މަޖިލީހުގެ މެމްބަރުންނަށް ޝާހިދު: އަނގައިގައި އަޅުވާފައިވާ ކަސްތޮޅު ނައްޓާލާ ރައްޔިތުންނާއި އެކު ނުކުންނަވާ!
އިލެކްޝަންތަކުން އެމްޑީޕީ ހޯދި ކާމިޔާބީއަކީ ސަރުކާރަށް ރައްޔިތުންގެ އިތުބާރު ނެތްކަން ހާމަވި ކަމެއް ކަމަށް އެ ޕާޓީގެ ރައީސް އަބްދުﷲ ޝާހިދު ވިދާޅުވި. ޝާހިދު ގޮވާލެއްވީ ޚިޔާލުތަފާތުވުންތައް އެކަހެރިކޮށް، ގައުމު ހަމަމަގަށް އެޅުވުމަށްޓަކައި ސަރުކާރު ބަލިކުރުމަށް އެންމެން އެކުގައި ނުކުތުމަށް.
އެމްޑީޕީގެ ރައީސް އަބްދުﷲ ޝާހިދު، ހޭވައްލާތައްޔާރު ކާމިޔާބީ ފާހަގަކުރުމުގެ ޖަލްސާގައި ވާހަކަދައްކަވަނީ | ރާއްޖެ އެމްވީ
މަޖިލިސް މެމްބަރުންގެ އަނގައިގައި އަޅުވާފައިވާ ކަސްތޮޅު ނައްޓާލާ ރައްޔިތުންނާއި އެކު ނުކުމެވަޑައިގަތުމަށް ރައްޔިތުންގެ މަޖިލީހުގެ މެމްބަރުންނަށް އެމްޑީޕީގެ ރައީސް އަބްދުﷲ ޝާހިދު ގޮވާލައްވައިފި އެވެ.
ޝާހިދު އެފަދައިން ވިދާޅުވީ "ހޭވައްލާ ތައްޔާރު" ޝިޔާރުގެ ދަށުން ނުކުމެ، ކައުންސިލް އަދި ޑަބްލިއުޑީސީ އިންތިޚާބުގައި އެމްޑީޕީ އިން ހޯދި ކާމިޔާބީ ފާހަގަކުރުމަށް އެމްޑީޕީ އިން އާޓިފިޝަލް ބީޗްގައި ބޭއްވި ހަރަކާތުގައި ވާހަކަދައްކަވަމުންނެވެ. ރައްޔިތުން ވަނީ ކައުންސިލް އިންތިޚާބާއި ޑަބްލިއުޑީސީ އިންތިޚާބުގައި ސަރުކާރަށް އިތުބާރު ނެތްކަން ބުނެދީފައި ކަމަށް ވެސް ޝާހިދު ވިދާޅުވި އެވެ. ޝާހިދު ވަނީ ޤާނޫނުއަސާސީގެ ހިމާޔަތުގައި ތެދުވުމަށް ވެސް ގޮވާލައްވާފަ އެވެ.
ޝާހިދު ވިދާޅުވީ މިއީ ވަކިވަކި ފަރުދުން ކުރި މަސައްކަތަކަށް ވުރެ އެންމެން އެކުގައި ގުޅިގެން ކުރި މުހިންމު މަސައްކަތެއް ކަމަށެވެ. މިއީ ރާއްޖެ އަށް އުންމީދީ ބަދަލެއް ގެނައުމަށް އެމްޑީޕީގެ ހިތްވަރުގަދަ އާއްމު މެމްބަރުންގެ ފަރާތުން ދެއްކި އަޒުމުގެ ނަތީޖާ ކަމަށް ޝާހިދު ވިދާޅުވި އެވެ. މިހާރު އަމާޒަކަށް ވާން ވާނީ އަމާޒަކަށް ވާން ވާނީ މުޅި ރާއްޖެ ރަން ރީނދޫކޮށް ފެށި މަސައްކަތް އެކުވެރިކަމާއި އެކު ކުރިއަށް ގެންގޮސް ނިންމާލުން ކަމަށް ވެސް ޝާހިދު ވިދާޅުވި އެވެ.
"މިއަދު މިއޮތް ސަރުކާރު ބަދަލުކޮށް ބަލިކޮށް ރާއްޖެ ހަމަމަގަށް އެޅުވުން މަސައްކަތް ކުރަން ވާނީ. ޚިޔާލު ތަފާތުވުންތައް އެކަހެރިކޮށް އެކުވެރިވެވަޑައިގަންނަވާ. ރާއްޖޭގެ ރައްޔިތުންގެ އުންމީދު ތިލަފަތަށް މާ ބޮޑު. އެކުގައި ތިއްބަވާ." ޝާހިދު ވިދާޅުވި އެވެ.
ޝާހިދު ވަނީ އެމްޑީޕީ އަށް ފަހަތަށް ޖެހެވެން ނެތް ކަމަށެވެ. ރައްޔިތުން އެދެނީ އެކުގައި ގޮސް ރިޔާސީ އިންތިޚާބު ވެސް އެމްޑީޕީ ކާމިޔާބު ކުރުން ކަމަށް ޝާހިދު ވިދާޅުވި އެވެ. މިއީ ސަރުކާރު ބަލިކުރަން އެންމެން ގުޅިގެން މަސައްކަތް ކުރަންވީ ވަގުތު ކަމަށް ޝާހިދު ވިދާޅުވި އެވެ. ކައުންސިލް އިންތިޚާބުގައި 70% އިން ސަރުކާރަށް ނޫނެކޭ ބުނެފައިވާ ކަމަށާއި އެއީ ސަރުކާރު ރިޔާސީ އިންތިޚާބުގައި ވެސް ބަލި ކުރެވޭނެ ކަމުގެ ހެއްކެއް ކަމަށް ޝާހިދު ސިފަކުރެއްވި އެވެ.
