ފަހު ވަގުތު ޓޮޓެންހަމް އިން ލިވަޕޫލް ހުއްޓުވައިފި

އިނގިރޭސި ޕްރިމިއާ ލީގުގައި ޓޮޓެންހަމްއާ ދެކޮޅަށް ކުޅުނު މެޗުން، ފަހު ވަގުތު ލިވަޕޫލް އެއްވަރު ވެއްޖެ އެވެ. 

ލިވަޕޫލްގެ އަމިއްލަ ދަނޑު، އެންފީލްޑުގައި އާދީއްތަ ދުވަހުގެ ރޭ ކުޅުނު މެޗު ނިމުނީ ދެ ޓީމު 1-1 އިން އެއްވަރު ވެގެންނެވެ. މެޗުގައި ލިވަޕޫލް އިން ލަނޑު ޖަހައި ކުރި ހޯދާފައި ވަނިކޮށް، ޓޮޓެންހަމް އިން ވަނީ ފަހު ވަގުތު ލަނޑު ޖަހައިގެން ނަތީޖާ ހަމަހަމަ ކޮށްފަ އެވެ.'

މެޗުގެ ފުރަތަމަ ހާފުގެ 18 ވަނަ މިނެޓުގައި ލިވަޕޫލް އިން ވަނީ ލަނޑު ޖަހައި ލީޑު ނަަގައިފަ އެވެ. އެ ލަނޑު ލިވަޕޫލް އަށް ޖަހައިދިނީ ޑޮމިނިކް ސޮބޯސްލާއި އެވެ. އޭގެ ފަހުން ޓޮޓެންހަމް އިން ވަނީ ނަތީޖާ ހަމަހަމަ ކުރުމަށް ފުރުސަތު ތަކެއް ހޯދައިފަ އެވެ. މެޗުގެ އެންމެ ފަހު ވަގުތުގެ ތެރޭގައި ޓޮޓެންހަމް އިން ވަނީ ލަނޑު ޖަހައި ނަތީޖާ ހަމަހަމަ ކޮށްފަ އެވެ. ރަންޑަލް ކޯލޯ މުއާނީ ތަނަވަސްކޮށްދިން ފުރުސަތެއްގައި ޓޮޓެންހަމް އަށް އެ ލަނޑު ޖަހައިދިނީ ރިޗާލިސަން އެވެ.

މެޗު އެއްވަރުވެ ލިވަޕޫލް އޮތީ ލީގު ތާވަލްގެ ފަސް ވަނައިގަ އެވެ. އެއީ މިހާތަނަށް ކުޅެފައިވާ 30 މެޗުން 49 ޕޮއިންޓާ އެކު އެވެ. އެންމެ ފަހުން ލިވަޕޫލް ކުޅުނު ހަތަރު މެޗުގެ ތެރެއިން އެ ޓީމު މޮޅުވެފައި ވަނީ އެފްއޭ ކަޕްގައި ވުލްވްސްއާ ދެކޮޅަށް ކުޅުނު މެޗުން އެކަންޏެވެ. އެއް މެޗުން އެއްވަރުވެފައިވާއިރު، އަނެއް ދެ މެޗުން ވެސް ވަނީ ބަލިވެފަ އެވެ.