ލޯކަލް ކައުންސިލް އިންތިހާބު ކެމްޕޭނަށް އެމްޑީޕީގެ ރައީސް ހއ. އަތޮޅަށް ވަޑައިގެންފި
20 ފެބުރުއަރީ 2026 | ހުކުރު 09:48މި ދަތުރުފުޅުގައި އެ އަތޮޅުގެ ރަށްރަށަށް ޒިޔާރަތްކޮށް ދޮރުން ދޮރަށް ހިނގުމުގެ އިތުރުން، ކެނޑިޑޭޓުންނާ ބައްދަލުކުރައްވައި އިންތިޚާބާ ގުޅޭ މުހިންމު މަޝްވަރާތައް ކުރެއްވުމަށް ވަނީ ހަމަޖެހިފަ.
އެމްޑީޕީގެ ރައީސް އަބްދުﷲ ޝާހިދު ކެމްޕޭން ދަތުރުފުޅެއްގައި ހއ. އަތޮޅަށް ފުރާ ވަޑައިގަންނަވަނީ. | ރާއްޖެ އެމްވީ
ކުރިއަށް އޮތް ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑިޕީގެ ރައީސް އަބްދުﷲ ޝާހިދު ހއ. އަތޮޅަށް ވަޑައިގެންފި އެވެ.
ހުކުރު ދުވަހު ހެނދުނު ފެެއްޓެވި މި ދަތުރުފުޅުގައި ޝާހިދު ފުރަތަމަ ވަޑައިގަތީ މާރަންދޫ އަށެވެ. މާރަންދޫ ގައި އެމްޑީޕީގެ ކެންޑިޑޭޓުންނާ ޝާހިދު ބައްދަލު ކުރެއްވި އެވެ.
ކުރިއަށް އޮތް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބުގެ ކެމްޕެއިން މިމަހުގެ 12 ވަނަ ދުވަހުގެ ރޭ ލޯންޗުކުރުމަށް ފަހު އެމްޑީޕީން އަންނަނީ އަތޮޅުތެރޭގެ އެކި ރާށްރަށަށް ޒިޔާރަތް ކުރައްވަމުންނެވެ.
އެމްޑީޕީގެ ރައީސް އަބްދުﷲ ޝާހިދު ބައިވެރިވެވަޑައިގަންނަވާ މިދަތުރުފުޅުގައި ޒިޔާރަތްކުރައްވާ ރަށްރަށުގައި ދޮރުން ދޮރަށް ކެމްޕެއިން ހަރަކާތް ކުރިއަށް ގެންދިއުމަށް ވަނީ ހަމަޖެހިފަ އެވެ.
އޭގެ އިތުރުން ކެނޑިޑޭޓުންނާއި ބައްދަލުކުރައްވާ މުހިންމު މަޝްވަރާތަކެއް ކުރައްވާނެ އެވެ.
ހުކުރު ދުވަހު ހއ. އަތޮޅަށް ފެއްޓެވި މިދަތުރުގައި އެމްޑީޕީގެ ރައީސް އަބްދުﷲ ޝާހިދު އަތޮޅުގެ ގިނަ ރަށްތަކަކަށް ވަޑައިގަތުމަށް ވަނީ ހަމަ ޖެހިފަ އެވެ.
