ޣަފޫރުގެ އިތުބާރު ނެތްކަމުގެ މައްސަލަ އަނބުރާ ގެންގޮސްފި
އެ މައްސަލަ އަނބުރާ ގެންދެވިކަން ކުރީގެ ޗެއަރޕަރސަން ފައްޔާޒް އިސްމާއިލް ހާމަކުރައްވާފައި ވަނީ އެމްޑީޕީގެ ގައުމީ މަޖިލީހުގެ ގްރޫޕްގައި ހޮނިހިރު ދުވަހުގެ ރޭ ހިއްސާކުރެއްވި މެސެޖެއްގަ.
އެމްޑީޕީގެ ޗެއަރޕާސަން އަދި ހަނިމާދޫ ދާއިރާގެ މެންބަރު އަބްދުލްޣަފޫރު މޫސަ | ރާއްޖެ އެމްވީ
މޯލްޑިވިއަން ޑިމޮކްރަޓިކް ޕާޓީ (އެމްޑީޕީ)ގެ ވަގުތީ ޗެއާޕަރސަން، ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު އަބްދުއްޣަފޫރު މޫސާގެ އިތުބާރު ނެތްކަމުގެ މައްސަލަ އަނބުރާ ގެންގޮސްފި އެވެ.
އެ މައްސަލަ އަނބުރާ ގެންދެވިކަން ކުރީގެ ޗެއަރޕަރސަން ފައްޔާޒް އިސްމާއިލް ހާމަކުރައްވާފައި ވަނީ އެމްޑީޕީގެ ގައުމީ މަޖިލީހުގެ ގްރޫޕްގައި ހޮނިހިރު ދުވަހުގެ ރޭ ހިއްސާކުރެއްވި މެސެޖެއްގަ އެވެ.
ޣަފޫރުގެ އިތުބާރު ނެތް ކަމުގެ މައްސަލަ ހުށަހެޅީ 55 މެމްބަރުންގެ ސޮޔާއި އެކުގަ އެވެ. މިދިޔަ އަންގާރަ ދުވަހު ހުށަހަޅާފައިވާ އެ މައްސަލައިގައި ބުނެފައި ވަނީ އެމްޑީޕީ ގެ ގައުމީ މަޖިލީހުން އެ ޕާޓީގެ ވަގުތީ ޗެއާޕަރސަން ކަމުގެ މަގާމު ޣަފޫރު އާ ހަވާލު ކުރީ ސަރުކާރުން ހިންގަމުންދާ ބޮޑެތި ޖަރީމާތަކާ ޚުދުމުހުތާރު ނިޒާމަކަށް މުޅި ދައުލަތް އެކުގައި ފުރޮޅާލުމަށް ކުރަމުންދާ މަސައްކަތް ހުއްޓުވުމަށް ޕާޓީ އިން ކުރަން ޖެހޭ މަސައްކަތް އިންތިޒާމު ކުރުމަށް ކަމަށެވެ.
ޗެއާޕަރސަންގެ މަސްއޫލިއްޔަތު އަދާކުރެއްވުމުގައި ނިންމަވަން ޖެހިވަޑައިގަންނަވާ ނިންމުންތައް ނިންމެވުމުގައި އެހެން ފަރާތްތަކުން އަންގަވާ ގޮތްގޮތަށް ނިންމުންތައް ނިންމަވާ ކަމަށް އެ މައްސަލައިގައި ބުނެފައި ވެ އެވެ. އަދި ޚާއްސަކޮށް ޕާޓީގެ އަސާސީ ގަވާއިދާ ކަނޑައެޅިގެން ޚިލާފަށް އަމަލު ކުރި ކަމަށް ވެސް ބުނެފައި ވެ އެވެ.
