އެފްއޭއެމްގެ ކޮންގްރެސް ހޮނިހިރު ދުވަހުގެ ރޭ
7 މާރިޗު 2026 | ހޮނިހިރު 04:32އެފްއޭއެމް އިން ބާއްވާ އޯޑިނަރީ ކޮންގްރެސްގައި އެ އެސޯސިއޭޝަންގެ އަހަރީ ރިޕޯޓު ފާސް ކުރުމާއި، ބަޖެޓު ފާސް ކުރުން އަދި އިދާރީ ގޮތުން ފުރިހަމަ ކުރަން ޖެހޭ ކަންކަން ކުރިއަށް ގެންދިޔުން އޮންނާނެ ކަމަށް އެފްއޭއެމް އިން ބުނެފައިވޭ.
2025 ވަނަ އަހަރު އޮތް އެފްއޭއެމްގެ އެކްސްޓްރާ އޯޑިނަރީ ކޮންގްރެސްގެ ތެރެއިން. | އިމޭޖަސް.އެމްވީ
ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް)ގެ އޯޑިނަރީ ކޮންގްރެސް، ހޮނިހިރު ދުވަހުގެ ރޭ އޮންނާނެ ކަމަށް އެ އެސޯސިއޭޝަން އިން ބުނެފި އެވެ.
މި ކޮންގްރެސް ބޭއްވުމަށް އެފްއޭއެމްގެ ހިންގާ ކޮމެޓީ އިން ނިންމާފައި ވަނީ، މިއަހަރުގެ ޖަނަވަރީ މަހުގެ ތެރޭގަ އެވެ. މިއީ އެފްއޭއެމްގެ ރައީސް ކަމުގެ މަޤާމަށް އަޙުމަދު ޠާރިޤު (ޓޮމް) އިންތިޚާބު ކުރި ފަހުން ބާއްވާ ފުރަތަމަ ކޮންގްރެސް އެވެ.
އެންމެ ފަހުން އެފްއޭއެމް އިން ބާއްވާފައި ވަނީ އެކްސްޓްރާ އޯޑިނަރީ ކޮންގްރެސް އެކެވެ. އެއީ މިދިޔަ އަހަރުގެ ޖުލައި މަހުގެ 26 ވަނަ ދުވަހު އެވެ. އެފްއޭއެމްގެ ރައީސް ކަމަށް ޓޮމް އާއި، އޭނާގެ ހިންގާ ކޮމެޓީ އިންތިޚާބު ކޮށްފައި ވަނީ އެ ކޮންގްރެސްގަ އެވެ.
އެފްއޭއެމް އިން ބާއްވާ އޯޑިނަރީ ކޮންގްރެސްގައި އެ އެސޯސިއޭޝަންގެ އަހަރީ ރިޕޯޓު ފާސް ކުރުމާއި، ބަޖެޓު ފާސް ކުރުން އަދި އިދާރީ ގޮތުން ފުރިހަމަ ކުރަން ޖެހޭ ކަންކަން ކުރިއަށް ގެންދިޔުން އޮންނާނެ ކަމަށް އެފްއޭއެމް އިން ބުނެފައިވެ އެވެ.
މިދިޔަ އަހަރުގެ ޖުލައި މަހުގެ ތެރޭގައި އެފްއޭއެމްގެ ރައީސް ކަމުގެ މަޤާމަށް ޓޮމް ވަޑައިގެން، ޓޮމް އާއި އޭނާގެ ޓީމުން އަންނަނީ ފުޓުބޯޅައިގެ ޙާލަތު ރަނގަޅު ކުރުމަށް ގިނަ މަސައްކަތް ތަކެއް ކުރަމުންނެވެ.
