ސްޕައިސީ ޗިލީ ސޯސްއާއެކު ފަސޭހައިން ޗިކަން ވޮންޓަން ތައްޔާރު ކުރައްވާނީ ކިހިނެއް؟
މީރު އެއްޗެއް ތައްޔާރުކޮށްލައްވަން ބޭނުންފުޅުވާ ބޭފުޅުންނަށް މިއީ ރަނގަޅު ރެސިޕީއެއް. ވަރަށް މަދު ވަގުތުކޮޅެއްގެ ތެރޭގައި ތައްޔާރުކޮށްލެވޭ މި "ސްޕައިސީ ޗިކަން ވޮންޓަން" އަކީ އޭގެ ރަހަ ފަތްތަކުން ކެއުމަށް އިތުރު ފުރިހަމަކަމެއް ގެނެސްދޭނެ ކެއުމެއް.
ސްޕައިސީ ޗިލީ ސޯސްއާއެކު ޗިކަން ވޮންޓަން | ޑޭ ލައިފް
ރޭގަނޑުގެ ކެއުމަށް ނުވަތަ ހަވީރުގެ ސަޔަށް ތަފާތު އަދި އެހާމެ މީރު އެއްޗެއް ތައްޔާރުކޮށްލައްވަން ބޭނުންފުޅުވާ ބޭފުޅުންނަށް މިއީ ރަނގަޅު ރެސިޕީއެކެވެ. ވަރަށް މަދު ވަގުތުކޮޅެއްގެ ތެރޭގައި ތައްޔާރުކޮށްލެވޭ މި "ސްޕައިސީ ޗިކަން ވޮންޓަން" އަކީ އޭގެ ރަހަފަތްތަކުން ކެއުމަށް އިތުރު ފުރިހަމަކަމެއް ގެނެސްދޭނެ ކެއުމެކެވެ.
ބޭނުންވާ ތަކެތި:
- 3 ސައިސަމުސާ ސެސަމީ އޮއިލް
- 8 އައުންސް ޝިޓާކޭ މަޝްރޫމް (ކޮށާފައި)
- 1 ލޮނުމެދު (ގާނާފައި)
- 12 އައުންސްގެ ފްރޯޒަން ޗިކަން ވޮންޓަން ޕެކެޓެއް
- 1-2 ޖޯޑު ޗިކަން ބްރޮތް (އިސްތިއުމާލުކުރަން ބޭނުންވާ މިންވަރަށް)
- 1/2 ޖޯޑު ޓެރިޔާކީ ސޯސް
- 1-2 ސައިސަމުސާ ޗިލީ ކުރިސްޕް ނުވަތަ ކުޅި ޗިލީ އޮއިލް
- ޒީނަތްތެރިކުރުމަށް: ކޮށާފައިވާ ފިޔާފަތް އަދި ސެސަމީ ސީޑްސް
ތައްޔާރުކުރަށްވާނެ ގޮތް:
ފިޔަވަޅު 1: ތަރުކާރީތައް ކޮށާލައްވަވާށެވެ.
މި ރެސިޕީއަށް އެންމެ ކަމުދަނީ ޝިޓާކޭ މަޝްރޫމް (ސޫޕްގަނޑަށް މީރު ރަހައެއް ގެނެސްދިނުމަށް) އަދި ފިޔާފަތް (މައްޗަށް އެޅުމަށް) އެވެ. މީގެ އިތުރުން ސްޕިނެޗް (ބޯވެލި ފަތް) ނުވަތަ ބޮކް ޗޯއި ފަދަ ފަތެއް އަޅައިގެން ތައްޔާރުކުރުމަކީވެސް ވަރަށް މީރުވާނެ ގޮތެކެވެ!
ފިޔަވަޅު 2: މަޝްރޫމް އަދި ވޮންޓަންތައް މީރުކޮށްލައްވާށެވެ.
އާންމުގޮތެއްގައި ފުރަތަމަ ސެސަމީ އޮއިލް ކޮޅެއްގައި މަޝްރޫމްތައް މީރުކުރަން ފައްޓަވާށެވެ. އަދި މަޝްރޫމްތައް ރަނގަޅަށް މީރުވުމުން، އޭގެ ތެރެއަށް ފްރޯޒަން ވޮންޓަންތައް އަޅާލައްވާށެވެ.
ފިޔަވަޅު 3: ސޯސްގަނޑު ތައްޔާރުކޮށް ލައްވާށެވެ.
ދެން އޭގެ ތެރެއަށް ޗިކަން ބްރޮތް، ކުޑަ ޓެރިޔާކީ ސޯސްކޮޅެއް، ސަމުސަލެއްގެ ޗިލީ އޮއިލް، އަދި ކުޑަ ސެސަމީ އޮއިލްކޮޅެއް އަޅާލައްވާށެވެ. މިއީ ޑިޕިންގް ސޯސްއަކާއި، ސޫޕް ބްރޮތްއެއް އަދި ފިނިޝިންގ އޮއިލްއެއްގެ ސިފަތައް އެކުލެވޭ، މި ތިންބައި އެއްކޮށްލުމުން އުފެދޭ ވަރަށް މީރު ސޯސްގަނޑެކެވެ. މަތި ޖަހައިގެން 5 މިނެޓު ވަންދެން މަޑު ގިނީގައި ކައްކާލައްވާށެވެ.
ފިޔަވަޅު 4: ތައްޓަށް އަޅައި، ޒީނަތްތެރިކުރުމަށްފަހު ސާރވް ކުރަށްވާށެވެ.
ވޮންޓަންތައް ކެކުމުން ބޯތަށްޓަކަށް އަޅާލައްވާށެވެ. އޭގެ މައްޗަށް ފިޔާފަތް އަދި ސެސަމީ ސީޑްސް ބުރުއްވާ ލެއްވުމަށްފަހު، ހޫނުކޮށް ހުއްޓާ މީރުކޮށް ފަރީއްކުޅުވަންވީއެވެ!
މިއީ އެންމެ 15 މިނެޓު ތެރޭގައި ތައްޔާރުކޮށްލެވޭ، އަދި ބޭރުގެ ރެސްޓޯރެންޓަކުން ލިބޭ ފަދަ ފުރިހަމަ ރަހައެއް ލިބޭނެ ކެއުމެކެވެ. ވޮންޓަން ނުލިބޭ ހާލަތްތަކުގައި ޑަމްޕްލިންގްސް ބޭނުން ކުރަށްވައިގެންވެސް މި ރެސިޕީ ތައްޔާރުކޮށްލެއްވިދާނެއެވެ.
