ދުވާލަކު ރާއްޖެއަށް އަންނަ ފަތުރުވެރިންގެ އެވްރެޖް އަދަދު ވަރަށް ބޮޑަށް ދަށަށް ހިނގައްޖެ
ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރާ ގައުމުގެ މަގާމު ޗައިނާއިން ދަމަހައްޓަމުންދާއިރު، ރަޝިޔާ އަދި އިޓަލީއަކީ މި ލިސްޓުގެ ކުރީގައި ހިމެނޭ މުހިންމު މާކެޓުތައް. މެދުއިރުމަތީގެ ހަމަނުޖެހުންތަކާ ގުޅިގެން ދުވާލަކު އަންނަ ފަތުރުވެރިންގެ އެވްރެޖް އަދަދު ދަށަށް ދިޔަ ނަމަވެސް، އާ މަންޒިލްތަކުން ދަތުރުތައް ފެށުމަށް ސަރުކާރުން ދަނީ މަސައްކަތް ކުރަމުން ކަމަށް ސަރުކާރުން ބުނޭ.
2016 ވަނަ އަހަރުގެ ޖެނުއަރީ މަހުގެ 30 ވަނަ ދުވަހު، ޗައިނާގެ ފަތުރުވެރިންތަކެއް މެދު ޒިޔާރަތުގެ ފޮޓޯ ނަގަނީ. | ގެޓީ އިމޭޖަސް
އީރާނާ ދެކޮޅަށް އެމެރިކާ އާއި އިޒްރޭލުން ފެށި ހަނގުރާމައިގެ ސަބަބުން ދުވާލަކު ރާއްޖެއަށް އަންނަ ފަތުރުވެރިންގެ އެވްރެޖް އަދަދު ވަރަށް ބޮޑަށް ދަށަށް ހިނގައްޖެ ކަމަށް ސަރުކާރުން ހާމަ ކޮށްފި އެވެ.
މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި އަހަރުގެ މިހާތަނަށް ރާއްޖެއަށް 500،000 އަށްވުރެ ގިނަ ފަތުރުވެރިން ވަނީ ޒިޔާރަތްކޮށްފަ އެވެ.
އެ މިނިސްޓްރީން ހާމަކޮށްފައިވާ ގޮތުގައި، މި މަހުގެ 4 ވަނަ ދުވަހުގެ ނިޔަލަށް ރާއްޖެއަށް 502،252 ފަތުރުވެރިން ޒިޔާރަތްކޮށްފައިވާއިރު، މިއީ މިދިޔަ އަހަރުގެ މި މުއްދަތުގައި ޒިޔާރަތްކުރި 461،839 ފަތުރުވެރިންނާ އަޅާބަލާއިރު 8.8 އިންސައްތައިގެ ކުރިއެރުމެކެވެ.
ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރާ ގައުމުގެ ގޮތުގައި 79،681 ފަތުރުވެރިންނާއެކު އަދިވެސް އޮތީ ޗައިނާއެވެ. ދެވަނައަށް އެންމެ ގިނަ ފަތުރުވެރިން ޒިޔާރަތްކުރި ރަޝިޔާއިން 57،466 ފަތުރުވެރިން އައިސްފައިވާއިރު، ތިންވަނައިގައި އޮތް އިޓަލީން 48،417 ފަތުރުވެރިން ވަނީ ޒިޔާރަތްކޮށްފައެވެ. މީގެ އިތުރުން، 46،005 ފަތުރުވެރިންނާއެކު އިނގިރޭސިވިލާތް ހަތަރުވަނައިގައި އޮތްއިރު، ފަސްވަނައިގައި އޮތް ޖަރުމަނުވިލާތުން 31،344 ފަތުރުވެރިން ވަނީ ރާއްޖެއަށް އައިސްފައެވެ.
މެދުއިރުމަތީގައި ހިނގަމުންދާ އަސްކަރީ ހަމަނުޖެހުންތަކާ ގުޅިގެން ބައެއް ގައުމުތަކުން ރާއްޖެއަށް ކުރާ ފްލައިޓް ދަތުރުތައް މެދުކަނޑާލުމުގެ ސަބަބުން، ދުވާލަކު ރާއްޖެއަށް އަންނަ ފަތުރުވެރިންގެ އެވްރެޖް އަދަދު ވަރަށް ބޮޑަށް ދަށަށް ގޮސްފައިވާ ކަމަށް މިނިސްޓްރީން ބުނެއެވެ. ސަރުކާރުގެ މީޑިއާ ޕީއެސްއެމް ނިއުސްއިން ރިޕޯޓުކޮށްފައިވާ ގޮތުގައި، މެދުކަނޑާލާފައިވާ ބައެއް ފްލައިޓްތައް އަލުން ފެށުމަށް ސަރުކާރުން މަސައްކަތް ކުރަމުންދާއިރު، ކަމާބެހޭ އިދާރާތަކުން ދަނީ އާ މަންޒިލްތަކުން ފްލައިޓްތައް ފެށުމަށްވެސް މަސައްކަތް ކުރަމުންނެވެ.
ދުނިޔޭގެ ވައިގެ ދަތުރުފަތުރަށް މިހާރު ކުރިމަތިވެފައިވާ ގޮންޖެހުންތަކާއެކުވެސް، ޗައިނާ އާއި ރާއްޖެއާ ދެމެދު ސީދާ ދަތުރުތައް އިތުރުވުމާއި ވިސާއާ ނުލައި ދަތުރުކުރެވޭ އިންތިޒާމުތަކުގެ ސަބަބުން، ޗައިނާގެ ފަތުރުވެރިންގެ މެދުގައި ރާއްޖެއަކީ އެންމެ މަގުބޫލު މަންޒިލް ކަމަށް ޗައިނާގެ ނިއުސް އޭޖެންސީ ޒިންހުއާ އިން ރިޕޯޓު ކޮށްފައިވެއެވެ.
