ސަރުކާރުން 10 ރިސޯޓު ހަދާ ދިވެހިންނަށް އާމްދަނީ ދޭނެކަމަށް ބުނީ ހެޑްލައިން ހަދަން, ނިންމާފައި ހުރި ފްލެޓަކަށް މީހުން ނުވެއްދުނު ބަޔަކަށް އެކަމެއް ނުވާނެ: އަމްރު
ސަރުކާރުން 10 ރިސޯޓު ތަރައްގީކޮށް ދިވެހިންނަށް އާމްދަނީ ދޭނެކަމަށް ބުނާ ބުނުމަކީ ހަމައެކަނި "ހެޑްލައިން" ހެދުމުގެ ގޮތުން ދައްކާ ވާހަކައެއް ކަމަށް އެސްޓީއޯގެ ކުރީގެ އެމްޑީ ހުސައިން އަމްރު ވިދާޅުވި. ނިންމާފައި ހުރި ފްލެޓްތަކަށް މީހުން ނުވެއްދި، އަސާސީ ޚިދުމަތްތަކުގެ މައްސަލަ ހައްލުނުކުރެވޭ ސަރުކާރަކަށް މިފަދަ ބޮޑު މަޝްރޫއެއް ކާމިޔާބު ނުކުރެވޭނެ ކަމަށް އޭނާ ފާހަގަކުރެއްވި.
އެސްޓީއޯގެ ކުރީގެ މެނޭޖިން ޑިރެކްޓަރ އަމްރު | ރާއްޖެ އެމްވީ
ސަރުކާރުން 10 ރިސޯޓު ހަދާ ދިވެހިންނަށް އާމްދަނީ ދޭނެކަމަށް ރައީސް ޑރ.މުހައްމަދު މުއިއްޒު ވިދާޅުވީ ހެޑްލައިން ހެއްދެވުމުގެ ގޮތުން ކަމަށާއި، ނިމިދިޔަ ސަރުކާރުން ނިންމާފައި ހުރި ފްލެޓަކަށް މީހުން ނުވެއްދުނު ސަރުކާރަކަށް އެކަން ނުވާނެ ކަމަށް އެސްޓީއޯ ގެ ކުރީގެ މެނޭޖިންގ ޑިރެކްޓަރު ހުސައިން އަމްރު ވިދާޅުވެއްޖެ އެވެ.
ކުރިއަށް އޮތް ތިން އަހަރު ދުވަހުގެ ތެރޭގައި އެންމެ މަދުވެގެން 10 ރިސޯޓް ސަރުކާރުން ތަރައްގީކުރާނެ ކަމަށާއި، އެ ތަނުގައި ކޮންމެ ދިވެހި ރައްޔިތަކު ހިއްސާދާރަކަށް ވާނެ ކަމަށް ރައީސް ޑރ.މުހައްމަދު މުއިއްޒު ވަނީ ދާދިފަހުން ވިދާޅުވެފަ އެވެ. އަދި އެ ރިސޯޓުން ލިބޭ ބޭރު ފައިސާ ދިވެހިންގެ އެކައުންޓަށް ޖަމާ ކުރަން ފައްޓަވާނެ ކަމަށް, ރައީސް ވިދާޅުވި އެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން އަމްރު ވިދާޅުވީ މި ސަރުކާރަށް ދޮޅު އަހަރުވީ އިރު ސަރުކާރުގެ ފަރާތުން ރައްޔިތުންނަށް މަންފާ ވާނެ އެއްވެސް ޕްރޮޖެކްޓެއްގެ މަސައްކަތް ކުރިއަށް ގެންދާތަން ފެނިގެން ނުދާ ކަމަށެވެ. އަދި އާމްދަނީ ލިބޭނެ އިތުރު ކަމެއް ވެސް ސަރުކާރުން ކުރަމުން ނުދާ ކަމަށް އަމްރު ވަނީ ވިދާޅުވެފަ އެވެ.
"10 ރިސޯޓް ހައްދަވާނެ ކަމަށް އެ ވިދާޅުވަނީ. މިހާތަނަށް ސެކްޓަރ ކުރި އެރުވީ އަމިއްލަ މީހުން. މި އުޅެނީ ނިންމާފައި ހުރި ފްލެޓަކަށް މީހުން ނުވައްދައިގެން. އައްޑޫގެ ކަރަންޓުގެ މައްސަލަ ދެ އަހަރާއި ބައި ވީ އިރު ހައްލު ނުވީ ބަޔަކަށް މިކަން ވެދާނެތޯ؟ އެހެންވީމަ މި ދަންނަވަނީ ހެޑްލައިން ހެދިދާނެ. ދައްކާނެ ވާހަކަ އެއް ނެތީމަ މޮޅެތި ވާހަކަ ދެއްކުމަކީ ގައުމު ހިންގުމެއް ނޫން." އަމްރު ވިދާޅުވި އެވެ.
މީގެ އިތުރުން ފަތުރުވެރިކަން ނަގަހައްޓަނީ އާއްމު ފަރާތްތައް ކަމަށާއި އެ ސިނާއަތް ކުރިއަރުވަން ސަރުކާރަށް މަސައްކަތް ނުކުރެވޭ ކަމަށް އޭނާ ވިދާޅުވި އެވެ. ދުނިޔޭގެ ޖިއޯ ޕޮލިޓިކްސް ނުވަތަ ދުނިޔޭގައި ފެތުރޭ އާއްމު ބަލިމަޑުކަމެއް ދިމާވެއްޖެ ހާލަތެއްގައި ކަންކަން ކުރާނީ ކިހިނެތްތޯ ސަރުކާރަށް ވިސްނާލެވިފައި ނެތް ކަމަށާއި މިއީ ކަންބޮޑުވުމެއް ކަމަށް އަމްރު ވިދާޅުވި އެވެ. މިހާރު ރާއްޖޭގެ ފަތުރުވެރިކަން ރަނގަޅު ނަމަވެސް ތަކެތީގެ އަގު އިންތިހާ އަށް ބޮޑު ކަމަށް ފާހަގަކުރައްވާ އަމްރު ވިދާޅުވީ
