އިންތިޚާބުގައި ވޯޓުލުމަށް ހުޅަނދު އައްސޭރި އާއި، ޣައްޒާގެ މެދު ތެރޭގެ ސަރަހައްދު ތަކުގެ ރައްޔިތުން ވޯޓުލާން ފަށައިފި އެވެ.
މިއީ ފަލަސްޠީނުގެ މުނިސިޕަލް ކައުންސިލް ތަކަށް މެމްބަރުން އިންތިޚާބު ކުރުމަށް ބާއްވާ ލޯކަލް ކައުންސިލް އިންތިޚާބެކެވެ.
ރާމަﷲ ގައި ހުންނަ ފަލަސްޠީނުގެ ސެންޓްރަލް އިލެކްޝަންސް ކޮމިޝަން އިން ހާމަ ކޮށްފައިވާ ގޮތުގައި، އިޒްރޭލް އިން ހިފާފައިވާ ހުޅަނގު އައްސޭރީގައި 1.5 މިލިއަނާ ގާތް ކުރާ އަދަދަށް މީހުން ވޯޓުލުމަށް ރަޖިސްޓްރީ ކޮށްފައިވެ އެވެ. މީގެ އިތުރުން ޣައްޒާގެ މެދު ތެރޭގައި އޮންނަ ދީރު އަލް ބަލާޙު ސަރަހައްދުން 70،000 އެއްހާ މީހުން ވޯޓުލުމަށް ވަނީ ރަޖިސްޓްރީ ކޮށްފަ އެވެ.
މި އިންތިޚާބުގައި ވާދަ ކުރާ ގިނަ ފަރާތް ތަކަކީ ފަލަސްޠީނުގެ ރައީސް މަޙުމޫދު އައްބާސްގެ ފަތަޙް ޖަމާއަތަށް ތާއީދު ކުރާ މެމްބަރުންނެވެ. ނުވަތަ އަމިއްލަ ގޮތުން ވާދަ ކުރާ މެމްބަރުންނެވެ. ނަމަވެސް، ޣައްޒާގެ ބޮޑު ބައެއް ކޮންޓްރޯލް ކުރަމުން އަންނަ ހަމާސް ޖަމާއަތާ ގުޅުން ހުރި އެއްވެސް މީހަކު މި އިންތިޚާބުގައި ބައިވެރި ނުވެ އެވެ.
ނާބުލްސް އަދި ފަލަސްޠީނު ސަރުކާރު ހިންގާ ރާމަﷲ ހިމެނޭހެން ބައެއް ސިޓީ ތަކުގައި ހުށަހަޅާފައި ވަނީ އެންމެ ކެންޑިޑޭޓަކަށް ވާތީ، އެ ސިޓީ ތަކުގެ ގޮނޑިތައް ވަނީ އިންތިޚާބަކާ ނުލައި ކާމިޔާބުވެފަ އެވެ.
މަސްދަރު: އޭއެފްޕީ
