ވޯޓުލާ ދުވަހު ކެމްޕެއިން ނުކުރުމަށް އެދިފައި އޮއްވައިވެސް, ޕީއެންސީ ކުޅުދުއްފުށި ސިޓީ ކެންޑިޑޭޓަކު ކެމްޕެއިން ކުރި މައްސަލައެއް ފެންމަތިވެއްޖެ
ކުޅުދުއްފުށި ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސްކަމަށް ޕީއެންސީގެ ޓިކެޓުގައި ވާދަކުރައްވާ ކެންޑިޑޭޓު، އިންތިޚާބުގެ ކެމްޕެއިން ވަގުތު ހަމަވިފަހުން މެސެޖު ފޮނުވި މައްސަލައެއް ފެންމަތިވެއްޖެއެވެ. މިއަދު ހެނދުނު 7 ޖެހިފަހުން އާންމު ރައްޔިތުންނަށް ފޮނުވި މި މެސެޖުގައި ވަނީ އޭނާއަށް ވޯޓު ދިނުމަށް އެދިފައެވެ. މިކަމާ ގުޅިގެން ގިނަ ބައެއްގެ ފާޑުކިޔުން ވަނީ އަމާޒުވެފައެވެ.
ޕީއެންސީ ޓިކެޓުގައި ޑަބްލިއުޑީސީ ރައީސް ކަމަށް ކުރިމަތިލައްވާފައިވާ ފަރާތުން ފޮނުވި މެސެޖު | ރާއްޖެ އެމްވީ
މިހާރު ކުރިއަށްދާ ލޯކަލް ކައުންސިލް އިންތިޚާބުގައި ޕީއެންސީ ކުޅުދުއްފުށި ސިޓީ ކެންޑިޑޭޓުން ކެމްޕެއިން ކުރި މައްސަލައެއް ފެންމަތިވެއްޖެއެވެ.
މިއަދު ހެނދުނު ޕީއެންސީ ޓިކެޓުގައި ޑަބްލިއުޑީސީ ގެ ރައީސް ކަމަށް ކުރިމަތިލައްވާފައިވާ ފަރާތުން ކެމްޕެއިންކޮށް, މެސެޖެއް ފޮނުވާފައިވާ ކަމުގެ މައުލޫމާތު މި ނޫހަށް ވަނީ ލިބިފައެވެ.
ގަޑިން ހެނދުނު 7 ވެސް ޖެހިފަހުން އާންމު ރައްޔިތުންނަށް ޕީއެންސީ ޓިކެޓުގައި ވާދަކުރައްވާ ޑަބްލިއުޑީސީގެ ރައީސް ކެންޑިޑޭޓު, ފޮނުވި މެސެޖުގައި ވަނީ "މާދަމާ" އޮންނަ ކުޅުދުއްފުށި ސިޓީ ލޯކަލް ކައުންސިލް އިންތިޚާބުގައި ޕީއެންސީގެ ފަރާތުން ކުރިމަތިލައްވާފައިވާ ޑަބްލިއުޑީސީގެ ރައީސް އަށް ވޯޓު ދިނުމަށް އިލްތިމާސްކޮށްފައެވެ.
މި މައްސަލަ އާއި ގުޅިގެން އިލެކްޝަން ކޮމިޝަނުގެ ބަހެއް އަދި ލިބިފައިނުވާއިރު, އާންމުން ދަނީ މިއީ ބަލައި ނުގަނެވޭނެ ކަމެއްކަމަށް ބުނެ, އަޑު އުފުލަމުންނެވެ.
