އީރާނުން ސިއްރު މައުލޫމާތު ދުޝްމަނުންނަށް ފޯރުކޮށްދިން ތުހުމަތުގައި 81 މީހަކު ހައްޔަރުކޮށްފި
14 މާރިޗު 2026 | ހޮނިހިރު 17:54މިކަމާ ގުޅިގެން އީރާނުގެ ޕޮލިސް ޗީފް އަހުމަދު ރޭޒާ ރާދާން ވިދާޅުވީ، ހައްޔަރުކުރި މީހުންގެ މައްޗަށް ކުރަނީ ގައުމުގެ ސަލާމަތަށް ނުރައްކާވާ ފަދަ މައުލޫމާތު ހިއްސާކުރުމުގެ ތުހުމަތު ކަމަށް. މި އޮޕަރޭޝަނަކީ ގައުމުގެ ދާޚިލީ ސަލާމަތް ވަރުގަދަކުރުމުގެ ގޮތުން ކުރިއަށްގެންދާ މަސައްކަތެއްކަން އޭނާ ފާހަގަކުރެއްވި.
މާރިޗު 3، 2026 ގައި ތެހެރާންގެ ފިރުދޯސީ މައިދާނުގެ ކައިރިން ސުންނާފަތިވެފައިވާ މީހުން ދިރިއުޅޭ އިމާރާތެއްގެ ކައިރީގައި ހުރި ކުނިތަކާއި ގައުކުނޑިތަކުގެ ތެރޭގައި އީރާނުގެ ދިދައެއް ހަރުކޮށްފައި. | ގެޓީ އިމޭޖަސް
އީރާނުގެ އަސްކަރީ އަދި ސަލާމަތީ މަރުކަޒުތަކުގެ މައުލޫމާތު "ދުޝްމަނުންނަށް" ފޯރުކޮށްދިން ކަމުގެ ތުހުމަތުގައި އެ ގައުމުން ގިނަ އަދަދެއްގެ ބަޔަކު ހައްޔަރުކޮށްފިއެވެ. އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައި.އާރު.ޖީ.ސީ) ގެ އިންޓެލިޖެންސް އިދާރާއިން ހާމަކޮށްފައިވާ ގޮތުގައި، އަސްކަރީ އަދި ސަލާމަތީ މަރުކަޒުތަކުގެ ފޮޓޯއާއި މައުލޫމާތު އެއްކޮށް ދުޝްމަނުންނަށް ފޮނުވި ކަމުގެ ތުހުމަތުގައި ތެހެރާނުން 25 މީހަކު އަދި ހުޅަނގުގެ ސިޓީއެއް ކަމަށްވާ ހަމަދާނުން 8 މީހަކު ވަނީ ހައްޔަރުކޮށްފައެވެ.
މީގެ އިތުރުން، އީރާނުގެ އެތެރޭގެ މައުލޫމާތު ދުޝްމަނުންނަށާއި ދެކޮޅުވެރި މީޑިއާތަކަށް ހިއްސާކުރި ކަމުގެ ތުހުމަތުގައި މިހާތަނަށް މަދުވެގެން 81 މީހަކު ހައްޔަރުކޮށްފައިވާ ކަމަށް އެ ގައުމުގެ ޕޮލިސް ޗީފް އަހުމަދު ރޭޒާ ރާދާން މި ހަފުތާގެ ކުރީކޮޅު ޕްރެސް ޓީވީއަށް ދެއްވި އިންޓަވިއުއެއްގައި ވަނީ ވިދާޅުވެފައެވެ.
މަސްދަރު: އަލް ޖަޒީރާ
