އިތުރު ފުރިހަމަ ކަމެއް ގެނަސް، ކުލަގަދަ ހަރަކާތްތަކާއެކު "ޖެލީ" ގެ މަޖީދީ މަގު އައުޓްލެޓް ހުޅުވައިފި
މަޖީދީ މަގުގެ އާޓިފިޝަލް ބީޗާ ދިމާލުން ހުޅުވި މި އައުޓްލެޓަކީ ކަސްޓަމަރުންނަށް ޖާގަ ތަނަވަސް އަދި ހިތްފަސޭހަ މާހައުލެއްގައި ޚިދުމަތް ދިނުމަށް ތަރައްގީކޮށްފައިވާ ތަނެކެވެ. މި އައުޓްލެޓުގައި ތާޒާކަމާއެކު ޕިއްޒާ ލިބޭނެ "ލައިވް ޕިއްޒާ ސްޓޭޝަން" އެއް ގާއިމުކޮށްފައިވާއިރު، އެ އިމާރާތުގައި "ހާމަނީ ގާޑަން" ގެ ނަމުގައި އާ ރެސްޓޯރަންޓެއް ހުޅުވުމުގެ މަސައްކަތް ވެސް ދަނީ ކުރަމުންނެވެ. ކުލަގަދަ ހަރަކާތްތަކަކާއެކު މިތަން ހުޅުވުމުގެ މަގްސަދަކީ ޖެލީގެ 16 އަހަރުވީ ޚިދުމަތް އިތުރަށް ފުޅާކޮށް، ކަސްޓަމަރުންނަށް އާ ތަޖުރިބާތަކެއް ފޯރުކޮށްދިނުމެވެ.
އިތުރު ފުރިހަމަ ކަމެއް ގެނަސް، ކުލަގަދަ ހަރަކާތްތަކާއެކު "ޖެލީ" ގެ މަޖީދީ މަގު އައުޓްލެޓް ހުޅުވުން | ރާއްޖެ އެމްވީ
ރާއްޖޭގެ މަޝްހޫރު ޕިއްޒާ ބްރޭންޑް، "ޖެލީ" އިން މަޖީދީ މަގުގައި ހިންގަމުން އައި އައުޓްލެޓް، ކަސްޓަމަރުންނަށް ފަސޭހަ އަދި ޖާގަ ތަނަވަސް އާ އިމާރާތަކަށް ރިލޮކޭޓްކޮށް ހުކުރު ދުވަހުގެ ހަވީރު ވަނީ ވަރަށް ކުލަގަދަކޮށް ހުޅުވާފަ އެވެ.
އާޓިފިޝަލް ބީޗާ ދިމާލުން މަޖީދީ މަގުގައި ހުޅުވި މި އައުޓްލެޓް ހުޅުވައިދެއްވީ ކުންފުނީގެ ވެރިފަރާތް އާދަމް ފިރުޝާންގެ މަންމަ އާއި ބައްޕަ އެވެ.
މި އައުޓްލެޓް ހުޅުވުމަށް ބޭއްވި ރަސްމިއްޔާތު ފެނިގެންދިޔައީ އީދު ދުވަހުގެ އީދު ހަވީރެއްގެ ގޮތުގަ އެވެ. މަޖީދީ މަގުގެ އެ ސަރަހައްދަށް ގިނަ އަދަދެއްގެ ބަޔަކު ޖަމާވެފައިވާއިރު، އެންމެ ފާހަގަކޮށްލެވުނީ ކުޑަކުދިންގެ ފަރާތުން ލިބުނު ބޮޑު ތަރުހީބެވެ.
ކުދިންގެ މެދުގައި މަގުބޫލު ތަފާތު ކާޓޫން ކެރެކްޓާ ތަކާއި، ހައި-ޓެކް "ރޮބޯމެން" ކެރެކްޓާތަކާއެކު ފޮޓޯ ނެގުމާއި ނެށުމުގެ ހަރަކާތްތަކާ އެކު މުޅި ސަރަހައްދު އޮތީ ވަރަށް ފޯރިގަދަކޮށެވެ. މީގެ އިތުރުން ބޮޑުބެރުގެ ފޯރިގަދަ ކުޅިވަރުތަކުން މުޅި މާހައުލު ވަނީ ގުގުމާލާފަ އެވެ.
ސްވެންސް ހޯލްޑިންގެ މެނޭޖަރު ތާނިޝް އާދިލް ވިދާޅުވި ގޮތުގައި، މި ބަދަލަކީ ކަސްޓަމަރުންނަށް ދޭ ހިދުމަތް ފުޅާކޮށް، އެންމެ ފުރިހަމަ ތަޖުރިބާ ފޯރުކޮށްދިނުމަށް ގެނައި ބަދަލެކެވެ. އާ އައުޓްލެޓުގައި ތަފާތު އާ ބުއިންތަކެއް ލިބެން ހުންނާނެ ކަމަށާއި، ހާއްސަކޮށް "ލައިވް ޕިއްޒާ ސްޓޭޝަން" އަކުން ކަސްޓަމަރުން ބޭނުންވާ ހުރިހާ ފްލޭވާތަކެއްގެ ޕިއްޒާ ތާޒާކަމާއެކު ލިބޭނެ ކަމަށް އޭނާ ވިދާޅުވި އެވެ.
ޖެލީއަކީ ކާބޯތަކެތީގެ ހިދުމަތުގައި 16 އަހަރުގެ ދިގު ތަޖުރިބާ ހުރި ކުންފުންޏެކެވެ. މި އައުޓްލެޓް ހުންނަ އިމާރާތުގެ ފުރަތަމަ ފްލޯގައި "ހާމަނީ ގާޑަން ރެސްޓޯރަންޓް" ގެ ނަމުގައި އާ ރެސްޓޯރަންޓެއް ހުޅުވުމުގެ މަސައްކަތް ވެސް މިހާރު ދަނީ ބާރަށް ކުރިއަށެވެ. މީގެ އިތުރުން، އެ އިމާރާތުގައި ހުންނަ ސްވެންސް ހޯޑިންގގެ ޔައިފީ ސަޕްލައި އިން ޖޫގޯ ޕައުޑަރާއި ޖެލީ ފަދަ ތަކެތި ހޯލްސޭލްކޮށް އަދި ރީޓެއިލްކޮށް ލިބެން ހުންނާނެ އެވެ.
