އެހެން ގާނޫނެއް ބޭނުންކޮށްގެން ގާނޫނުއަސާސީގެ ބާރު ކަނޑުވާލައިގެން އިންތިޚާބީ މަގާމެއްގެ ދައުރު 20 އަހަރަށް ވެސް ދަންމާލެވިދާނެ: ޑރ. ޝަމްސުލް ފަލާހު
1 އެޕްރީލު 2026 | ބުދަ 13:20ގާނޫނުއަސާސީގެ މާއްދާތަކަށް ބަދަލު ނުގެނެސް، އިންތިގާލީ މާއްދާތަކެއް މެދުވެރިކޮށް އިންތިޚާބީ ދައުރުގެ މުއްދަތު ބަދަލުކުރުމަކީ ގާނޫނުއަސާސީގެ ބާރު ކަނޑުވާލަން ކުރާ ނުރައްކާތެރި މަސައްކަތެއް ކަމަށް ޑރ. ޝަމްސުލް ފަލާހު ވިދާޅުވެއްޖެ. އިންތިޚާބުތައް އެއްކުރުމަށް ފާސްކުރި ބިލުގައި ހިމެނޭ މިފަދަ "ހިޔަނި އިސްލާހުތަކުގެ" ސަބަބުން، ރައްޔިތުންގެ ބާރު ކެނޑި، އިންތިޚާބީ ދައުރުތައް ބޭނުންހާ މުއްދަތަކަށް ދަންމާލުމުގެ ފުރުސަތު ހުޅުވިގެންދާނެ ކަމަށް އޭނާ ފާހަގަކުރެއްވި. އެހެންކަމުން، ގާނޫނުއަސާސީގެ އަސާސްތައް ހިމާޔަތްކުރުމަށްޓަކައި މި ބަދަލުތަކާ ދެކޮޅަށް ރައްޔިތުން "ނޫނެކޭ" ބުނަންޖެހޭ ކަމަށް ފަލާހު ވިދާޅުވި.
ގާނޫނީ އަދި ދުސްތޫރީ ދިރާސާތައް ކުރައްވާ ލިޔުންތެރިއެއް ކަމަށްވާ ޑރ. ޝަމްސުލް ފަލާހު. | ރާއްޖެ އެމްވީ
ގާނޫނުއަސާސީގެ މާއްދާއަކަށް ބަދަލު ނުގެނަސް އެހެން ގާނޫނަކުން އޭގެ ބާރު ކަނޑުވާލެވޭ ގޮތަށް އިސްލާހުތައް ހުށަހަޅައިގެން އިންތިޚާބީ ދައުރެއްގެ މުއްދަތު 20 އަހަރު ދުވަހަށް ވެސް ދަންމާލެވޭ ގޮތަަށް ރާއްޖޭގެ ކަންކަން ބައްޓަން ކުރަން މަސައްކަތް ކުރަމުންދާ ކަމަށާ ރެފަރެންޑަމްގައި ނޫނެކޭ ބުނަން ޖެހެނީ އެގޮތަށް ގާނޫނުއަސާސީގެ ބާރު އެހެން ގާނޫނަކުން ކަނޑުވާލަން އުޅޭތީ ކަމަށް ގާނޫނީ އަދި ދުސްތޫރީ ދިރާސާތައް ކުރައްވާ ލިޔުންތެރިއެއް ކަމަށްވާ ޑރ. ޝަމްސުލް ފަލާހު ވިދާޅުވެއްޖެ އެވެ.
ރާއްޖެޓީވީ އިން ގެނަސްދޭ "ނޫނެކޭ" ކެމްޕެއިން ޕްރޮފްރާމްގައި ވާހަކަ ދައްކަވަމުން ފަލާހު ވިދާޅުވީ ރައްޔިތުންގެ މަޖިލީހުގެ ދައުރުގެ މުއްދަތަށް ބަދަލު ގެނައުމަށް ހުށަހަޅާފައިވާ އިސްލާހަށް ބަލާއިރު މިއީ ގާނޫނުއަސާސީ އަށް ގެންނަ ބަދަލެއް ނޫން ކަމަށެވެ. މިއީ ގާނޫނުއަސާސީގެ ބޭރުން ދެ އިންތިޚާބު އެއްކުރުމަށް ފާސް ކުރި ބިލުގައި ހިމަނާފަ އިންނަ މާއްދާއެއް ކަމަށް ފަލާހު ވިދާޅުވި އެވެ.
މިފަދަ އިންތިގާލީ މާއްދާތަކަކީ ދެ ހާލަތެއް ގުޅުވައިދިނުމަށް ބޭނުންކުރާ މާއްދާތަކެއް ކަން ފާހަގަކުރައްވާ ފަލާހު ވިދާޅުވީ އިންތިޚާބު އެއް ކުރުމަށް މަޖިލީހުން ފާސް ކޮށްފައިވާ މި ބިލުން ކުރާ ކަމަކީ ގާނޫނުއަސާސީ އަށް ބަދަލު ގެނައުމަށް އިންތިގާލީ މާއްދާ އެއް ބެކް ޑޯ އަކަށް ބޭނުން ކުރުން ކަމަށެވެ. ފަލާހު ވިދާޅުވީ މިއީ ވަރަށް ނުރައްކާ ކަމެއް ކަމަށެވެ.
ކީއްވެގެންތޯ ގާނޫނުއަސާސީގެ މާއްދާއަކަށް އަކުރުތައް އިތުރު ކުރިއިރު، އަކުރުތައް ބަދަލު ކުރި އިރު އޭގައި މިކަން ނުހިމެނީ. ކޮބައިތޯ މީގެ ބޭނުމަކީ. މީހުންގެ ހިތުގައި ސުވާލު އުފެދޭ ގޮތަށް ކީއްވެ ތޯ މިކަން ކުރީ. މީހުންގެ ތައުރީފެއް ލިބޭނެ ތޯ. ފާޑުކިޔުން ނޫން ކަމެއް ނުލިބޭނެ. އެހެންވީމަ ކީއްކުރަން ކުރި ކަމެއް ތޯ. ހަަމަ ލިޔަން ވީނު 4 ވަނަ މާއްދާގެ (ށ) ގަ އޮތް ވާހަކަ 79 ވަނަ މާއްދާއަށް އަކުރެއް އިތުރު ކޮށްގެން. އެކަން ކުރަންވީނޫން ތޯ. އެކަން ނުކުރީމަ މިވާގޮތަކީ ގާނޫނުއަސާސީގައި އެބުނާ މަތީ މިންގަނޑުން ފާސް ވާކަށް ކޮންމެހެން ނުޖެހޭ 4 ވަނަ މާއްދާގެ (ށ) ގައި މިހާރު އެ އޮތް ގޮތަށް. ގާނޫނުއަސާސީ އަށް ބަދަލު ނުގެނަސް އޭގެ ބޭރުން ގެންނަ ޓްރާންޒިޝަނަލް ޕްރޮވިޝަންއެއްގެ ގޮތުގައި އެކަން ގެނައިމަ. (ށ) ގެ ކޮންޓެންޓަށް ބަލާއިރު އެއީ ގާނޫނުއަސާސީ އިން އެބަ ލާޒިމު ކުރޭ ރައްޔިތުންގެ ފެންނަ ނުފެންނަ ވޯޓަކަށް ދާން ޖެހޭނެ ކަމަށް.ގާނޫނީ އަދި ދުސްތޫރީ ދިރާސާތައް ކުރައްވާ ލިޔުންތެރިއެއް ކަމަށްވާ ޑރ. ޝަމްސުލް ފަލާހު
އޭނާ ވިދާޅުވީ އެހެން ގާނޫނެއްގެ މާއްދާއެއް ހިމަނައިގެން ގާނޫނުއަސާސީ އަށް އިސްލާހު ގެނައުމަށް ކިޔަނީ ގާނޫނުއަސާސީ އަށް ގެނެވޭ ހިޔަނި އިސްލާހު ކަމަށެވެ.
އެހެންވީރު ކީއްކުރަންތޯ 5 އަހަރުގެ ވާހަކަ ދައްކަން ވީ. (ށ) ގައި 5 އަހަރު ކަމަށް ބަޔާން ކޮށްފަ ވާއިރު (ނ) ހިނަމާ ލިޔަންވީ ނޫން ތޯ މިވަނި ކަމެއް ވެއްޖެޔާ 10 އަހަރަށް ދަންމާލާނީ އޭ. 20 އަހަރަށް ދަންމާލާނީ އޭ. ދެން ހަމަ ކޮންޓްރޯލް ކޮށްފަ އޮތް މާހައުލަކުން އެކަން ވެސް ވޯޓަކަށް ގޮސްގެން ރައްޔިތުންގެ ގިނަ ބަޔަކު އެއަށް ވޯޓު ދީގެން 20 އަހަރު ދުވަހަށް ދައުރު ދަންމާލައިގެން އަޅުގަނޑުމެން ތިބެންވީ ތޯ.ގާނޫނީ އަދި ދުސްތޫރީ ދިރާސާތައް ކުރައްވާ ލިޔުންތެރިއެއް ކަމަށްވާ ޑރ. ޝަމްސުލް ފަލާހު
ގާނޫނުއަސާސީގެ މާއްދާތަކަށް ބަދަލު ނުގެނަސް އެކަމް އޭގެ ބާރު ކަނޑުވާލެވޭ ގޮތަަށް އެހެން ގާނޫނު ތަކުން މާއްދާތައް ހިމަނައިގެން ކަންކަން ކުރުން މަކީ މިއީ ވަރަށް ނުރައްކާތެރި ކަމެއް ކަމަށް ފަލާހު ތަކުރާރު ކޮށް ވިދާޅުވި އެވެ.
