ދައުލަތުގެ މަގާމެއްގައި ހުރެ ހިންގި ނަހަމަ އަމަލުތަކެއްގެ ތުހުމަތުގައި، އިނގިރޭސިވިލާތުގެ ކުރީގެ ސަފީރު ޕީޓާ މަންޑެލްސަން ލަންޑަން ފުލުހުން ހައްޔަރުކޮށްފި
އުމުރުން 72 އަހަރުގެ މަންޑެލްސަން ހައްޔަރުކޮށްފައިވަނީ އޭނާ ދިރިއުޅޭ ގެ ބަލައި ފާސްކުރުމަށްފަހުގައި. މީޑިއާތަކުން އާންމުކޮށްފައިވާ ވީޑިއޯތަކުން ފެންނަ ގޮތުގައި، ފުލުހުން އޭނާ ގެންގޮސްފައިވަނީ އެމީހުންގެ ބެލުމުގެ ދަށުން.
އެމެރިކާއަށް ކަނޑައަޅުއްވާފައި ހުންނެވި އިނގިރޭސިވިލާތުގެ ކުރީގެ ސަފީރު، ޕީޓަރ މަންޑެލްސަން. | ރޮއިޓާސް
ޖެފްރީ އެޕްސްޓީންއާ އޮތް ގުޅުންތަކަކާ ގުޅިގެން ކުރެވޭ ތުހުމަތުތަކަކާ ގުޅިގެން، އިނގިރޭސިވިލާތުން އެމެރިކާއަށް ކަނޑައަޅާފައި ހުންނެވި ކުރީގެ ސަފީރު ޕީޓާ މަންޑެލްސަން، ދައުލަތުގެ މަގާމެއްގައި ހުރެ ހިންގި ނަހަމަ އަމަލުތަކެއްގެ ތަހުގީގަށް ހޯމަ ދުވަހު ލަންޑަން ފުލުހުން ހައްޔަރުކޮށްފިއެވެ.
މެޓްރޯޕޮލިޓަން ފުލުހުން ނެރުނު ބަޔާނެއްގައި ބުނެފައިވަނީ، ދައުލަތުގެ މަގާމެއްގައި ހުރެ ހިންގި ނަހަމަ އަމަލުތަކެއްގެ ތުހުމަތުގައި އުމުރުން 72 އަހަރުގެ ފިރިހެނަކު ހައްޔަރުކޮށްފައިވާ ކަމަށެވެ. ފުލުހުން މި ބަޔާން ނެރެފައިވަނީ މީގެ ކުރިން މަންޑެލްސަންގެ ގެ ބަލައި ފާސްކުރުމަށްފަހުގައެވެ. އަދި މީޑިއާތަކުން އާންމުކުރި ވީޑިއޯ ފުޓޭޖްތަކުން ފެންނަ ގޮތުގައި، މަންޑެލްސަން އޭނާގެ ގެއިން ފުލުހުންގެ ބެލުމުގެ ދަށުން ގެންދާ މަންޒަރު ފެނެއެވެ.
މަސްދަރު: އޭއެފްޕީ
